mánadagur 2. mars 2020síða 18

Mánadagur 2. mars 2020 · Nr. 26 18 Sosialurin Hugskot og viðmerkingar – send sms til 225000 HONDBÓLTUR KÍF OG NEISTIN KÍF OG NEISTIN SLÆTTAÐU SLÆTTAÐU STIGATALVUNA STIGATALVUNA Sjúrður Hildarson Hoydal Alt snýr seg um at enda ímill­ um fýra tey fremstu liðini á stiga­talvuni, tá ið liðini hava leikt sínar 18 dystir. Eydnast tað, spælir tú hálvfinalur um Føroya­meistaraheitið. Eydnast tað ikki, mást tú bíða til næsta kapp­ingarár. H71 tryggjaði um viku­skiftið fremsta plássið, og nú berjast Neistin, VÍF, KÍF og StÍF um hini trý. Eftir at KÍF leingi hevur tókst at skula standa við svartaperi, er alt nú púra opið aftur. KÍF-verjan vann í Vestmanna Mundi nakar veruliga hava vónir­nar til KÍF, tá ið lands­ kapp­ingarnar byrjaðu aftur? Koll­firðingar vóru tvey stig frá fjórða plássinum og skuldu spæla ímóti Neistanum og VÍF næst. Tá ið fólk sóu KÍF møta til dystin ímóti Neistanum seinast, og løgdu til merkis at her var eingin Hans Eli Sigur­ bjørns­son ella Ási Dam á lið­ num, mundi eingin vænta, at KÍF skuldi bróta inn aftur á hálv­finaluplássini. So vann KÍF á Neistanum. Ja, tað var kanska heppið og tað var kanska Neistin, ið hevði tveitt sín sigur burtur. Men tað hevði eisini verið eitt øgiligt verjuavrik. Hørður F. Sigþórs­son og Atli Hammer hava funnið eitt sera gott sam­ starv í miðverjuni, og við Rúna Joensen vinstrumegin og Andriasi Nielsen høgrumegin er verjugarðurin stinnur – og til reiðar at senda Nicklas Selvig í skjót­álop. Og KÍF-verjan møtti eisini til dyst í Vestmanna sunnudagin. Tað var ein reinur verju- og mál­verjudystur, har KÍF fekk sær ein fittan mun, ið brádliga øktist beint fyri steðgin. Og gongdin helt fram fyrstu løtuna eftir steðgin. Tá økti KÍF úr hálvleiksstøðuni 13-8 upp í 17-9, og so var dysturin í roynd og veru avgjørdur. KÍF nýtt­ist ikki at skjóta so nógv mál afturat, og endaði við at vinna 23-18 – og spæla seg upp á javnt við StÍF. StÍF flongdir í Havn Tí StÍF tapti í Havn. Dyggiliga. StÍF byrjaði við at brenna rætti­ liga illa, og tað var greipubiti hjá monnum sum Dánjal Ragnars­son, ið slapp at renna nógv skjótálop. Neista-álopið, sum bert hevði fingið 21 mál allan dystin í Kollafirði vikuna áðrenn, hevði nú gjørt støðuna til 19-11 í hálvleikinum, og dyst­ urin var eisini avgjørdur. Sostatt slapp Neistin upp á næstfremsta plássið aftur, har tað bert er eittans stig niður til KÍF og StÍF, sum nú eru á fjórða og fimta plássið – Og Neistin er best fyri í hesum stríði. Neistin er betri innanhýsis enn bæði KÍF og StÍF, og lykladysturin hjá silvur­vinnar­ unum seinastu tvey árini verð­ ur ímóti VÍF í Vest­manna 11. mars. Dystirnir ímóti Team Klaks­vík og Kyndli eiga ikki at geva trupulleikar. H71-dystir verða avgerandi VÍF, KÍF og StÍF hava truplari tríggj­ar dystir. Mikudagin skal VÍF royna seg ímóti H71 á heima­vølli, og sunnudagin tekur KÍF ímóti oddaliðnum. StÍF hevur tað enn truplari, tí strand­ingar skulu til Hoyvíkar at royna seg 15. mars. H71 tryggjaði sær fremsta plássið í grundspælinum um viku­skiftið við tryggum sigri á Kyndil, hóast dysturin – Hoy­ vík­ingum so líkt – gjørdist nak­ að tepur at enda. Dysturin var merktur av, KÍF vann við enn einum øgiligum verjuavrikið, meðan Neistin smurdi StÍF av – Og so er bert eitt stig á muni í hálvfinalustríðnum áðrenn tríggjar teir seinastu dystirnar