hósdagur 6. februar 2020síða 30

FRÍGGJADAGUR 7. FEBRUAR 2020 SOSIALURIN 16 30Steypahondbóltur: Fyrru hálvfinalurnar hjá kvinnum endaðu báðar við úrslitinum 24-19. VÍF og H71 hava nú fimm mál í skjáttuni til seinnu hálvfinalurnar ímóti ávikavist Kyndli og Neistanum leygardagin VÍF- OG H71- VÍF- OG H71- KVINNUR KVINNUR STEVNA STEVNA ÍMÓTI FINALUNI ÍMÓTI FINALUNI Tá ið hetta blað verður prentað, er tíðindafólki hjá Sosialinum úti í høllunum til mansdystirnar ímillum VÍF og Kyndil í Vest­ manna og Neistan og H71 í Havn. Mikukvøldið sóu vit somu feløg bresta saman í royndini at vinna sær sæti í ársins steypafinalu. Júst somu feløg eru nevnliga eisini í hálvfinalunum hjá kvinnum. Málmunurin sera avgerandi Og mikukvøldið fóru hálv­final­ urnar hjá kvinnum longu at nær­kast einari avgerð – Í øllum førum hava bæði VÍF og H71 ein risa­stóran fyrimun við sínum fimm málum. Tað merkir, at Kyndil skal vinna við seks málum í Vest­ manna, meðan Neistin skal tað sama í Havn, tá ið liðini bresta saman aftur leygardagin. Leikaði javnt á í Havn Dysturin í Havn var onkurs­ vegna tættari enn tann í Hoyvík mikukvøldið. Á Hálsi leikaði leingi javnt á ímillum Kyndil og VÍF, har tað ser­liga vóru verjurnar sum vóru í hásæti. VÍF hevði hug at vera á odda, men tað var ikki fyrr enn Kyndil brendi brotskast, og VÍF síðani vann sína undirtalsstøðu við tveim­um málum beint fyri hál­v­ leik, at munurin kom til sjóndar. VÍF var á odda 11-9. Seinni hálvleikur byrjaði við einum málturki, og har gingu fleiri enn fimm minuttir áðrenn støðan broyttist. Tað var Beinta Lind­berg Hansen sum skoraði eitt frálíkt mál og minkaði um munin til 11-10. Alt snúði seg um endaliga málmunin At tað var Kyndil sum breyt mál­ turkin kundi benda á, at Kyndil hevði um endan, men so var ikki. Yvirhøvur ikki. VÍF fekk nú ferð á, meðan Fríða Petersen stongdi Vestmannamálið. Støðan gjørdist 15-10 til VÍF áðrenn Kyndil gjørdi enn ein vørr. Tað snúði seg fyrst og fremst um hjá Kyndli, at minka um mun­in so mikið sum møguligt, og tað fór eisini at eydnast at minka niður í tvey mál, tá ið bert einir seks minuttir restaðu í. Nýggi VÍF-venjarin, John Larsen, tók time-out, og prógvaði sítt virði fyri vestmeningunum í Høllini á Hálsi henda dagin. Øgilig VÍF-verja Eftir time-outið tók VÍF kvørkra­tak um dystin. Tað tókt­ ist ikki sum at VÍF høvdu gjørt tær stóru broytingarnar, men brádliga var tað ein múrur, sum tók ímóti kyndilsálopinum. Flutti ein verjuleikari seg eitt fet, fluttu hinar seg við í júst somu løtu, og har hómaðust eingi hol í múrinum. Munurin øktist upp aftur í tey fimm málini – Áðrenn Kyndil fekk hol á aftur. Eftir eitt time-out eydnaðist tað Kyndli at flyta gula múrin, so at Bára Krossteig Hansen fekk helvtina av vøllinum fyri seg sjálvan og minkaði niður í fýra mál á muni við knøppum tveimum minuttum eftir. Høgri vongur fær seinasta málið Tá ið so VÍF rakti stongina úr fríari støðu, var møguleikin fyri einum muni á trý mál brádliga veru­ligur – Men hann hvarv so skjótt hann var komin. Kyndil gjørdi helst rætt av at senda fólk fram í skjótálop so skjótt VÍF hevði loyst sítt skot, men tá ið tað so brast í stong­ina og bólturin trillaði út í høgru síðu hjá VÍF var bert ein gulur leikari at taka ímóti. Ró Nielsen tók bóltin róliga upp í hendurnar, leyp inn og skoraði til endaliga úrslitið 24- 19. Tað hoyrdist næstan hvussu váti vøtturin brast í andlitið á øllum teimum grønu í Høllini á Hálsi. Og leikararnir tóktust ráðaleysir og megnaðu ikki at koma til skot hóast tíðin var til tað. Dysturin endaði 24-19 og VÍF er risastórur favorittur at spæla seg í steypafinaluna. H71 hevði tamarhaldið frá byrjan Í Hoyvík endaði úrslitið eisini 24-19, men tað var ein øðrvísi dystar­mynd. H71 hevði havt stórar trupul­ leikar av Neistanum í ár, men mikukvøldið byrjaði heimaliðið best í Hoyvík. Her var tað ein svørt verja sum flutti seg í góðari takt, meðan Neistin mátti royna seg úr fjarstøðu – men til fá­nýtis. Støðan gjørdist 3-0 til H71, sum fekk tað besta burtur úr leikarum sum Maritu Morten­ sen, Mariu Halsdóttir Weyhe og Lív Zachariassen, sum vísti seg at vera lykilin at skapa møgu­