mánadagur 24. februar 2020síða 19

19 Mánadagur 6. januar 2014 · Nr. 2 Sosialurin Mánadagur 24. februar 2020 · Nr. 23 Hugskot og viðmerkingar – send sms til 225000 HONDBÓLTUR Mjølnir - SÍ 3-0 (25-15, 25-19, 29-27) 1. sett: Mjølnir sendir beinanvegin tekin til SÍ um, at teir ikki fara at fáa tað lætt í dag. Mjølnir er sannførandi og byggir sær eina greiða leiðslu alt fyri eitt. Tað eydnast væl hjá Mjølni at halda Jóhan Petur á Stongum burturi úr spælinum, og SÍ fær harvið ikki álopsspælið í gongd. Tað er Mjølnir á øllum í hesum fyrsta settinum, og teir úr Klaksvík vinna 25-15. 2. sett: Tað er alt fyri eitt greitt, at SÍ hevur tikið annað skinn um bak. Tað leikar javnt á fyrstu løtuna, men SÍ spælir bara við fram til 10-10, tá ið Mjølnir aftur byrjar at draga frá. Mjølnir vinnur sær eina stóra leiðslu og tað líkist enn einum avsmurningi, men SÍ bjargar sær nøkur stig í endanum. Teir sleppa tó ikki undan enn einum taptum setti. 25-19 og 2-0 til Mjølnir. 3. sett: Søgan endurtekur seg. SÍ spælir við ein part av settinum, hesaferð upp til 16-16, tá ið Mjølnir við einum vælspælandi blokkara í Trygva Hansen á odda dregur somikið langt frá, at SÍ ikki megnar at vinna seg innaftur í settið. Mjølnir spælir sera sannførandi, og tað er ongantíð nakar ivi um, at eisini hetta settið fer til Klaksvíkar. 3-0 og steypagull til Mjølnir.