mánadagur 27. januar 2020síða 13

13 Mánadagur 6. januar 2014 · Nr. 2 Sosialurin Mánadagur 27. januar 2020 · Nr. 11 Hugskot og viðmerkingar – send sms til 225000 STUTTSØGD JUDO VANN TVEY HEIÐURSMERKI Í ÍSLANDI Bárður Hentze Lenvig og Fríði M. Carlsson vunnu heiðursmerkir í Reykjavik International Games Tróndur Arge BOGASKJÓTING Bogaskjótifelagið Ørvur í Runavík hevur um vikuskiftið skipað fyri kapping. Leyg­ar­ dagin var kapping á 15 metra fjarstøðu fyri ung, og í gjár var kapping á 18 metra fjarstøðu fyri vaksin. Hjá teim­um ungu vann Tummas Kára­son finalu­ na 6-2 ímóti Jan Tóri Joen­sen. Hjá vaksnum í com­pound vann Jóannes Poul­sen finaluna 144- 141 ímóti Nikkeli Petersen, og hjá vaksnum í recurve vann Oddmar Nielsen finaluna 6-2 á Jógvani Petersen. Næsta kapping verður 8. - 9. februar í hølunum hjá Tambar í Havn. BOKSING Føroyska boksifelagið Tórs­ havn Boksing luttók leygar­ dagin í kapping í danska býn­um Kalundborg. Tríggir før­oyskir boksarar vóru við. Jona­than Malaikev vann sín dyst ímóti einum boksara úr Frederiks­værk BK, meðan Teitur Jákupsson og Andreas Dam Poulsen taptu sínar dystir tepurt ímóti boksarum úr ávika­vist CIK og Rødovre. - Eg eri ein nøgdur venjari. Vit eru errin av at fara so langt heimanífrá og vera før fyri at boksa á so høgum støði, tí vit eru jú ikki eins von við at fáa ókenda mótstøðu sum tey donsku feløgini. Eg haldi av­ gjørt, at vit kunnu vera errin av úrslitunum, sigur høvuðs­ venjarin í Tórshavn Boksing, Martin Meng. Næsta útlendska uppgáva hjá Tórshavn Boksing verður í Slagelse 21. - 23. februar, tá felagið fer at luttaka við fimm ella seks boksarum. BORÐTENNIS Borðtenniskapping var leyg­ ar­dagin í høllini í Trongis­vági, har árliga Topp 10-kapp­ing­in varð spæld um­framt at kapp­ ing í konga­borði var fyri tey yngru, sum ikki liggja í topp 10. Úrslitini í topp 10 vóru: 1. Pætur Albinus (Tór), 2. Tórur Eið Eliasen (Tór), 3. Sveinur Morten­sen Nolsøe (Tór), 4. Vagnur Nolsøe (TBF), 5. Marin Elisabet Poulsen (TBF), 6. Ári Fríðason Jensen (Tór), 7. Heri Lava Láadal (Tór), 8. Hjalgrím Fons­dal Højgaard (TBF), 9. Anja Wong­wai (TBF) og 10. Beinta Dal­foss Joensen (TBF). Kappingina í kongaborði vann Silas Rasmussen (Tór) fram­manfyri Hans Elias Arge (Tór) og Reinar Garðshamar (TBF). Í tvímansleiki vunnu Silas Rasmussen (Tór) / Hans Elias Arge (Tór), Poul Knút Poul­sen (TBF) / Reinar Garðs­ ham­ar (TBF) blivu nummar tvey og Róland Hansen (TBF) / Kristian Niclasen (TBF) numm­ ar trý. Borðtenniskapping verður aftur nú sunnudagin, tá ið fjórða Grand Prix-umfar verð­ ur spælt í Trongisvági. DART Næst- og triðseinastu umfar í føroysku liðkappingini í dart vóru um vikuskiftið. Størsti spenn­ingurin var í odda­braki­ num ímillum Havnar Dart­ felag og Vága Dartfelag, sum bæði undan dystinum lógu púra jøvn á fyrsta plássi. Teir fýra á liðnum hjá Havnar Dart­felagi, Jan McIntosh, Uni Árting, Nielsen Thomsen og Eyðun Samuelsen, lótu tó ongan iva vera um hvat er betra liðið. Teir vunnu dystin 9-4. Í tvímansleikinum vóru tað Uni Árting og Jan McIntosh, báðir umboðandi Havnar Dart­ felag, sum vunnu finaluna 6-2 ímóti Una Heðinsson og Hans Jacob Heinesen úr Klaks­víkar Dartfelagi. Næsta kapp­ing verður 15. februar, og eftir ta kappingina fara lands­liðsvenjararnir at úttaka bruttohóparnar hjá kvinn­um og monnum, sum skulu lut­ taka í Nordic Cup um mán­aðar­ skiftið apríl og mai. JUDO Átta føroyskir íðkarar hava um vikuskiftið luttikið í Reykja­vík Internationl Games, og har gjørdist tað til tvey før­oysk heiðursmerkir. Fríði Magnus­ son Carlsson vann silvur í vekt­bólkinum undir 60 kilo, og Bárður Hentze Lenvig vann bronsu í vektbólkinum undir 66 kilo. - Seks aðrir føroyskir luttakarar vóru í kappingini. Hjá teimum gekst misjavnt, men man lærir nógv av at lut­ taka í einari slíkari kapping, og nú hava tey nakað at ar­beiða víðari við til komandi av­bjóð­ ingar, skrivar Judo Føroyar í tíð­inda­skrivi. F.v.: Jógvan Petersen, Oddmar Nielsen og Baldur U. Árting F.v.: Bárður Hentze Lenvig og Fríði M. Carlsson