mánadagur 24. februar 2020síða 18

Mánadagur 24. februar 2020 · Nr. 23 18 Sosialurin Hugskot og viðmerkingar – send sms til 225000 HONDBÓLTUR Pætur Albinus Teir gjørdust greipuvinnarar í fjør og sigla aftur í ár sín egna sjógv í føroyskum flogbólti, men menninir í Mjølnir verða ikki troyttir av at vinna. - Eg síggi eina steypafinalu sum einhvønn annan dyst, sig­ ur leikandi Fleyr-venjarin, Phil Freere. - Hvør einasti dystur, sum tú spæl­ir, er tann týdningarmesti í lívinum, sigur hann. Tað er líkt til, at avstraliu­ mað­urin hevur fingið hendan hug­burðin at rigga á Mjølnir- lið­num, tí í 3-0-sigrinum á SÍ leyg­ar­dagin spældu teir sera sann­førandi. Tað krevur tó eisini rætta taktikk­in. - Lykilin til at vinna steypa­ finaluna var dystarætlanin, sigur Phil. - Vit spæla so ofta ímóti hvørjum liði, at tað gevur okk­ um nógvar upplýsingar um mót­støðulið og mót­støðu­ leikarar. Vit vita hvussu hvør ein­stakur spælari spælir og hvat hann ger í teimum ymisku støð­unum, sigur Phil víðari og fegnast um at taktikkurin í steypa­finaluni eydnaðist. - Teir hjá SÍ gjørdu júst tað, sum eg segði teir fóru at gera, og teir spældu seg beint inn í okkara dystarætlan, sigur hann. Ikki best Royndi SÍ-leikarin, Jóhan Petur á Stongum, viðurkennir góða spælið hjá Mjølni, men hann heldur hinvegin ikki, at SÍ vísti seg frá síni bestu síðu. - Mjølnir var favorittur, og tað haldi eg at teir vísa. Teir spæla væl og spæla øgiliga stabilt, men eg haldi ikki vit spæla okkara besta dyst. Langt­frá, sigur hann. - Serliga í fyrsta setti berjast vit ímóti okkum sjálvum. Vit klára ikki at taka ímóti, og tað eru eisini nógvir servufeilir. Vit geva teimum stig, og tá ið teir spæla so stabilt og væl, so sleppa teir líkasum at vinna tað sjálv­ir, sigur Jóhan Petur. Phil Freere rennur ikki und­an, at teir eru besta liðið í Før­oy­um í løtuni. - Í Mjølnir eru vit hepnir at hava nakrar av teimum bestu leikar­ unum í landinum, og tað, sum veruliga ger munin, eru roynd­irnar vit hava á liðnum, heldur hann. - Vit hava nakrar mans, sum veru­liga hava eina góða fatan av spælinum, og so spæla vit ikki sum seks flogbóltsleikarar, men sum eitt flogbóltslið, sigur Phil Freere. albinus@sosialurin.fo Mjølnir-venjarin: Greipuvinnararnir úr Mjølnir eru eftir sannførandi 3-0-finalusigur á SÍ leygardagin komnir hálva leið at endurtaka bragdið, og teir kenna í løtuni ikki til annað enn at vinna. - Hvør einasti dystur, sum tú spælir, er tann týdningarmesti í lívinum, sigur spælandi venjarin, Phil Freere - HVØR EINASTI - HVØR EINASTI DYSTUR DYSTUR ER TANN ER TANN TÝDNINGARMESTI TÝDNINGARMESTI