hósdagur 5. mars 2020síða 20

FRÍGGJADAGUR 6. MARS 2020 SOSIALURIN 28 20 TRÓNDUR ARGE – TÓRSVØLLUR K laksvíkingar eru til reiðar at verja meist­ ara­heitið, meðan HB hevur nakað at arbeiða við, um tað skal verða teir, sum bjóða KÍ av í FM-stríð­ num Tað er niðurstøðan eftir Stór­steypadystin, sum var á Tórs­vølli týskvøldið. Tað endar 1-1 eftir vanliga leiktíð, men KÍ situr rímiliga væl á dystinum. Teir skapa fleiri málmøguleikar og hava ein breið­ari hóp, ið ger at liðið heldur styrk­ina eftir útskiftingar. KÍ hevur nógvar steingir at spæla upp á og nýggi norski áleyparin, Ole Erik Midtskogen, kann verða lykilin til tað heila. Deni á miðjuni Mikkjal K. Thomassen, venjari hjá KÍ, hevur Deni Pavlovic á miðjuni. Hann hevur fyri tað mesta í miðverjuni undanfarnu árini, men til tíðir er hann fremsti mið­vallarin í trýstinum, tá HB skal byggja upp týskvøldið. Hann hevur spælt á miðjuni í venjingardystunum, so tað er líkt til at hetta ikki er eitt einkult tilfeldi. Odmar Færø er í miðverjuni saman við Jesper Brinck. Nýggjur maður í álopinum saman við Pálli A. Klettskarð er Ole Erik Midtskogen. Hann er sterk­ur til at taka ímóti bóltinum og tóktist rigga væl bæði tá teir eru tveir áleypara, men eisi­ni tá Mikkjal K. Thomassen vel­ur at broyta spælaskipan í sein­na hálvleiki, og Ole Erik er einsa­ mallur miðáleypari. KÍ hevur lisið væl upp á og dekkaði bakkar og vengur hjá HB. Tað merkti at Jóannes Bjarta­líð og Patrik Johannesen í fleiri førum eru aftanfyri bakk­ ar­nar, Ísak Simonsen og Jóannes K. Danielsen, í verjustøðu. HB í nýggjum hami HB hevur í Jens Berthel Askou fingið nýggjan venjara, sum nú skal seta sítt fingramerki á HB-liðið. Tað er eisini eitt HB í nýggjum hami, sum byrjar dyst­ in. Heðin Hansen og Delphin Tshiem­be eru í miðverjuni. Tann fyrri er komin á øðrum sinni til HB, meðan Delphin Tshiembe er komin til úr Danmark. Á miðjuni eru eisini tveir nýggir spæl­ar­ar. Mathias Nygaard og Mikkel Frankoch manna mið­ vøllin saman við Dan í Soylu, meðan Øssur Dalbúð er nýggjur í álopinum. Hann spældi eisini við HB í 2013. Símun Samuelsen er givin og tað gevur meiri pláss og ábyrgd til Pætur Petersen. KÍ sterkir Tað eru klaksvíkingar, sum eru omaná í fyrra hálvleiki. Teir verja væl og skulu ikki brúka nógv avleveringar fyri at koma til møguleikar. Størsta møguleikan fær Jóannes Bjartalíð, tá hann høggur bóltin í tvørstongina. Eisini Páll A. Klettskarð kemur í góða støðu. Tað gongur ein hálvur tími, áðr­enn Kristian Joensen skal gera eina ordiliga bjarging. Sein­ asta korterið av fyrra hálvleiki byrjar HB at fáa spælið at rigga. Mathias Nygaard og ser­liga Mikkel Frankoch er grund­ stein­urin í uppspælinum. Eisini k e m u r D e l p h i n T s h i e m b e fyri seg, eftir at Páll A. Klettskarð og Ole Erik Midtskogen hava verið omaná í tvídystunum. HB tekur yvir Í seinna hálvleiki er HB omaná. Liðið byrjar at spæla skjótari og megnar at trýsta KÍ-liðið longur aftur á vøllin. Nú vinnur HB eisini bóltin aftur á hálvuni hjá KÍ, og tað sær meiri vandamikið út frammanfyri KÍ-málinum. Lønin kemur, tá Jógvan Rói Davidsen spælir Adrian Justinussen í góða støðu í høgru. Gøtu­maðurin í HB fær eitt sindur av plássi og við veikara vinstra beininum sendir hann bólt­in í handara síðunet. -Tað er ein støða, har vit koma í yvir­tal í høgru síðu. Eg kom inn móti miðjuni og valdi at høgga til við vinstra beini og hesa ferð sat hann, sigur Adrian Justinussen. HB fær eisini møguleikan at økja, tá Adrian Justinussen spælir Pætur Petersen leysan, men vongurin fær ikki tamar­ halda á bóltinum eftir eina ann­ars væleydnaða skotfintu. Tað er tað seinasta vit síggja til HB í hesum dystinum. Útskiftingar broyta dystin Mikkjal Thomassen tekur av­leið­ingarnar av ringu gongdini. Hann broytir frá 4-4-2 til 4-3-3. Inn kemur millum annað Boris Dos­ljak og Ole Erik Midtskogen verður einsamallur áleypari. Tað ganga bara smáir fimm minuttir, so er mál. Odmar Færø spælir fram til Boris Dosljak, sum hegnis­ liga leggur bóltin av til Ole Erik Midtskogen. Jógvan Rói Davidsen er ein fót aftanfyri og so kann norski áleyparin senda bóltin í málhornið. -Eg føli at vit renna eitt sindur ov nógv aftaná. Við út­ skiftingunum fáa vit fleiri fólk á miðjuna og fáa lagt meiri press á HB. Tað er soleiðis at málið kem­ ur, við at Odmar spælir fram til Boris, ið leggur hann mitt fyri, har vit eru væl mannaðir, for­ telur Jákup B. Andreasen, lið­ skipari hjá KÍ. KÍ vinnur brots­ sparkskappingina Níggju av teimum tíggju brots­ spørkunum fara í málið, men tað er avgerandi at Kristian Joen­sen klárar at avlesa Adrian Justinus­ sen. -Eg royndi at hyggja eftir Kristiani, men hann legði seg ikki. Tá eg kom til bóltin mátti eg velja eina síðu og hann valdi rætta síðu. Tað kann henda fyri øll, sigur Adrian Justinussen. -Tað er altíð ein syndari í brots­sparkskapping. Eg haldi at vit hava gott sjálvsálit og plaga at skjóta brotsspørk undan steypa­dystum, sigur Jákup B. Andre­a­sen, sum nú hevur tikið móti FM-steypinum, steypinum í Klaksvíkskappingini og Stór­ steypi­num seinastu mánaðirnar. TRONDUR@SOSIALURIN.FO KÍ hevur á fyrsta sinni vunnið Stórsteypið. Meistararnir eru omaná og tykjast væl fyri, men tað skal eitt væl spælt álop og ein brotssparkskapping til, áðrenn Jákup B. Andreasen fekk hendurnar á Stórsteypinum Fótbóltur Dysturin hesa vikuna... Stórsteypadysturin: NÝTT STEYP NÝTT STEYP TIL TIL KLAKSVÍKAR KLAKSVÍKAR FYRSTU FERÐ KÍ VINNUR STÓRSTEYPIÐ Hetta er fyrst ferð, at KÍ vinnur Stórsteypið. Tað bleiv á fyrsta sinni spælt um tað í 2007. Síðani tá hevur KÍ bara verið partur av Stórsteypadystinum, eftir at teir vunnu steypakappingina í 2016. Í 2017 taptu teir 2-1 móti Víkingi. Hetta er aðru ferð, at KÍ er partur av hesi uppgerðini og nú er steypið komið í hús á fyrsta sinni