týsdagur 11. februar 2020síða 14

14 Vilmund Jacobsen Hvat er ein góður mannfólkatúrur? Henda spurning hava vit sett Eyðuni Berg, stjóra í NAX, sum skipar fyri til­tøk­ um og túrum av ymiskum slagi og eftir ynskjum og tørvi. Tilboðini hjá NAX venda sær til fyri­ tøkur, bólkar og ferðavinnuna annars. Eyðun Berg ásannar, at tað oftari eru kvinnur enn menn, sum sita við borð­ endan, sum hann tekur til, tá útferðir hjá ar­beiðsplássum skulu skipast og leggjast til rættis. - Kvinnurnar eru ofta meira djarvar og hava størri hugflog enn menninir. Tað er ein myta, at tað eru menninir, sum slóða fyri, tá avbjóðingar skulu veljast og setast út í kortið. Okkara royndir vísa, at menninir ofta sita aftan fyri kvinnurnar og goyma seg. Men, tá so menninir eru komnir avstað, er teir eisini óførir. NAX skipar fyri nógvum ymiskum starvsfólkaútferðum, og fyritøkan ger nógv við toymismenning og tað at menna starvsfólk og arbeiðspláss við upp­livingum og stuttum, ítøkiligum - og ikki akademiskum - fyrilestrum. Eyðun Berg sigur, at ein slíkur fyri­ lestur ofta tekur støði í týdninginum av sam­starvi, samskifti og samanhaldi. - Vit leggja stóran dent á virðingina fyri hvørjum øðrum og soleiðis fyri ein­ staka menniskjanum, ymiskleikanum - tí persónliga í hvørjum menniskja, og hvør viðkomandi er. Lyklaorðið í okkara arbeiði er at tora at virða hvønn annan fyri tað, sum fólk í veruleikanum eru, sigur hann. Ein mannfólkatúrur Eyðun Berg vísir á, at ein mannfólkatúrur saktans kann vera ein túrur við ribbáti út í Hest. - Farið verður á land í bygdini í Hesti, har gingið verður upp um oynna, og vestan fyri verður so siðið niður á helluna. Tá menn eru komnir í turrdrakt niðri á helluni, verður lopið á sjógvi og síðan verður svomið út til bátin. Nú verður siglt inn á botn í Húsagjógv, og teinurin innar er einar 300 metrar. Síðan verður svomið út gjøgnum Trongugjógv, og hesin teinurin er einar 200 til 250 metrar. Eyðun Berg sigur, at menninir ongantíð eru einsamallir á túrinum. - Tað eru instruktørar við, og er tað onkur, sum ikki dugir so væl ella ikki orkar so væl at svimja, verður við­kom­ andi hjálptur út gjøgnum gjónna og út til ribbátin, sum liggur útfyri. Hetta er eingin trupulleiki, og vit brúka sum oftast eisini streymin til hjálpar út úr Trongu­gjógv. Hann vísir á, at tá menn eru komnir aftur í ribbátin, verður siglt norður til Álva­stakk undir Hestoynni. - Her verður klintrað upp á helluna. Hetta er rein hella, og her ganga vit síðan eftir helluni undir bjørgunum og hoyra fuglin yvir okkum. Vit fortelja um trygd á sjón­um, og hvussu vit best bera okkum at, um onkur skuldi komið í eina slíka støðu í gerandisdegnum. Eyðun Berg vísir á, at um illa vildi til í dagliga lívinum, og maður var komin so­ leiðis fyri, at hann lá í sjónum og royndi at koma upp á helluna, so hevði verið skila­gott at brúkt náttúrukreftirnar. - Í einari slíkari støðu er ógvuliga um­ ráðandi at vera róligur og hugsa klárt. Slepp­ir tú ikki upp úr sjónum og upp á helluna fyrstu ferð, er eingin orsøk til at missa mótið. Tá er at taka seg út aftur og í størst møguligan mun gera nyttu av streymi og náttúrukreftum, sum eru, sig­ ur hann. Eftir ein slíkan túr verður eisini høvi til ein betri bita í hugnaligum umhvørvi. Nógvir møguleikar Eyðun Berg sigur, at NAX hevur nógvar møgu­leikar til ein góðan mannfólkatúr, og her er bert ein møguleiki av mongum nevndur. - Okkara mál er at skapa serstakar upp­livingar og persónligar avbjóðingar, har luttakarar - í hesum føri mannfólkini - undir tryggum umstøðum og kørmum hava møguleikan at flyta mørk og røkka mál­um, sigur Eyðun Berg. Í konseptinum hjá NAX eru nógvir ymisk­ir túrar, og her eisini høvi eitt nú at rógva í kajakkum ymsastaðni á sjónum kring landið. MENNINIR GOYMA SEG AFTAN FYRI KVINNURNAR - Okkara mál er at skapa serstakar upplivingar og persónligar avbjóðingar, har luttakarar - í hesum føri mannfólkini - undir tryggum kørmum hava møguleikan at flyta mørk og røkka málum, sigur Eyðun Berg hjá NAX Siglt verður heilt inn á botn í Húsagjógv, og síðan verður svomið út aftur gjøgnum Trongugjógv. Hjálparfólk eru við allan vegin Lopið verður á sjógv úr ribbátinum og svomið verður inn móti helluni, har menn royna at koma sær upp á land. Síðan verður gingið eftir helluni Samrøða Her byrjar ein mannfólkatúrur út í Hest í skjóttgangandi ribbáti. Tá komið er út í bygdina, verður gingið upp um oynna