týsdagur 11. februar 2020síða 29

30 Vilmund Jacobsen T að eru brøðurnir, Oddmar og Rói Ørvarodd, sum eiga og reka fyri­ tøkuna, Ørvaroddar grilla. - Vit hava altíð havt áhuga fyri grilling, men í 2013 byrjaðu vit av álvara at royna ymiskt á grillini, tó bara heima fyri okkum sjálvum. Men, jú meira vit løgdu út á Facebook, jú størri gjørd­ ist áhugin, og fólk byrjaðu at seta seg í samband við okkum. Oddmar og Rói Ørvarodd vísa á, at tað var í 2015, at teir fingu fyrsta fyri­spurn­ ingin um at grilla til eina veitslu. Hetta hildu teir vera ógvuliga spennandi, og tískil valdu teir at royna hetta. - Vit hildu okkum koma væl burtur úr hesum, og sum tíðin leið, byrjaði at streyma inn við bíleggingum. Hvat byggir tykkara tænasta á, hvussu verða tit bílagdir til uppgávur, og hvussu víða verður farið at grilla? - Vit verða bílagdir umvegis okkara Facebook-síðu, og vit grilla um alt Føroya land, siga brøðurnir. Grilla í øllum veðri Hava tit bæði stórar og smáar uppgávur? - Okkara uppgávur eru ymiskar. Vit hava havt veitslur við umleið 1200 gest­ um, og vit hava havt veitslur við um­leið 30 gestum. Vit plaga at hava eitt minsta­ mark, har vit taka umleið 30 gestir. Kann tykkara tænasta umbiðast í ymisk­um stigum - ella er tað serliga sjálv grill­ingin, tit taka tykkum av? - Vit hava havt fyrispurningar um borð­reiðing, men tað eru vit ikki komnir til enn. Vit gera bara matin, ið verður ser­ ver­aður sum buffet. Hvat er tað serliga, sum fólk ynskja sær á grillina? - Vit grilla bæði grísar, lomb, villsvín og búffar, men tað, sum fólk oftast velja, er heilstoktan grís, siga Oddmar og Rói Ørvar­odd. Veita tit tykkara tænastu alt árið? - Sum okkara logo sigur, so grilla vit alt árið. Vit hava bæði grillað ein góð­ an summardag, og vit hava grillað í kavastormi, og bæði hava riggað fínt. Útleigan og kjøtsøla Ørvaoddar grilla leiga eisini út grillir, bæði við og uttan kjøt, og hetta er nakað, sum er rættiliga nógv eftirspurt og brúkt. - Vit hava ymiskar pakkar. Fólk kunnu leiga eina grill, og fólk kunnu eisini leiga grill við grísi ella grill við lambskrovi. Sum nakað nýtt leiga Ørvaroddar grilla eisini út popkorn-maskinur, og hes­ ar maskinur passa ofta væl inn í flestu veitslur. Er nakar munur á, hvat mannfólk ynskja sær av grillini, og hvat konufólk ynskja sær? - Tað er ikki tann heilt stóri munurin. Heilstokti grísurin er hin mest umbidni av báðum kynum, siga Oddmar og Rói Ørvar­odd. ØRVARODDAR GRILLA Í ÓDN SUM Í LOGN - Tað er ikki tann stóri munurin, hvat mannfólk ynskja sær av grillini, og hvat konufólk ynskja sær. Í báðum føri er heilstokti grísurin hin mest umbidni, siga brøðurnir, Oddmar og Rói Ørvarodd Samrøða