hósdagur 27. februar 2020síða 40

SOSIALURIN 22 – 28. FEBRURAR 2020 16 Á leiðaradegnum hin 31. januar í ár varð Árni Jakobsen, stjóri og eigari av SMJ Ráð­gevandi Verkfrøðingar, kosin Ársins privati leiðari. Hevur tú verið í uppskoti til heiðurin - Ársins privati leiðari - áður? - Ja, eg havi verið í uppskoti áður. Í míni takkarrøðu á leiðara­degnum segði eg, at tað er onkur, sum hevur verið treisk­ur og hevur innstillað meg aftur. Árni Jakobsen dylur tó ikki fyri, at hann er fegin um heiðurin sum Ársins privati leiðari. Tað loysti seg Dómsnevndin sigur, at tú hevur skapt eitt mennandi starvs­fólka­umhvørvi við høgum starvsfólkanøgdsemi. Er hetta nakað, tú hevur lagt serligan dent á sum stjóri í SMJ? - Ja, fyri 15 árum síðan fóru vit í SMJ undir at arbeiða við tí, vit rópa einum persónsprofili og menning. Ráð­ gevin, sum vit tá brúktu, ávaraði meg um, at hetta helst fór at kosta pening og stríð hjá leiðsluni. Ráðgevin legði tó aftrat, at hetta fór at løna seg í longdini, og eg kann bert stað­festa, at so varð. Árni Jakobsen sigur, at tá fólk koma í starv hjá SMJ, verða tey sædd frá tveimum síðum, sum stjórin tekur til. - Hin eina síðan er tann kunnleiki, sum starvsfólkini hava nomið sær gjøgnum lærdóm - og hin síðan er per­són­ligu eginleikarnir. Tað er her, at vit arbeiða við per­sóns­testum og læra at gagnýta eginleikarnar hjá hvørjum øðr­um. Hetta hevur hjálpt okkum til at vera ein vælvirkandi fyri­tøka. Nógvir faktorar SMJ blómar og er í støðugum vøkstri. Fyritøkan er væl rikin, væl konsoliderað og hevur góð fíggjarlig úrslit. Hvør er upp­skriftin - ella er hetta nakað, sum stjórin bara dugir? - Eg veit ikki, um hetta er nakað, sum stjórin dugir. Tað eru nógvir faktorar, sum gera, at tað hevur eydnast so frægt hjá okkum, sum tað hevur gjørt. Árni Jakobsen heldur, at skal hann nevna okkurt í hes­ um sambandi, so er tað álit - tað at hava álit á hvørjum øðrum og ikki minst, at kundarnir hava víst SMJ stórt álit. Dómsnevndin sigur, at Ársins leiðari setir sær mál og ar­beiðir miðvíst fram ímóti teimum. Hvørjar eginleikar hevur tú, sum aðrir stjórar ikki hava - ella ikki hava í sama mun sum tú? - Heilt erliga veit eg ikki, um eg havi nakað fram um aðr­ar leiðarar, men eg eri nokk málrættaður eg seti mær mál. Árni Jakobsen vísir á eitt dømi, sum tó liggur uttan fyri arbeiðslívið. - Sum tann fyrsti setti eg mær fyri at ganga øll fjøllini í Før­oy­um. Í gerandisdegnum seta vit okkum javnan mál, og tá tey eru rokkin, seta vit okkum nýggj mál, sum byggja á tey undanfarnu. Samrøða TEKSTUR VILMUND JACOBSEN MYND ÁLVUR HARALDSIN - Eg seti mær mál og Tað eru nógvir faktorar sum gera, at tað hevur eydnast væl hjá SMJ Ráðgevandi Verkfrøðingum. - Vit hava álit á hvørjum øðrum, og kundarnir hava stórt álit á okkum, sigur Ársins privati leiðari, Árni Jakobsen, stjóri í SMJ HVS er framvegis partur av virkseminum hjá SMJ, men nógv er komið aftrat, eitt nú ráðgeving innan el, brunatrygd, orku, umhvørvi og aling