týsdagur 11. februar 2020síða 44

37 Sosialurin Mánadagur 10. februar 2020 · Nr. 17 Hugskot og viðmerkingar – send sms til 225000 FÓTBÓLTUR Tróndur Arge Jóan Símun Edmundsson spældi 76 minuttir og skoraði eitt av málunum, tá Arminia Bielefeld um vikuskiftið vann 6-0 á SSV Jahn Regensburg. Toftamaðurin skoraði til 2-0 aftaná 35 minuttir. Tað var trýst á DSC Ar­min­ ia Bielefeld undan dysti­num sunnudagin, tí kapp­ing­ar­ neytarni úr Hamburg SV og VfB Stuttgart vunnu leygardagin. Heima­liðið hevði Jóan Símun Edmundsson við frá byrjan fyri fyrstu ferð í 2. Bundesliguni í ár. -Tað var sjálvandi deiligt at byrja aftur. Vit hava ein góðan hóp av spælarum, so eg havi bara roynt at gjørt tað gott til venjing, og vóna at fáa kjansin aftur frá byrjan, sigur Jóan Símun Edmundsson við Sosialin. Jóan Símun Edmundsson skoraði til 2-0, tá tíggju minuttir vóru eftir at fyrra hálvleiki. Talan var um eitt skot við heldur kalda høgra beininum og tofta­ maðurin mundi ikki raka bóltin heilt reint, men hann fór upp í málhornið. -Eg fekk bóltin í einari góðari støðu, og har var einki annað at gera enn at royna at svinga høgra­beinið og so vóna tað besta, sigur toftamaðurin um skot­ið, ið fór upp í trýkantin. Tað kom óvart á føroyska lands­liðsspælaran, sum eftir málið tók seg til høgra beini og haltaði. -Jubilsenan var ógvuliga spont­an, men av tí at eg so og ofta havi fingið at vita, at høgra beinið er púra deytt, valdi eg at gera tað sum eg gjørdi, sigur Jóan Símun Edmundsson við einum brosi. Tað hoyrir við til søguna, at toftamaðurin ikki rakti bóltin heilt reint. Við heimasíðuna hjá Arminia Bielefeld segði hann eftir dystin, at hann blundaði og bara vónaði tað besta. Føroyski landsliðsspælarin spældi á miðjuni og bleiv skiftur út aftaná 76 minuttir. Tá var støðan 3-0. Seinastu minuttirnar økti Arminia Bielefeld tríggjar ferðir. Í harðari kapping. Arminia Bielefeld liggur fremst í 2. Bundesliguni hevur 41 stig. Hamburger SV hevur 40 stig og VfB Stuttgart hevur 38 stig. Tvey tey ovastu liðini flyta bein­leiðis upp. Triðovasta liðið spælir uppflytingardyst móti triðaftasta liðnum í 1. Bundes­ liguni. -Vit liggja í tættari kapping við nøkur sera stór feløg, har trýstið nokk er munandi størri á teimum at flyta upp, enn tað er hjá okkum. Men um vit kunnu blíva við at spæla líka frítt, sum vit gjørdu í sunnudagin, so haldi eg avgjørt vit hava ein møgu­leika, sigur Jóan Símun Ed­ mundsson. Hann er í holt við at skapa sær eitt navn í Arminia Bielefeld. Á sosialu miðlunum hevur felagið eisini knýtt ein setning saman við toftamanninum. ”Top corner ist immer frei”, sum kan numsetast til áleið ”Mál­ horn­ið er altíð frítt”. Hetta segði hann eftir eitt av sínum málum fyrr í hesi landskappingini. Aftur hesa ferð fór bólturin í mál­hornið, sum altíð er fítt! TRONDUR@SOSIALURIN.FO Eg royndi bara at svinga høgrabeinið og vóna tað besta, sigur Jóan Símun Edmundsson, ið skoraði eitt av málini í 6-0 sigrinum á SSV Jahn Regensburg. Arminia Bielefeld hevur kós móti Bundesliguni, men tað verður ikki lætt Málhornið er altíð frítt: JÓAN SÍMUN VIÐ KÓS JÓAN SÍMUN VIÐ KÓS MÓTI BUNDESLIGUNI MÓTI BUNDESLIGUNI