hósdagur 27. februar 2020síða 47

SOSIALURIN 22 – 28. FEBRURAR 2020 23 Samrøða at byggi­leiðarar hjá báðum feløgunum kendust væl og høvdu áður arbeitt saman. - Tað ger tað jú ikki verri, at kemi’in eisini er í lagi, leggur hann brosandi aftrat. Stjórin í Búsetur heldur tað vera skilagott, at feløgini her hava prógvað, at tað ber til at sláa seg saman um eina so stóra byggiverkætlan. - Í løtuni eru eitt nú málarar og elektrikarar í gongd, og her verður eisini arbeitt við loftum, veggjum og monter­ ing av hurðum. Sjúrður Holm vísir á, at ítróttarhøllin í skúlanum, sum hevur fulla stødd, faktiskt er liðug, og her vantar at kalla bara sjálvt ítróttargólvið. Spennandi bygningur Nýggi skúlin á Fløtum verður á ymiskan hátt ein ógvuliga spennandi og flottur bygningur. - Jú, hetta er ein serstakur skúli við nógvum byggi­tekn­ iskum avbjóðingum, og bygningurin við sínum 11.600 fer­metrum tekur seg væl út í umhvørvinum. Sjúrður Holm heldur, at skúlin sum bygningur bæði er ser­merktur og vakur - uttan eins væl og innan. - Mær dámar henda bygningin sera væl, og eg haldi, at hann bæði er flottur og stórsligin - ikki minst við opna umhvørvinum í miðjuni, sum gongur heilt upp í tróðurið. Hetta er soleiðis nógva tann størsta skúlaverkætlanin, sum Búsetur hevur verið partur av. - Skúlin á Fløtum kann ikki samanberast við skúlan við Løgmannabreyt, sum vit bygdu og leveraðu í 2007, legg­ur hann aftrat. Útbyggja Hotel Føroyar Búsetur fremur í løtuni eisini eina útbygging á Hotel Før­oyum, har 72 nýggj kømur verð bygd aftrat, harav nakrar svitur og familjukømur, sum eru størri enn vanligu hotel­kømrini. - Fleiri av kømrunum skulu standa liðug tíðliga í summar, og øll útbyggingin skal verða liðug og avhendað í hesum árinum, sigur Sjúrður Holm. Spurdur, hvussu hann væntar, at tað verður hjá teim­ um umleið 80 starvsfólkunum hjá Búsetur, tá Skúlin á Fløtum og útbyggingin av Hotel Føroyum eru liðug, sigur hann, at ymiskt er í stoypiskeiðini, sum hann einki torir at siga um enn. - Men, eg vænti og vóni, at tað fer at eydnast okkum at halda fram við á leið sama virksemi, soleiðis at vit kunnu varðveita okkara starvsfólk - eisini eftir, at Skúlin á Fløtum og útbyggingin av Hotel Føroyum eru lidnar, sigur Sjúrður Holm. - Mær dámar henda bygningin sera væl, og eg haldi, at hann bæði er flottur og stórsligin, sigur stjórin í Búsetur, Sjúrður Holm