mánadagur 20. januar 2020síða 20

Mánadagur 20. januar 2020 · Nr. 8 20 Sosialurin Hugskot og viðmerkingar – send sms til 225000 Sjúrður Hildarson Hoydal Meðan Okkara- og SMS-deildin bert hava fáar dystir eftir í grund­spælinum, skulu feløgini nú hugsavna seg um ársins steypa­kapping næsta mánaðin. Faxe Kondi-kappingin er, eins og altíð, eitt kærkomið høvið hjá teimum feløgunum, ið hava havt tað trupult í lands­kappingini, at bjarga sær kappingarárinum, og Kyndils­ menn tóku væl av hesum møgu­leikanum sunnudagin. Kyndil hevur havt tað sera tungt í landskappingini í ár, og møgu­leikin fyri hálvfinalum tykist at vera heilt burtur áðrenn seinastu dystirnar. Og Kyndilsmenn skuldu longu spæla lykladystin í steypa­ kapp­ingini í fyrsta umfarið. Mót­støðuliðið var hitt sama sum basti Kyndli í spennandi steypa­finaluni í fjør: Neistin. Kyndil styrktur – Neistin skerdur Frá byrjan hómaðist tó ein møgu­leiki hjá Kyndli. Bartal Klein Olsen, lyklaleikarin frá flotta kappingarárinum í fjør var komin heim úr Danmark at spæla. Samstundis var stóri neistaprofilurin, og avgerandi leikarin frá steypafinaluni í fjør, Rasmus Søby, ikki til reiðar at spæla sunnudagin. Málverjar í stórformi Kanska tí eydnaðist tað sera illa í álopinum hjá Neistanum fyrstu longu løtuna. Neistin fekk ikki fyrsta málið fyrr enn eftir seks minuttir, og Kyndil legði seg tvey og trý mál á odda. Tá ið knapt korter var leikt, skoraði Bartal Klein Olsen sítt fyrsta mál í føroyskum hond­bólti ár, og økti upp í 7-4 til Kyndil, og munurin vaks eisini upp í fýra mál, áðrenn Neistin, við Nicholasi Satch­ well í málinum, fór at ressast. Munurin minkaði niður í eitt mál og møguleikin var eisini fyri javnleiki stutt eftir – Men Tórður Guttesen í Kyndils­ málinum hevði eisini funnið stórspælið fram henda dagin, og syrgdi fyri at Kyndil aftur kundi økja. Við tveimum mál­ um frá Bartali Klein Olsen sein­ astu løtuna av fyrra hálvleiki eydnaðist tað Kyndli at økja upp í hálvleiksstøðuna 12-9. Steypa­skelkurin lúrdi av álvara í grannauppgerðini. Nicholas og tríggir verjuleikarar venda gongdini Og steypaskelkurin helt fram í seinna hálvleiki. Kyndil økti upp í 15-10, og munurin helt sær leingi í einum dysti, sum nú fór at gerast sera merktur av út­vís­ingum. Við einum tjúgu minutt­ um eftir at leika spæl­di Kyn­dil fimm ímóti fýra í álopi­ num, og Neistin misti enn ein mann – hesa­ferð til beinleiðis reytt kort. Teit­ur Magnusson royndi at verja fyri á vonginum, men neistamaðurin tóktist at glíða, og endaði við at fella Trónd Wardum, sum var í fríum flogið. Reytt kort og brots­kast – Sum Nicholas Satch­well tók. Bólturin endaði aftur á kyndilshondum, og hesaferð slapp Tróndur Ward­ um til frítt vongskot aftur – og aftur bjargaði Nicholas Satch­ well í neistamálinum. Bólt­ ur­in endaði fyri triðju ferð á hond­unum hjá teimum fimm kyndils­monnunum, men nú tveittu teir bóltin burtur – og neista­fólk fingu fagnað sínum trim­um verjuleikarum – og ikki minst málverja. Støðan var framvegis 17-13 til Kyndil, men Nicholas og Neistin høvdu stongt málið. Munurin fór at minka spakuliga, men stútt. Munurin var á tveimum mál­ um, tá ið tíggju minuttir rest­ aðu í, og nervarnir kendust um alla høllina. Brend brotskøst og risastórt drama Kyndil helt fast um munin til knappir fýra minuttir vóru eftir. Tá minkaði Julian Krage­ steen niður í 20–19 og Neistin var í yvirtali. Framvegis helt Kyndil munin og støðan gjørd­ist 21-20, tá ið farið var inn í sein­astu løtuna. Kyndil var undir stórum trýsti í álopinum nú, men við hálvum øðrum minutti eftir breyt Bartal Klein Olsen ígjøgn­um og fekk brotskast – men hetta var ikki ynskistøðan hjá Kyndli. Frammanundan í dystinum hevði Kyndil brent bæði síni brots­køst ímóti Nicholasi Satch­well – og hesa triðju ferð­ina bjargaði málverjin aftur. Neistin fekk bóltin við góð­ um minutti eftir at leika. Og møgu­leikanum at javna. Men Kyndilsverjan var góð henda dagin, og loyvdi ikki Neistanum HONDBÓLTUR Ársins Faxe Kondi-kapping fór av bakkastokki um vikuskiftið. Favorittarnir vunnu hjá kvinnum, meðan VÍF og Kyndil tóku risastór fet ímóti hálvfinalunum hjá monnum KYNDIL KYNDIL FRAMDI FRAMDI STEYPASKELKIN STEYPASKELKIN