hósdagur 9. januar 2020síða 31

FRÍGGJADAGUR 10. JANUAR 2020 SOSIALURIN 4 31 Málverjar Nicholas Satchwell – Neistin Tóraldur Kollsker – FIF (DK) Nicholas Satchwell er kanska størsti lykilin um tað skal eydn­ ast at fáa ein føroyskan sigur hesaferð. Málverjin hevur verið ein av besti leikarunum í Okkaradeildini yvirhøvur í ár, og er millum annað ḱosin ”Leik­arin hesa vikuna” tvær ferð­ir í Ítrottarsosialinum higar­til. Í blaðnum mánadagin varð Nicholas Satchwell eisini kosin besti málverji fyri fyrru helvt av kappingarárinum, og vit søgdu tá millum annað, at málverjin hevur avgjørt ein dyst fyri og annan eftir fyri Neistan. Hann hevur eisini spælt so at siga hvørt sekund í teimum 13 dystunum hjá Neistanum, sum fær 24,2 mál ímóti sær í miðal. Tóraldur Kollsker skal trakka til tá ið Nicholas hevur tørv á einum steðgi. 25 ára gamli málverjin hevur stríðst við drúgvar knæskaðar seinastu fýra árini, men í fjør spældi hann eitt framúr kappingarár við danska FIF, sum vann allar sínar dystir og flutti upp í næstbestu deildina. Í ár hevur hann tíverri ikki fingið nakra spælitíð, men hevur spælt við næstbesta liðnum í 2. deild. Vinstru veingir Rói Berg Hansen – FIF (DK) - 61 mál í 15 dystum Leivur Mortensen – H71 – 39 mál í 13 dystum Seinastu landsdystirnar hevur Rói Berg Hansen verið einasti vinstri vongurin á landsliðnum. Tað vitnar um stórt álit frá landsliðsvenjaranum. Rói Berg Hansen skrivaði sítt navn í før­oysku hondbóltssøguna, tá ið hann javnaði til 24-24 ímóti Montenegro í evstu løtu, og farna kappingarár var hann eisini fastur maður á FIF- liðnum, sum ósigrað vann 2. deild í Danmark, og hagtølini siga okkum, at hann framvegis skorar mál í 1. deild. Leivur Mortensen hevur verið ein hin mest spennandi ungi leikarin í Føroyum seinastu árini, og Ítrottarsosialurin valdi hann mánadagin at vera besta vinstra vong í Føroyum seinasta hálvárið. Vinstru bakkar Hilmar Leon Jakobsen – H71 – 17 mál í sjey dystum Teis Horn Rasmussen – HEI (DK) – 16 mál í 14 dystum Brandur Halgirsson – AJAX (DK) 11 mál í 15 dystum Tað er hevur verið sera mál­fá­ tækt í feløgunum hjá vinstru bakkunum. Orsøkin er, at bæði Teis Horn Rasmussen og Brandur Halgirsson verða roknaðir sum verjuserfrøðingar í feløgunum. Brandur Halgirsson hevur eisini á landsliðnum verið nýttur í tí leiklutinum, men okkurt í venjingunum bendir á, at hann fer at fáa eitt sindur størri leiklut í álopinum um viku­skiftið. Hilmar Leon Jakobsen er hinvegin vanliga at rokna sum málslúkur. Eftir at hava verið róptur risatalent við tilboðum um at spæla hondbólt í eitt nú Spania, hevur kviki bakkurin tó stríðst við truplar skaðar seinastu tvey árini. Seinasta kappingarár spældi hann so at siga bara finalurnar, har hann prógvaði, at hann framvegis dugir at skjóta mál. Í ár spældi hann ikki fimm teir fyrstu dystirnar í Okkaradeildini, og er síðani spakuliga slúsaður inn á H71-liðið aftur. Á vinstra bakki fara vit óivað eisini at síggja Peter Krogh, sum stendur sum høgri bakkur í yvirlitinum, sum Ítrottarsosialurin hevur fingið frá landsliðsvenjaranum. Miðjur Jónas Gunnarsson Djurhuus FIF (DK) - 29 mál í 15 dystum Kjartan Johansen – Viking (NO) -106 mál í 13 dystum Tveir av avgjørdu lykla­leikar­ un­um frá EM-undankappingini standa sum miðjur, men einki er at ivast í, at Jónas Gunnarsson Djurhuus fer at spæla miðja, við Kjartani Johansen á høgra bakki. Jónas Gunnarsson Djurhuus hevur fingið misjavnt av áliti í FIF hetta kappingarárið, og minuttirnir hava ofta verið ov fáir. Men herfyri spældi hann ein branndyst og var eisini kosin dag­sins leikari, so hann kemur til Luksemborg við sjálvsáliti. Ovur­stór ábyrgd liggur á før­ oyska spælskiparanum í Luksem­borg, sum vónandi aftur finn­ur fantastisku avrikini frá sein­astu undankapping fram. Tað fer Kjartan Johansen vónandi eisini. Hann kemur til Luksemborg í stórformi eftir eitt framúr kappingarár, ið hann kann leggja afturat fantastisku avrikini ímóti Ukraina og Danmark í fjør. Hann er í løtuni toppskjútti í norsku 1. deild, og stevnir við liðið sínum ímóti uppflyting. Høgru bakkar Peter Krogh – H71 – 78 mál í 13 dystum Vilhelm Poulsen – H71 - 48 mál í 12 dystum Peter Krogh spælir óivað vinstri bakkur meginpartin av teimum trimum dystunum í Luksemborg. Eftir tvey kapp­ ingarár, har lesnaður uttan­ lands hevur darvað hond­bólts­ rút­muna hjá Føroya besta leikara í 2016 og 2017, hevur hann í ár verið í stórformi í H71. Kropsliga tykist hann at vera í topp­formi og hann vísti millum annað í Evropa Cup-dystunum í heyst, at hann stendur fult í mát við altjóða leikarar – ofta meira enn so. Skotini hava sitið hart og neyvt, og hann er aftur ein hin besti leikarin í Føroyum yvirhøvur. Og so skal tað heldur ikki undirmetast, at mótstøðuleikarar altíð verða tiknir á bóli, tá ið Peter Krogh sínir sínar dygdir at skifta skotarm. Ársins stjørnuskot í Okkara­ deildini í fjør, Vilhelm Poulsen, hevur í ár gjørt, at Peter Krogh fyri tað mesta skjýtur við høgra armi í H71. Vilhelm Poulsen tykist at gerast betri og betri, og vødd­ar­nir bara vaksa og vaksa. Dygd­irnar eru eitt hart knapt hoppi­skot, áðrenn verjan kemur upp á pláss, og at ongantíð geva verjuni frið við sínum av­ bjóðingum. Høgru veingir Nicklas Selvig Pætur Thomsen Nicklas Selvig er enn ein sum kann spæla høgru bakkur – tað ger hann eisini dagliga í KÍF. Á landsliðnum er tó eingin ivi um, at hann fer at spæla vong­ ur. Nicklas Selvig spældi eina framúr undankapping, har ein sat við kensluni av, at tær roynd­ir­nar hann fann sær í TMS Ring­sted, sum hann førdi upp í bestu donsku deildina, hjálpa honum væl í landsdystunum. Er eisini ein sterkur og klókur verju­spælari, og kann sum hálv­ ur bakkur byrja eitt sera gott trýst á vonginum – um hann ikki fintar seg ígjøgnum og skorar úr spískum við eyðkenda slangu­arminum. Pætur Thomsen skal loysa Sel­vig av tá ið tað er neyðugt. 23 ára gamli hoyvíkingurin gjørd­ist serliga víðagitin fyri síni avrik við U21-landsliðnum í Algeria á sinni, men hevur síðani stríðst nakað við skaðar. Serliga skjótálopini eru serdygdin hjá kvika høgra vonginum, sum eisini hevur víst seg sum ein klókan verjuspælara á vongi­ num hjá H71. Strikur Rókur Akralíð – HEI (DK) 23 mál í 12 dystum Helgi Hildarson Hoydal - Viking (NO) – 54 mál í 13 dystum Rógvi Dal Christiansen – Kyndil - 41 mál í 12 dystum Rókur Akralíð er væl og virðiliga royndasti leikarin á føroyska lands­liðnum og hevur eisini yvir­tikið liðskiparabandið frá Tróndi Kragesteen. 32 ára gamli Rókur Akralíð fekk sín fyrsta landsdyst í 2004, men um jólini í fjør var spurningurin um hann kláraði at halda fram á landsliðnum. Tá fekk Rókur starv sum lækni í Aarhus og spurningurin hvat fór at henda við hondbóltinum. Rókur fann sær liðið HEI í donsku fyrstu deild, og gjørdist fastur maður. Tað hevur gagnað lands­liðnum væl, tí Rókur spældi aftur fleiri framúr landsdystir í vár, har hann skipaði verjuna ímóti heimsstjørnunum. Og í HEI hevur hann eisini endur­upp­ funnið seg sum álopsleikara. Í Kyndli seinastu árini var tað annars Rógvi Dal Christiansen, sum avloysti Rók í álopinum. Kyndil bygdi álopið hjá sær upp um Rógva, sum seinastu árini hevur verið ein tann leik­arin, sum føroysku liðini hava hatað mest at spæla ímóti. Vøddarnir eru øgiligir, tyngdarpunktið lágt og tað tykist stundum ógjørligt at steðga honum uttan at gera brots­kast. Á landsliðnum má hann deilast um ábyrgdina við Rók og Helga Hildarson Hoydal, sum eins og liðfelagin í Norra, kemur til Luksemborg í stórformi, eftir fleiri kappingarár við knæskaðum. Áðrenn hetta kapp­ingarárið var hann út­ nevnd­ur liðskipari í Viking, og hann hevur takkað fyri við at skipa eina krútsterka verju, sum er á veg at spæla Viking upp í bestu deildina. Seinastu dyst­ irnar hevur hann eisini stuðla Kjartani í álopinum við fleiri og fleiri málum. Spennandi føroyskur hópur í Luksemborg Bæði skaðar og natúrlig útskifting hava gjørt broytingar í hópinum. Ítrottarsosialurin hevur hugt eitt sindur eftir kapp­ingar­árinum hjá leikarunum, sum ætla at vinna fyrsta føroyska undan­kapp­ingar­sigurin um vikuskiftið. Niðanfyri standa dystir og mál hjá før­oysku útileikarunum í feløgunum hetta kappingarárið Tóraldur Kollsker og Hilmar Leon Jakobsen eru til reiðar eftir drúgvar skaðar seinastu árini