mánadagur 3. februar 2020síða 23

23 Mánadagur 6. januar 2014 · Nr. 2 Sosialurin Mánadagur 3. februar 2020 · Nr. 14 Hugskot og viðmerkingar – send sms til 225000 KLUMMAN Tróndur sigur sína hugsan... Aftur í ár hevur ÍtróttarSosialinum gjørt táttin ”10 spælarar at halda eyga við”. Hetta eru 10 ungir spælarar, sum í hesum førinum er føddir í 2002 og 2003, sum føroyska fótbóltsumhvørki metir hava góðar møguleikar at klára seg. Søgan vísur eisini, at felstu av hesum spælarunum fáa onkran leiklut í føroyskum fótbólti í framtíðini. Onkur heldur kanska, at tað er at leggja eitt sindur av trýsti á hesa ungu spælararnar, men tað er lítið í mun til tað, sum bíðar úti í stóru verð, sum mangan er dreymurin í hesum aldrinum. Tað er stuttligt at hyggja aftur á listan, sum André Olsen hevur gjørt í samstarvið við fleiri av ungdómsvenjaranum kring landið. Í 2015 er nøvn sum Meinhard E. Olsen, Jákup Thomsen og Teit Jacobsen, sum allir hava spælt ella spæla uttanlands. Avøðrum kunnu nevnast Adrian Justinussen og Petur Knudsen, sum javnan seta sín dám framrættaða spælið í føroyskum fótbólti. Eisini stuttligt at síggja listan fyri 2018, har Andrias Edmundsson (Sunderland) er við. Hann hevur tikið so nógv fram. Vit á ÍtróttarSosialinum hava sum høvðusmál, at lýsa føroyskan ítrótt og føroysk ítróttaravrik, og síðani útlendskan ítrótt. Tað sæst eisini aftur í blaðnum í dag, har meginparturin snýr seg um føroysk ítróttaravrik – bæði í Føroyum og uttanlands. Tí um vit ikki siga frá føroyskum ítrótti – hvør skal so? Tað kanst tú hugsa um, meðan tú lesur ÍtróttarSosialin. Vit gleðast um hvønn keypara og hvønn lesara, tí tað gevur okkum møguleikar og dirvi at halda áfram! trondur@sosialurin.fo Tumma fyri tumma økja sanda­ vágsmenn um leiðsluna í kapp­ ingini við havnarmenn í lands­ kapp­ingini í talvi. Í dag otaðu vága­menn seg uppaftur hálvt stig aftrat frá fremsta avbjóðaranum, so­leiðis at teir nú eru tvey stig undan í oddanum. Dystirnir í sjeynda umfari í FM- kapp­ingini í talvi fyri lið vóru í dag. Í 1. deild vunnu sandavágsmenn stór­sigur 3½-½ á B-liðnum hjá Havn­ini. A-liðið hjá Havnini vann 3-1 á Vestmanna Talvfelag. Í triðja dystinum í 1. deild vunnu klaks­ víkingar 3-1 á kollfirðingum. Høgni Egilstoft Nielsen, Rógvi Egils­toft Nielsen og Torkil Nielsen - faðir og synir - vóru eirindaleysir og vunnu á ávikavist á Rógva Morten­sen, Herluf Hansen og Marg­ar Berg. Sigurin kundi tað sama verið 4-0, tí á triðja borði sat Silas Eyðsteinsson til endans við vunnari støðu, men so snávaði hann og mátti sættast við remis móti Suna Merkistein. Remis móti stórmeistara Havnin A var stórfavorittur móti vest­menningum, men á tveimum borð­um endaði tað javnt. Mest óvæntaða úrslitið var, at Jákup á Rógvi Andreasen telvaði remis á fyrsta borði móti stórmeistaranum Helga Dam Ziska. Jákup telvaði sum ein brandur og hevði munin í støðuni, tá ið teir samdust um remis. Á øðrum borði hjá vest­menn­ ing­um sat hvalvíkingurin Martin Brekká, føroyskur topptelvari í nógv ár, men óvirkin seinnu ár­ ini - kortini var hann ikki meira rust­aður enn so, enn at hann fekk ein tryggan remis móti Olaf Berg. Havnarmenn vunnu dystin á aftaru borðunum. Carl Eli Samuel­ sen og Luitjen Apol yngri vunnu á ávikavist Alfred Olsen og Kára Dur­huus. Klaksvíkingar vunnu 3-1 á koll­ firð­ingum. Ólavur Simonsen, Rani Nols­øe og Wille Olsen vunnu á ávika­vist Hans Kristiani Simonsen, Hanus Joensen og Rógva Mørkøre, stigið hjá kollfirðingum fekk Bern­ hard Thomsen móti Steintór Ras­ mussen. Trý umfør eru nú eftir í lands­ kapp­ingini. Telvað verður aftur 23. februar. Næstsíðsta umfar er 1. mars, og tíggjunda og seinasta um­ far verður 21. mars. VÁGAMENN ØKJA Talv: Spennandi spælarar at fylgja Úrslit í 7. umfari og støðan í 1. deild: Havnin B - Sandavágur ½-3½ Havnin - Vestmanna 3-1 Klaksvík - Kollafjørður 3-1 Støðan í 1.deild: Sandavágur 22 stig Havnin 20 Klaksvík 16½ Havnin B 9½ Kollafjørður 8½ Vestmanna 7½ Klaksvík vann toppdystin Í 2.deild eru Klaksvík og Havnin fremstu liðini. Tey møttust í dag, og her vunnu klaksvíkingar ógvuliga sannførandi. Liðið hjá klaksvíkingum mannaðu Terji Petersen, Rani Baldursson, Tummas Martin Sólsker og Janus Skaale. Úrslitini og støðan í 2. deild: Havnin-Klaksvík ½-3½ Runavík-Kollafjørður 1-3 Sandavágur-Gøta 2-2 Støðan í 2. deild: Klaksvík 19 stig Havnin 17 Kollafjørður 15½ Runavík 12½ Sandavágur 12 Gøta 8 Toftamenn suverenir Í 3. deild eru toftamenn stinnastir. Teir vunnu í dag í toppdysti móti Havnar Telvingarfelag. Á fremstu borðunum á toftaliðnum sita Andrias Danielsen og fyrrverandi føroyameistarin Jens Chr. Hansen, og teir skara framúr við fullum stigatali. Úrslit í dag og støðan í toppinum í 3. deild: Havnin-Toftir 1½-2½ Rókur-Runavík 2½-1½ Havnin B-Sandavágur 0-4 Støðan 3. deild: Toftir 22 stig Klaksvík 19 Havnin 18½