mánadagur 10. februar 2020síða 23

23 Mánadagur 6. januar 2014 · Nr. 2 Sosialurin Mánadagur 10. februar 2020 · Nr. 17 Hugskot og viðmerkingar – send sms til 225000 KLUMMAN Tróndur sigur sína hugsan... Eg unni ítróttarfeløgunum í Havn at hava fingið tveir vøllir í nýggju Stórhøllini á Hálsi, men eg hati alt við hasi høllini. Hon er ímyndin av makverki og manglandi ambitiónum. Eg gleddi meg annars at fara í høllina í gjár, at siga frá seinnu hálvfinaluni í steypakappingini í hondbólti hjá monnum, men tað bleiv, sum tað hevur verið síðani umbyggingina. Sjarman er vekk. Sjarman, sum í yvir tjúgu ár hevur gjørt at eg havi eitt forhold til høllina á Hálsi. Høllin, sum hevur verið karmur um nakrar av størstu ítróttarhendinginum í føroyskari ítróttarsøgu, er nú ein venjingarhøll uttan stemning. Hon rúmar slett ikki at hava patent upp á steypafinalurnar í hondbólti longur. Samanrullaði setur up til lofti handan annað málið, og eitt stórt lørift handan hitt málið. Nøkur fá áskoðarapláss á langsíðuni og ein tómu síðu til sjónvarpsvinkulin, har venjarar og eykaspælarar sita. DREYMURIN Tað kom væl við hjá teimum flestu, tá Tórshavnar Kommuna boðaði frá at høllin á Hálsi skuldi byggjast út. Feløgini høvdu brúk fyri hallartímum og dreymurin um ein ordans finaluhøll var spennandi – men so bleiv ikki. Ein høll, sum kundi rúma steypafinalum í hondbólti og flogbólti, men eisini altjóða dystum og kappingum. Ein høll, sum vit kunnu kalla okkara tjóðarhøll. Ein høll, har vit kunnu bjóða øllum Føroyum til landsdystir móti Danmark og øðrum – so bleiv ikki. Veruleikin bleiv tó ein annar. Í dag er høllin bara ein ímynd av vantandi ambitiónunum. Hon er skralla innan og teir fáu hentleikar, sum vóru áðrenn eru vekk. Fyri hasar 80 milliónirnar hava vit fingið ein vøll afturat og nøkur áskoðarapláss, sum ikki eru við til at skapa góðan stemning í høllini, tá landsdystir eru. Uppaftur verri er senan, tá dystur skulu í sjónvarpið. Í løtuni er miðlaumstøðurnar slett ikki vánaligar, tí har eru ongar miðlaumstøður. Í gjár mátti eg sita aftanfyri ein kameramann, sum stóð og filmaði fyri Kringvarpið. Skalt tú upp á balkongina, so skalt tú seta heilsuna í veg, tí tú skal klatra upp og standa har uttan verju. Skal tú gera samrøður beint eftir dystin, so er heilsan hjá áskoðarunum eisini í vandan, um tú skuldi mist takið á veg niður. Um eina viku skal FM1 og Miðlahúsið aftur siga frá steypafinalunum í hondbólti. Í fjør skuldu vit upp gjøgnum ein stiga, sum stóð á einum beini, fyri at koma upp á eina fyribils balkong. Eg eri sentur at síggja hvussu tað verður hesaferð. trondur@sosialurin.fo Tróndur Arge Jóan Símun Edmundsson spældi 76 minuttir og skoraði eitt av málunum, tá Arminia Bielefeld í gjár vann 6-0 á SSV Jahn Regens­ burg. Toftamaðurin skoraði til 2-0 aftaná 35 minuttir. Tað var trýst á DSC Arminia Bielefeld undan dystinum sunnu­ dagin, tí kappingarneytarni úr Ham­burg SV og VfB Stuttgart vun­ nu leygardagin. Heimaliðið hevði Jóan Símun Edmundsson við frá byrjan fyri fyrstu ferð í 2. Bundes­ liguni í ár. Tað skuldi vísa seg at verða ein góða avgerð. Fyrst skoraði Cebio Soukou og síðani Jóan Símun Ed­mundsson til 2-0. Armi­nia Biele­feld er í løtuni uttan mál­ skjútt­an Andreas Voglsammer og toftamaðurin fegnast um, at tey eydnaðist at avloysa skadda áleyparan. -Tað er deiligt at eg og Cebio klára at koma á liðið og avloysa Andreas Voglsammer. Tað er ikki lætt, tí hann er ein týdningarmikil spælari, men í dag riggaði tað, sigur Jóan Símun Edmundsson við heimasíðuna hjá felagnum. Føroyska mál Jóan Símun Edmundsson skoraði til 2-0, tá tíggju minuttir vóru eftir at fyrra hálvleiki. Talan var um eitt skot við heldur kalda høgra beininum og toftamaðurin mundi ikki raka bóltin heilt reint, men hann fór upp í málhornið. -Vit vísti í dag, at vit eru eitt gott lið. Eg blundaði bara og vónaði at bólt­urin fór í málið, tí skotið var við mínum veikara høgra beini, sigur Jóan Símun Edmundsson. Føroyski landsliðsspælarin spældi á miðjuni og bleiv skiftur út aftan­á 76 minuttir. Tá var støðan 3-0. Seinastu minuttirnar økti Armi­nia Bielefeld tríggjar ferðir. Arminia Bielefeld hevur 41 stig og Hamburger SV hevur 40 stig. Stuttgart hevur 38 stig. Tvey tey ovastu liðini flyta beinleiðis upp. Triðovasta liðið spælir upp­flyt­ ingardyst móti triðaftasta lið­num í 1. Bundesliguni. Brandur skoraði í Göteborg Tað eru knappir tveir mánaðir, inn­ til fyrsti føroyingurin fer at royna seg í svensku landskappingini. Sunnu­dagin 5. apríl fer Helsing­ borg IF í fyrsta umfari í 2020 lands­ kappingini at spæla á heimavølli ímóti Varbergs BoIS FC. Brandur Hendriksson Olsen hevur síðani á nýggjárinum verið í Helsingborg. Tað letur til, at hann av álvara hevur fingið fatur í rætta enda­num. Um vikuskiftið var hann millum teir fyrstu ellivu, tá ið Helsingborg spældi venjingardyst á útivølli ímóti sigursvanda IFK Göteborg, og Brandur var á miðvøllinum allan dystin á tamb. Úrslitið var 2-2, og tað var Brandur Hendriksson Olsen, sum níggju minuttir undan leikloki javn­aði til 2-2. Tað gjørdi hann við høvdi­num, eftir at bólturin varð lagd­ur innfyri. trondur@sosialurin.fo JÓAN SÍMUN SKORAÐI FYRI ARMINIA BIELEFELD Útisetar: Høllin á Hálsi er enn eitt vónbrot 2. Bundesligan: Føroyski landsliðsspælarin byrjaði inni og skoraði í storsigri í gjár. Eisini Brandur Hendriksson er í málhýri