mánadagur 13. januar 2020síða 14

Mánadagur 13. januar 2020 · Nr. 5 14 Sosialurin Hugskot og viðmerkingar – send sms til 225000 FÓTBÓLTUR Sjúrður Hildarson Hoydal – Luksemborg NICHOLAS SATCHWELL Fyrsta valið í føroyska málinum hevur ikki góðar umstøður ímóti Litava. Tað er trupult at fáa fatur á fríu litavsku skjúttunum, sum hugna sær ímóti føroysku verjuni. Næstu dagar­nar gongur frægari, og hann finnur stórspælið fram í avgerandi løtunum. Eyð­kendu stórbjargingarnar koma av álvara til sjóndar, tá ið tær avgera sigurin ímóti Luksem­ borg. Ímóti Slovakia gevur ein bjarging eisini ein lítlan møgu­leika at avgera dystin, men Nicholas endar dystin í døpurhuga, tá ið hansara skjót­ álopsbóltur verður fangaður. TÓRALDUR KOLLSKER Eftir drúgvar knæskaðar fær Tóraldur Kollsker sínar fyrstu landsdystir. Her hevur hann tað eins og Nicholas ov trupult í løtum, men eisini hann traðkar til við góðum bjargingum, sum geva góðar vónir til komandi landsdystir. RÓI BERG HANSEN vísir einaferð enn, at hann leggur einki í um mótstøðan kemur úr stórum evropiskum feløgum. Eitt øgiligt sjálvsálit í sínum renningum og í skot­ unum, um tey eru úr spískum ella eftir skjótálop. Enn eitt gott avrik frá føroyska vinstra vongi­num, sum skoraði fimm mál um vikuskiftið, og altíð er til reiðar at lyfta liðið sálarliga. LEIVUR MORTENSEN Fyrstu landsdystirnir hjá Leivi Mortensen lupu ikki fjáltur á unga vinstra vongin. Rennur skjótálopini eins og hann er vanur í Føroyum, og tekur av so skjótt møguleikin kemur ímóti Slovakia, har hann skorar sítt fyrsta landsliðsmál. TEIS HORN RASMUSSEN Fær ein størri leiklut enn tað kanska var væntað, tá ið Brand­ur Halgirsson verður sjúk­ur áðrenn Slovakia-dystin. Og Teis tekur av í sínum fyrsta landsdysti. vísir øgiliga styrki í verjuni, og so ímóti Luksem­ borg heldur hann fram og høggur tvey mál inn í aðru bylgju. Frálíkt avrik. HILMAR LEON JAKOBSEN Var av landsliðsvenjaranum út­nevndur sum ein lykil ímóti Luksemborg, og kvik­leikin, gjøgnumbrotini og hoppi­ skot­ini vísa hví í fyrra hálv­ leiki. Í seinna hálvleiki hevur hann, eins og hinir skjútt­ ar­nir, trupulleikar av mál­ verjanum. Skorar trý mál ímóti Luksemborg og eitt ímóti Litava. BRANDUR HALGIRSSON Verjuserfrøðingurin, sum er upplærdur í týskari verju­ hugs­an, hevur tað eins og lið­ felagarnir, trupult ímóti Litava. Ímóti Slovakia forðar sjúka honum í at spæla, men ímóti Luksemborg er hann aftur og loysir av í miðverjuni, har hann sleppur at brúka vøddarnar. Er óheppin at ikki skora tá ið hann kemur til sín yndismøguleika ímóti Luksemborg. JÓNAS GUNNARSON DJURHUUS Ofrar seg sum áður við at tveita seg ímillum risastóru leikar­ar­nar, men má fleiri ferðir ásanna at hann ikki fekk annað enn fríkast. Beklar á báðum fótum ímóti Litava, og tað darvar kanska fótskiftinum eitt vet eftir tað. Skipar kortini spælið framúr væl og fær ávikavist fýra, trý og tvey mál í Luksemborg. KJARTAN JOHANSEN Byrjar kappingina við at høgga eitt dundurskot inn ímóti Lita­ va. Ger fleiri ferðir kynstri eftir og er stóri leikarin ímóti Slo­ vakia við níggju málum. Skorar fýra í hinum báðum dystunum, og er vorðin álitið í málskjótingini hjá Føroyum. Skorar eisini hvørt einasta brotskast á tryggasta hátt. PETER KROGH Vorðið sum vøddar á hasum manninum. Stríðist og strevast í bæði verju og álopi. Hepnast við bæði tung­um gjøgnumbrotum og lang­skot­ um, og hansara evni at spæla bæði vinstri og høgri bakkur kann ikki undirmetast tá ið vit leita eftir loysnum. Skorar ávika­vist fimm, fimm og trý mál. VILHELM POULSEN Verður tveittur í eldin til sín fyrsta teljandi landsdyst, tá ið Jónas beklar ímóti Litava, og fer beinanvegin í holtur við eyðkenda ágangandi bakk­ spælið hjá sær. Finnur ikki mál­møguleikarnar, men herjar ótroytt­andi á verjuna. NICKLAS SELVIG Maðurin við langa slangu­armi­ num byrjar kappingina við seks málum ímóti Litava. Er eitt so deiligt vápn í skjótálopinum og serliga úr sera spískum, har skotførleikin gevur møguleika, tá ið føroyska álopið er trýst. Gevur seg fult út í verjuni, har hann bæði fangar bóltar og bakkar sannførandi upp. PÆTUR THOMSEN Avloysir Selvig í løtum ímóti Slovakia og Luksemborg. Skorar eitt gott skjótálop ímóti Slovakia, og ímóti Luks­em­ borg kemur lands­liðs­gjøgn­ um­brotið. Skorar fýra ferðir upp á fýra royndir ímóti mál­ verjanum, sum argaði allar aðrar leikarar. Returur, skjót­ álop, vongskot og eitt tá ið hann stjelur bóltin í verjuni og spelar allan vegin sjálvur. RÓKUR AKRALÍÐ Føroyski landsliðsskiparin spæl­ir ímóti Luksemborg sín lands­dyst nummar 39 og skor­ ar ímóti Litava og Luks­em­borg síni 59. og 60. mál. Hevur tað eins og hinir trupult við lita­v­ ska álopinum, men ímóti Slo­ vakia og Luksemborg stendur verjan aftur stinn kring krút­ sterka strikuleikaran. Mót­støðu­ leikararnir fáa ilt, tá ið teir renna seg í royndasta før­oyingin. HELGI HILDARSON HOYDAL - Hetta var mín vánaligast landsdystur, segði striku­leik­ arin um avrikið ímóti Litava. Kemur annars til frálíkar møgu­leikar, men skotini fóru ikki inn henda dagin, sam­ stundis sum heldur ikki hann fann seg til rættis í verjuni. Ímóti Slovakia er gongd á skotarminum við trimum málum, men so er tað hatta reyða kortið. Sera bíligt sæð við føroyskum eygum. Reisir seg aftur ímóti Luksemborg, har føroyska verjan koyrir væl. Hevur eisini gongd í skotunum aftur við trimum málum afturat – Tað seinasta til 24-21, sum avgerð dystin. RÓGVI DAL CHRISTIANSEN Stóra ljóspunktið hjá Føroyum í dystinum ímóti Litava. Kemur inn fyri Helga, og Rógvi tekur av. Stríðir seg til møguleikar – og skorar tvey mál. Stríðir seg til at fanga leysar bóltar í álopi­ num, og so fær hann eisini fatur á litavum í verjuni. Fær kortini ikki so nógva leiktíð teir næstu dystirnar, men hevur prógvað at hann er til reiðar til meira. Breiður føroyskur hópur stríddist til tað síðsta Landsliðshópurin, sum var úttikin til hesar dystir í Luksemborg, hevði fleiri broytingar í mun til seinasta undankappingardystirnar farna summar. Tað mundi vera freistandi at spæla við royndastu leikarunum fyri tað mesta, men serliga tveir teir seinastu dystirnar fingu allir møguleikan, og allir tóku av. Ítrottarsosialurin hevur hugt eftir føroysku leikarunum í Luksemborg