hósdagur 30. januar 2020síða 4

FRÍGGJADAGUR 31. JANUAR 2020 SOSIALURIN 13 4 Vikan ið fór Sæð á Facebook: Fíggjarmálaráðið og Starvsmannafelagið hava samráðst um nýggjan sáttmála, og hósdagin blivu partarnir samdir Andrias Høgenni hevur vunnið donsku Robert-virðislønina fyri besta stuttfilm við stuttfilminum "Ikki Illa Meint" Nýtt felag er sett á stovn, sum hevur til endamáls at styrkja føroyska málið. Felagið vendir sær til lærarar í føroyskum á øllum stigum Rithøvundurin Rakel Helmsdal er í uppskoti til at fáa virðislønina hjá útnorðurráðnum fyri barna- og ungdómsbókmentir Vígsluskjølini verða aftur broytt, soleiðis at tað stendur »maður« og »kvinna« á teimum í staðin fyri »maki 1« og »maki 2«. Tað hevur landsstýriskvinnan í Almannamálum avgjørt Í næstu viku verður ungdómstingið, har tey ungu sleppa at royna seg í Løgtinginum. Tey fara at viðgera 12 uppskot um alt frá at banna vørum úr plasti til at lækka valaldurin Corona-virus MEST NÝTTA ORÐIÐ HESA VIKUNA ...uppá ein minutt Nú endaspurturin er farin í gongd við innsavning av harutølunum, eru 5.878 harur skrásettar at vera skotnar á 809 túrum kring landið - næstan 6.000. Hetta er gott 700 harur, ella 14%, fleiri enn í 2018, tá samlaða talið var 5.136 harur, sum vórðu skotnar í 749 túrum í 281 høgum. 6.000 6.000 Stóra evnið seinastu nógvu dagarnar hevur um allan heimin verið tann herviliga smittusjúkan, corona-virus. Smittan hevur gjørt um seg í Kina, og sambært kinesiskum myndugleikum eru í minsta lagi 7.711 fólk smittað av hesum, og eini 170 eru deyð. Tað er enn ikki heilt greitt, hvat elvir til corona- virussið, men hildið verður, at flogmýs eru orsøkin til smittuna. Sjúkan hevur breitt seg úr Kina víðari til onnur lond, eisini í Evropa. Uttanríkisráðið í Danmark heitir á fólk, sum ferðast í øllum Kina, um at vera serliga varin. "Er nøkur greið tilbúgvingarætlan um, hvussu vit gera í Føroyum, um Corona-virussið kemur hendan vegin? Vónandi spælir alt væl av..." Vit liva í einari spennandi tíð. Alt broytist ómetaliga skjótt. Ja, so skjótt at torført er at fylgja við á øllum økjum. Men seinastu árini hava vit hoyrt nógv um orku og hvussu nógv vit dálka við at brúka olju. Fólk hava leingi tosað um hendan trupulleikan, men nú sær út sum okkurt hendir. Veit væl at útlátið framvegis veksur og at tað er álvarsligt nokk í sær sjálvum, men viðvíkjandi sjálvum orkuskiftinum tykist ferð at vera komin á. Sjálv kjarnan í øllum umskiftinum, sum er framleiðslan av streymi, broytist. Bæði SEV og aðrir aktørar arbeiða av kraft fyri at framleiða streym, sum er grønur heldur enn svartur. Vit vita, at ávísar forðingaar hava verið ávegis, men myndugleikarnir mugu eisini skilja, at hetta má ikki bara drag st út.Hetta skal gerast nú, tí jú fyrr okkara sanfelag gerst leyst av oljuni, jú betri fyri okkum. Ája! Í Vinnuni, sum fylgir við hesum blaðnum, verður tosað við ein mann, sum seinasta árið hevur hat ein elbil í húsarhaldinum. Hann leggur ikki fingrarnar ímillum, men rósar elbilinum til skýggja, tá ið hann samanber elbilin við vanligar diesel – ella bensinbilar. Skal her nýta høvi til at vísa á, at umleið ár 1910 vóru 15.000 elbilar í amerikanska stórbýnum New York. Strandferðslan er eisini frammi í skónum. Í løtuni er stutt eftir á mál, so kann Teistin eisini sigla við el eins og nýggja avloysarskipið, sum kemur til Føroyar í summar, eisini partvís fer at sigla við el. Ája! Onnur viðurskifti flyta seg kanska ikki eins skjótt. Taka vit føroyska málið, so flytur tað seg, men enn megna vit ikki at brúka tað á øllum økjum. Tað sama er skilið bæði í Grønlandi og Íslandi. Tí hevði Útnorðurráðið eina temaráðstevnu í Havn um hendan spurningin. Har var kjakast um hvørjar tær stóru avbjóðingarnar eru og hvat vit sum smátjóðir kunnu gera. Vit hava hoyrt tað fyrr, at enskt trokar skandinavisku málini av vøllinum. Serliga er tað teldumál og tað mál, sum verður búkt í snildutelefonum, sum vit ikki altíð hava orð fyri. Og hava vit orðini, tykist tað vera torført at fáa okkum at brúka tey orðini. Ája! Januar mánaður er av. Veðrið hevur verið buldrasligt mesta patrin av árinum, men hesa seinastu vikuna, hevur verið heldur frægari. Sjálvandi hevur tað eisini eina positiva ávirkan á okkum, at tað er vorðið ein góðan tíma longri ljóst. Við góðveðrinum afturat gevur tað aftur optimismu. Alt er ikki gleimur – men tá ið tað gerst ljóari vaknar lívsvónin aftur hjá teimum flestu. Ája! Árni Gregersen, journalistur, skrivar Ája! Visti tú? At ein nýggj ungdóms skjótt kemur? Tað er Lindin, ið ætlar at gera eina internetrás, sum skal fara í luftina í fyrru helvt av hesum árinum FRÍGGJADAGIN Lot til andøvsgul av útnyrðingi, 3 til 8 m/s. Vekslandi skýloft og regn. Hitin um dagin millum 2 og 5 stig, um náttina um frostmarkið LEYGARDAGIN Hann veksur vindin í gul til stívt andøvsgul av vestri og útnyrðingi, 5 til 10 m/s. Vekslandi skýloft og heglingur ella vátakavi. Hitin um dagin millum 1 og 4 stig, um náttina um frostmarkið SUNNUDAGIN Lot til andøvsgul av útnyrðingi, 3 til 8 m/s. Vekslandi skýloft og ok- kurt ælið, kanska kavi. Hitin um 1 og 4 stig. Um náttina turt og klárt, hitin beint undir frostmarkið. 3-8 m/s 5-10 m/s 3-8 m/s