mánadagur 13. januar 2020síða 15

15 Mánadagur 6. januar 2014 · Nr. 2 Sosialurin Mánadagur 13. januar 2020 · Nr. 5 Hugskot og viðmerkingar – send sms til 225000 STUTTSØGD BADMINTON Klaksvíkar Badmintonfelag (KBF) hevur sett nýggjan høvuðs­venjara í starv. Talan er um 42 ára gamla Mrinmoy Pal úr India. Hetta veit Norðlýsið at siga. Fyrrverandi føroyski lands­liðsvenjarin, Aritra Nandy, hevur havt venjingar í KBF einaferð um vikuna, og tað er hann, sum hevur víst felagnum í Klaksvík á Mrinmoy Pal og hjálpt teimum at fáa sam­starvið í lag. BOGASKJÓTING Vágaskot skipaði um viku­ skiftið fyri kappingum í Miðvági. Leygardagin var kapp­ing á 12 metra fjarstøðu fyri børn og ung, og í gjár var kapping á 18 metra fjarstøðu fyri vaksin. Hjá teimum ungu vóru einans tveir skjúttar við, og dystin teirra millum vann Jóhanna F. Haraldsen 6-2 ímóti Honnu Ellefsen. Hjá teimum vaksnu í compound vann Jóannes Poulsen 144-143 ímóti Aleksanduri Leitisstein, og finaluna í recurve vann Eggaba Andreasen 6-4 ímóti Jógvani Petersen. INNIRÓÐUR Føroyingar gjørdu av álvara um seg, tá ið teir leygardagin lut­tóku í EM í inniróðri í kek­ k­iska høvuðsstaðnum, Prag. Fýra føroyingar vunnu gull og kunnu nú kalla seg evro­ pa­meistarar, og afturat teim­ um vunnu tríggir silvur. Sarita K. Hansen vann gull á 2000 metra teininum fyri kvinnur 30-39 ár, og Elsa Magnussen vann gull í 500 metra teininum fyri kvinnur 30-39 ár. Dánjal Martin Hofgaard vann gull á 2000 metra teininum fyri menn 30-39 ár, og Brandur Kjølbro vann gull á 500 metra teininum fyri menn undir 23 ár. Hetta úrslitið var merkisvert, tí Brandur bara er 18 ára gamal. Silvurkrónurnar vunnu Elsa Magnussen á 2000 metrum fyri kvinnur 30-39 ár, Dánjal Martin Hofgaard á 500 metra teininum í opna bólkinum fyri seniorar og Sarita K. Hansen í opna bólkinum fyri seniorar. FLOGBÓLTUR Fyrstu dystir í ársins steypa­ kapping hava verið um viku­ skiftið. Hjá monnunum løgdu greipuvinnararnir úr Mjølnir frá landi sum ætlað í bólki 1 við 3-1-sigri á SÍ a. Settúrslitini vóru 25-20, 23-25, 25-18, 25-22. Hin dysturin í bólkinum var ímillum B-liðini hjá Fleyr og SÍ í Høllini á Hálsi í Havn, og har vóru tað gestirnir úr Sør­ vági, sum struku avstað við ein­um 3-0-sigri. Í bólki 1 vann A-liðið hjá Fleyr 3-0 ímóti TB í Trongisvági við settúrslitunum 25-16, 25-19, 25-21. Á Kambsdali dystaðust A- og B-liðini hjá ÍF, og har vann A-liðið 3-1 (22-25, 25- 17, 25-21, 25-19). Í steypakappingini hjá kvinn­um hava tveir dystir verið. Í bólki 1 spældu KÍF og TB í Kollafirði, og har vann heima­ liðið 3-0 eftir sett­úrs­litini 25-18, 25-13, 26-24. Hin dysturin var í bólki 2, og tann dystin vann Mjølnir 3-0 heima í Klaksvík ímóti Drátti. Settúrslitini vóru 25-16, 25-19, 25-22. Leikandi venjarin hjá Mjølni, Alina Ademenya, var við aftur eftir skaðasteðg og var eyðsýnd í hesum dystinum. FÓTBÓLTUR TB hevur fingið nýggjan for­ mann. Tað er Reidar Simonsen, sum nú hevur tikið við eftir Hend­rik Thomsen, ið valdi at takka fyri seg sum formaður. Thor­bjørn Hermansen er eisini valdur í fótbóltsnevndina fyri Ronni Midjord, og í ung­dóms­ nevndina eru Maureen Arna­ dóttir, Elvis Leo og Hendrik Thomsen vald. TALV Fult umfar hevur verið í 1. deild um vikuskiftið, og har megnaði oddaliðið, Sandavágs Talvfelag, at økja um leiðsluna í deildini eftir 3-1-sigur á Kollafirði. Teir, sum mannaðu Sandavágs Talvfelag, vóru Torkil Nielsen, synir hansara Rógvi og Høgni Egils­toft Nielsen, og Bernhard Augustinussen. Orsøkin til, at Sandavágs Talvfelag økti um leiðsluna, var eisini at Havnin 1 einans fekk javnt ímóti felags­ monnum sínum, Havnini 2. Triði dysturin í deildini var ímillum Klaksvíkina og Vest­ manna. Tann dystin vann Klaks­vík 3-1. Klaksvík er á triðja plássi og Vestmanna er aftast. FÝRA FØROYSKIR EVROPAMEISTARAR Føroyar hava enn einaferð gjørt um seg uttanlands í inniróðri. Trý gull og fýra silvur blivu vunnin í EM í Prag Sarita K. Hansen (mitt í) er evropameistari Inniróður: