hósdagur 9. januar 2020síða 30

FRÍGGJADAGUR 10. JANUAR 2020 SOSIALURIN 4 30 SJÚRÐUR HILDARSON HOYDAL H óast Føroyar hava góð minni úr hond­ bólts­søguni, við fyrst og fremst C-HM og fleiri sigrum í kapp­ingum sum Emerging Nations, Challenge Trophy og í ungdómshondbólti, so hevur manslandsliðið ongantíð vunnið ein undankappingardyst. Í EM- høpi hava Føroyar fingið tvey stig í søguni. Tað fyrsta kom í 22-22 javnleiki ímóti Belgia í Høllini á Hálsi tann 15. januar 2003 og seinna stigið kom í 24-24 javn­leiki á útivølli í Montenegro tann 24. oktober 2018. Í 1992 var farið burtur frá A, B og C-HM til at spæla undan­ kapp­ingar. Før­oy­ar hava síðani lut­tikið í undankappingum til HM í 2005, 2009, 2011 og 2019, men ongantíð eru stigini komin. Tá ið hugt verður eftir lið­ unum, ið spælt hevur verið ímóti er tað eisini skilligt, at tað ikki hevur eydnast. Føroyar hava altíð verið í niðasta styrkislagi, tá ið lutakastini hava verið og mótstøðan hevur verið sterk. Tað verður trupult Til hesa undankappingina vóru Føroyar styrkismettar í triðja av fýra løgum, men lutakastið gjørdist kortini sera trupult. Litava og Slovakia vóru ímillum sterkastu tjóðirnar í ávikavist fyrsta og øðrum lagi, og Luksemborg mundi vera hitt sterkasta í fjórða lagi. Minnast væl Luksemborg Føroyar hava roynt seg ímóti Luksemborg áður. Millum annað í Challenge Trophy í júst somu høll, sum spælt verður í hetta viku­skiftið. Dia Midjord var tá høvuðs­ ven­jari hjá Føroyum, og hann royndi seg í fleiri førum ímóti Luks­em­borg. Nú er hann aftur her – hesaferð sum hjálpar­venj­ ari. Dia Midjord minnist hvussu Føroyar fingu ein stóran av­ smurn­ing fyrstu ferð. Eini tíggju- tólv mál minnist núverandi hjálparvenjarin. Men tað gekk ikki long tíð, so høvdu Føroyar tikið seg nógv inn á Luksemborg aftur og í einum seinni dysti var mun­urin eini fýra-fimm mál. - Nú verður spennandi at síggja hvussu vit hesaferð eru fyri í mun til teir, sigur Dia Midjord áðrenn kappingina. -Skulu menna okkum Venjararnir arbeiða eisini fyri at hópurin skal gerast alsamt betri í mun til komandi mótstøðuliðini. Sonni Larsen, landsliðsvenjari sigur, at vónin er at gerast enn dugnaligari eftir hesa kappingina. - Eg vóni vit fáa bygt á okkara spæl – serliga skjótálopsspælið. Tað hevur verið okkara tema seinastu tíðina. Tað fer at krevja at vit verja sera væl og at vit standa væl í málinum. Og tað havi eg eisini eina væntan av at vit megna, so at vit fáa hægru góðsku í skjótálopsspælið, sigur venjarin, ið kortini eisini hevur sínar vónir til at skapa óvæntaði úrslitini: - Vit eru her fyri at spæla okkum víðari. Vit eru ikki bara við fyri stuttleikar. Taka vónandi næsta fetið Men mótstøðan er hørð, og tey fæstu munnu vænta at Føroyar skulu vinna hendan bólkin, hóast góð avrik ímóti serliga Montenegro og Ukraina, sum spæla EM í hesum døgum. - Serliga Litava er eitt sera gott lið, sum kanska minnir eitt sindur um Montenegro. Men eg haldi at Litava er enn betri, sigur venjarin og greiðir frá at litavska liðið er betri samanspælt enn Montenegro. - Men sjálvandi bera dystirnir í seinastu undankappingini til EM boð um, at vit sum heild eru komin upp á eitt hægri støði enn fyri tveimum árum síðani, og vónandi taka vit enn eitt fet upp, sigur Sonni Larsen. SJURDUR@SOSIALURIN.FO Føroyska manslandsliðið hevur ongantíð vunnið ein undankappingardyst síðani farið var frá at spæla C-HM. Nú skal tað vera, tá ið Føroyar spæla ímóti Litava, Slovakia og Luksemborg næstu dagarnar – Sosialurin hevur hugt eftir hópinum sum skal vinna fyrstu stigini SKULU KENNA SIGURIN SKULU KENNA SIGURIN FYRI FYRSTU FERÐ FYRI FYRSTU FERÐ Helgi Hildarson Hoydal hevur verið í stórformi saman við Kjartani Johansen í Norra Peter Krogh og Vilhelm Poulsen hava verið framúr í H71 hetta kappingarárið