mánadagur 3. februar 2020síða 18

Mánadagur 3. februar 2020 · Nr. 14 18 Sosialurin Hugskot og viðmerkingar – send sms til 225000 FÓTBÓLTUR Jóannes Hansen Skal kappingin styttast, so hon verður liðug í september og ikki síðst í oktober. Hesin spurn­ ingurin verður aftur og aftur havdur á lofti og viðgjørdur. Ser­liga tá ið tað síðstu tvær vikurnar av kappingarárinum er vindur og regn. Í fjør spældi tað bara væl av. Hóast hann hótti við illveðri, so vann KÍ FM í Gundadali í góð­ um fótbóltslíkindum leygar­ dagin 26. oktober. Tað er ofta komið fyri, at kavin hevur argað og darv­ að fótbóltin í mars og apríl og onkra ferðina eisini í mai. Tað er ikki so nógv av so­vorn­um longur. Amboðini og maskin­ ur­nar at rudda kavan burtur eru vorðin betri og effektivari, so tað ber til at venja og spæla, hóast kavin liggur tjúkkur kring vallirnar. Kyndilsmessa var ígjár, og veturin er meiri enn hálv­ bardur. Hann hevur mist ann­að beinið, plagar viðhvørt at vera tikið til. Higartil hevur kavin á ongan hátt darvað fyri­reik­ ingarnar til nýggja kappingar­ árið, sum nú er fimm vikur burtur. Ella rættari so eru tað fýra vikur, inntil KÍ og HB hitt­ast í stórsteypadystinum – bæði kvinnur og menn. Fleiri feløg hava verið á vølli­ num í tveir mánaðir, og øll hava verið á vøllinum í hvussu so er í ein mánað. Fríggjakvøldið, leygardagin og í gjár vóru dystir í VFF kapp­ ing­ini. Sólin skein, og vindurin argaði á ongan hátt. Stóri trupulleikin, sum tað er ampi av, er kuldin. Vallirnir eru harðir, og tað ávirkar atburðin hjá spælarunum og eisini spælið. Í síðstu viku hoyrdist, at nú verður hiti lagdur í Tórsvøll. Tað fer at bera við sær, at støðan, sum tók seg upp í heyst, ongantíð aftur fer at gera seg galdandi. Tá var U-21 lands­ dystur avlýstur, tí tað var frost í vøllinum. Sum tað skilst, so eru tað fleiri ár síðani, at allar leiðingar vórðu lagdar til og í Tórsvøll. Tað hevur bara verið bíðað eftir at binda í, og nú verður tað gjørt. Menningin At tað nú verður hiti í einum vølli fer heilt víst at skunda undir, at eisini aðrastaðni fer spurn­ingurin at verða aktuell­ ur at leggja hita í vøllin. Hvat vallum viðvíkur hevur framburðurin verið øgiligur seinastu fjøruti árini ella so. Ovari vøllur í Gundadali varð tikin í nýtslu miðskeiðis í sjey­ ti­árunum. Hann var breið­ ur, og hann var hildin at vera góður at spæla á. Men talan var um grúsvøll, og var veðrið ikki til vildar, so vóru hyljar á vøllinum, og hóast nógvur sandur var á honum, so slapst ikki undan steinum. Glíðandi taklingar var tað øgiliga langt ímillum, og skrædlaði lør og knø var tað stutt ímillum. Miðskeiðis í áttatiárunum komu fyrstu graslíkisvallirnir. Tað gekk skjótt, so var graslíkið á so at siga øllum vallunum. Síðani eru teir skiftir fleiri ferð­ ir. Undirlagið er støðugt betrað, og soleiðis fer tað eisini at vera næstu árini. Síðstu vikurnar er aftur og aftur mint á, at stóri trupul­ leik­in og stóra av­bjóð­ingin er kuldin. Veðrið hevur verið gott at spæla fótbólt, men bít­andi kuldin ber við sær, at undir­ lagið er ikki nóg gott. Tí man lítil ivi vera um, at tað næstu árini fer at verða lagdur hiti í fleiri vallir. Kost­nað­urin fyri upphitingina hevur verið ein forðing. Tað verður hann ikki, tá ið tað ikki verður neyðugt at hita við olju. Sjógv­ur og vindur munnu vera loysn­in, sum fer at verða nýtt. Og so fer at bera til at spæla fótbólt í februar undir somu korum sum í oktober. Hallirnar Hin stóra avbjóðingin, sum skal loysast, fyri at umstøðurnar at spæla vetrarfótbólt kunnu betrast, er fótbóltshallirnar. Vágbingar hava víst, at tað ber væl til. Marghøllin hevur av álvara staðið sína roynd, og tað man ikki fara at vera leingi, inntil vágbingar lyfta seg úr triði bestu deildini. Næstsíðsta vikuskifti var KÍ á venjingarlegu í Vági. Um­ framt venjingarnar í høllini var teambuilding, sum tað so fínt eitur, á skránni. Hetta viku­ skiftið var B36 í Vági í somu ørindum, og HB hevur givið avboð at taka lut í kappingini í Klaksvík, sum verður um tríggj­ar vikur, tí steypa­vinn­ar­ ar­nir ætla sær til Vágs. Soleiðis sum gongdin er í fótbóltinum og samfelagnum so er tað undarligt, at eingin høll er reist norðanfjørðs. Tað er neyvan at skjóta langt við síðuna av, um tað verður rokn­ að við, at um fimm ár vera tað tvær ella tríggjar fótbóltshallir í meginøkinum – ein í høvus­ staðar­økinum og ein alla tvær eystan­fyri Sundalagið. Tunnilin undir Tangafirði fer at bera við sær, at tað verður lítið meiri enn eitt korter og í hvussu so er minni enn ein hálvur tími at koyra millum hallirnar. Víkingur og Lava eru í essinum Undanfarnu árini hevur Andreas Lava Olsen ofta verið so nógv darvaður av skaðum, at hann sjáldan hevur verið førur fyri at spæla fleiri dystir á rað og næstan ongantíð í samfullar 90 minuttir. Fyrstu vikurnar í fyri­reik­ ingunum til nýggja kapp­ingar­ árið hava verið góðar hjá Lava, sum leygardagin var trífaldur málskjútti, tá ið Víkingur í Sarpu­gerði vann 5-3 ímóti føroya­meistarunum í KÍ. Hetta var onnur ferðin, at Vík­ingur í VFF kappingini skoraði fimm mál. Tað ber boð um álopskendan hugburð. Og so skal havast í huga, at hann, sum er ætlaður at vera fremsta álopsvápnið, framvegis er á flatlondum. Tá ið Finnur Justinussen aftur verður í Sarpugerði verður tað heilst spennandi. Klaksvíkingar vóru framman­fyri 3-2 eftir fyrra hálv­leik, men so svaraði Vík­ ing­u­r aftur og vann 5-3. Hjá KÍ skoraði Alseeio Hyseni til 1-0, Boris Dosljak til 2-1 og Patrik Johannesen til 3-2. Umframt Andreas Lava Olsen (3) skoraðu Sølvi Vatnhamar og Lukasz Vieslewicz fyri Víking. Víkingur legði fyri í hesi upp­ stilling: Elias Rasmussen – Ari Olsen, Vukasin Tomic, Noah Mneney, Bergur Gregersen – Bogi Reinert – Peter­sen, Gunnar Vatnhamar, Sølvi Vatnhamar – Lukasz Ciesle­ wicz, Andreas Lava Olsen, Ingi Tað er bara kuldin, sum higartil í ár hevur forðað fyri fótbólti av sama slagi sum seinni á árinum TAÐ NÆSTA TAÐ NÆSTA VERÐUR VERÐUR HITI HITI Í VALLIRNAR Í VALLIRNAR