mánadagur 10. februar 2020síða 17

17 Mánadagur 6. januar 2014 · Nr. 2 Sosialurin Mánadagur 10. februar 2020 · Nr. 17 Hugskot og viðmerkingar – send sms til 225000 FÓTBÓLTUR VFF kappingini hava fleiri óroynd­ir spæl­ ar­ar víst, at tað er dugur í teimum. Eitt nú Noah Mneney og Ingi Jonhars­son. Noah hevur í VFF kappingini verið í miðverjuni, har lið­for­ maðurin Atli Gregersen hevur verið fastur maður nógvu tey seinnu árini. Atli hevur verið darvaður av skaða í tjúkka­ num. Hann hevur vant saman við liðfeløgunum og verður iva­ leyst við leygardagin. Stóra søgan í Sarpugerði leygardagin var, at Finnur Justinussen aftur var í troyggjuni hjá Víkingi. Jákup Johan­sen, sum í vetur flutti av Skála og til Víking, er eitt sindur darvaður av skaða. Landsliðsspælari er skaddur René S. Joensen hevur verið illa darvaður av skaðum, síðani hann síðsta summar flutti úr Ís­landi og aftur til HB. Hann var ætlaður til sentralan leiklut á miðvøllinum, men nú er spurningurin, um hann verður har ella í miðverjuni, nú Lasse Andersen og Hørður Askham ikki eru við. HB hevur arbeitt við at finna miðverja, men Jacob Egeris, sum í næstsíðstu viku var í Gundadali, varð ikki mett­ur at vera nóg góður, og hann hevur síðani skrivað sátt­ mála við Nykøbing FC. HB hevur keypt Teit Jacob­ sen aftur úr SønderjyskE, men framrættaði maðurin er fram­ vegis skaddur, og sum skilst verður hann ódrúgvur undan summarsteðginum. Flúgva undir radaranum Tað er nógv nýtt á Tvøroyri, og tá ið TB ikki hevur tikið lut í VFF kappingini, er tað ilt at vita, hvussu tað stendur til við Stórá. Venjingardystir hava verið ímóti KÍ og B36, tá ið hesi feløg­ ini vóru á venjingarlegu í Vági. TB vann 2-1 ímóti KÍ og tapti 3-1 ímóti B36. At tað verður lagt nógv fyri, nú TB við nýggjum venjara og fleiri nýggjum útlendskum spælarum fyrireikar seg til nýggja kappingarárið, er síðsta viku­skiftið góð staðfesting av. Leygar­dagin vandu teir við Stórá tríggjar ferðir, og aftur í ár vóru teir á vøllinum bæði fyrra­partin og seinnapartin, áðrenn teir endaðu í Pálshøll. Petur er stóri spurningurin Ímyndin av NSÍ hevur nógvu tey seinastu árini verið Klæ­ mint A. Olsen. Í VFF kappingini var hann ikki verið drúgvur, tí hann hevur verið darvaður av skaða. Nú er hann tøkur aftur, og leygardagin var hann í 72 minuttir á vøllinum í Klaksvík, tá ið NSÍ tapti 2-0. Stóri spurningurin í NSÍ er, hvussu tað verður við Peturi Knudsen, sum er so týdn­ ingarmikil í framrættaða parti­ num. Eftir væl eydnaða túrin í Vali í Reykjavík hevur hann vant og spælt við NSÍ, men enn hevur hann ikki skrivað undir sáttmála, og møguleikin fyri, at hann skal fara av landinum at spæla fótbólt, spøkir framvegis. Tað skilst tó, at stórt sannlíki er fyri, at Petur verður í gula NSÍ búnanum, tá ið tað um ein lítlan mánað verður farið undir landskappingina. Búi Egilsson er so mikið skaða­darv­aður, at hann ikki hevur spælt higartil í ár, og Jann Martin Mortensen hevur tvær tær seinastu vikurnar gingið við brotnum armi. Tað verður ikki roknað við, at hann verður førur fyri at spæla í fyrstu umførunum í landskappingini. Sakna framrættað vápn Útskiftingin hevur verið stór á Skála. Í 2018 og fyrstu umførini í fjør var framrættaði Edvin Jakobsen sera eyðsýndur, men hann hevur ikki verið at sæð síðani 18. apríl í fjør. Henda dagin fór hann av vøllinum í 57. minutti. Skála tapti 2-1 á heima­vølli ímóti EB/Streymi, og Edvin varð illa skaddur í knænum og hevur ikki spælt síðani. Edvin venur, men enn hevur hann ikki verið við í VFF kappingini. Aksel B. Danielsen var ætlaður at vera fremsti álops­ spælari á nýggja Skálaliðnum. Nú er hann skaddur, og tað verður roknað við, at hann neyvan fer at vera førur fyri at spæla fyrstu umførini í lands­ kappingini. Miðverjin rennur Í 2018 varð Andras Ó. Olsen eyð­sýndur miðverji hjá EB/ Streymi. Tað var hann ikki í fjør. Orsøkin var, at hann sleit krossbandið fyri einum ári síðani, tá ið hann og lið­felag­ arnir fyrireikaðu seg til lands­ kappingina í 2019. Stinni miðverjin var ongan­ tíð á vøllinum í fjør. Hann hevur ikki verið við í VFF kapp­ ingina, men í EB/Streymi vóna teir, at hann verður førur fyri at spæla um ikki so langa tíð. Andras hevur styrksivant og runnið í vetur. Um eina viku fer hann at venja saman við liðfeløgunum, og so fæst at síggja, um hann verður førur fyri at spæla, tá ið tað verður farið undir landskappingina, ella um hann fer at bíða eitt, tvey ella trý umfør. Teir flestu eru væl fyri Í Fuglafirði leggja teir nógv fyri í royndini at betra um úrslitini og úrtøkuna, sum í fjør var sera soltin. Í VFF kappingini hevur ÍF vunnið sjey stig og skal leygardagin spæla um fimta plássið ímóti NSÍ. Dánjal á Lakjuni er fyri stutt­um síðani farin at venja eft­ir skaðasteðg. Hann var við í 1-1 janvleikinum ímóti Víkingi leygardagin, tá ið hann varð skift­ur inn. Gundur E. Petersen, sum kann brúkast í øllum røðunum, er skaddur og hevur ikki verið við seinastu ferðirnar í VFF kapp­ingini. Sorin aftur á Argjum Í VFF kappingini hevur tað verið sera soltið hjá AB. At tað ikki hilnast væl undan sum­ mar­steðginum er ikki ókent hjá argjamonnum, sum aftur og aftur hava ment seg seinna part­in av kappingini. Síðstu vikuna hevur venj­ arin, Sorin Anghel, ikki verið á Argjum. Hann hevur verið saman við øðrum venjarum á íblástrarferð í Brasil. Ætlanin er, at venjararnir í kvøld vera aftur í Føroyum. Á Argjum kann Sorin Anghel fegn­ast um, at David Langgaard aftur er tøkur. Verjuspælarin var leygardagin við, tá ið AB á heima­vølli tapti 6-0 ímóti B36.