týsdagur 18. februar 2020síða 10

Mikudagur 19. februar 2020 · Nr. 21 10 Sosialurin Hugskot og viðmerkingar – send sms til 225000 TÍÐINDI Pætur Hjalmar Evensson Næsta heyst eru tað 25 ár síðan, at før­oy­inga­ felagið “Fir­valdar” varð sett á stovn. Fir­valdar er felagið fyri før­oyingar í tí sokallaða trý­k­ants­øki­ num, sum umfatar býir­ nar Frederi­cia, Kolding og Vejle, og tað, ið er har­ ímillum. Felagið er at kalla eitt úrslit av bú­skapar­ kreppuni, sum var í Før­ oyum fyrst í 90’unum. – Tað vóru so nógvir før­oyingar, sum fluttu til Danmarkar í ringu tíð­unum. Og tá høvdu før­oyingar tørv á einum staði at savnast, for­telur Julius Guttesen, for­ maður í Firvaldum. Tá felagið varð stovnað í 1995 fingu føroyingar í trýkantsøkinum møgu­ leika at hittast um før­ oyska mentan og sið, og á tann hátt framvegis fylgja við, hvussu leikur fór heima á klettunum. Ikki sami tørvur Men nógv er broytt, síðan Firvaldar sá dagsins ljós í 1995. – Fólk hava í dag lættari við at hava samband við hvønn annan orsakað av internetinum. Tað er lætt at fylgja við, hvat hendir heima gjøgnum Facebook ella Skype. Fólk hava ikki longur fyri neyðini at koma út til tiltøk hjá føroyingafeløgum, tí í dag hittist mann meira javnan við onnur í mun til fyrr, og annars eru tað eisini so nógv onnur til­tøk allastaðni. Tí verður tað nokk ein lítil avbjóðing at fáa fólk at koma út og samlast til tiltøk her í framtíðini, sigur Julius Guttesen. – Tað er munur á nú og fyrr, tað er heilt sikkurt, legg­ur hann aftrat. – Eftir hondini eru tað so nógv, sum eru flutt upp til Føroya aftur. Tað ger, at grundarlagið fyri tiltøkunum her verður minni og minni. Men vit halda fram hóast alt, sigur Hanne Jette Gutte­ sen, sum eisini er virkin í Firvaldum. Ræstkjøtaveitsla og hugnakvøld Men fyri tað um undir­ tøkan er minni, enn hon plagdi, so er enn nógv virk­semi í Firvaldum. Firvaldar skipa javnan fyri tiltøkum av ymsum slag. 7. desember var guðs­tænasta, og eftir tað var jólahugni á skránni við jólasangi, eplaskivum, rísala­mande og jólatræi, og so kom jólamaðurin eisini á vitjan. Fyrsta leygar­dag í februar verð­ ur hvørt ár skipa tey fyri ræstkjøtaveitslu, og har plaga at vera eini 100 fólk, ið luttaka. Um heyst­ið plaga tey eisini at skipa fyri onkrum, har ræstur fiskur, garnatálg og frikadellur eru á skránni. Eisini hava tey javn­an hugnakvøld, har menni­nir spæla kort, og kvinn­ur­nar gera okkurt kreativt. – Tað hevur stóran týdn­ing fyri nógvar før­ oy­ingar her at hava eitt stað at savnast, har mann kann tosa føroyskt, eta føroyskan mat og hoyra nýtt heimanífrá, sig­ur Julius Guttesen og legg­ ur aftrat, at tað í høvuðs­ heitum eru vaks­in fólk, ið eru við í Fir­vald­um. Firvaldar hava einki felagshøli, men hava sein­astu árini hildið til í "Fjósi­num" hjá Hildigerð og Anton í Bredsten, sum tey kalla tað. Men hesi hava akkurát selt garðin, so nú er tað ymiskt, hvar Firvaldar halda til. pature@sosialurin.fo FIRVALDAR: TAÐ ER MUNUR TAÐ ER MUNUR Á NÚ OG FYRR Á NÚ OG FYRR – Fólk hava ikki longur fyri neyðini at koma út til tiltøk hjá føroyingafeløgum. Tí verður tað nokk ein avbjóðing at fáa fólk at koma út og samlast til tiltøk her í framtíðini, sigur Julius Guttesen, formaður í føroyingafelagnum í trýkantsøkinum Nógv fólk vóru til árligu ræstkjøtaveitsluna í fjør