mánadagur 9. mars 2020síða 6

6 Sosialurin Hugskot og viðmerkingar – send sms til 225000 Mánadagur 9. mars 2020 · Nr. 29 TÍÐINDI Stór ósemja um bústaðarpolitisk átøk Ósemjan í arbeiðsbólkinum, sum hevur skrivað frágreiðing um bústaðarpolitisk átøk, er so stór, at Andras Róin, stjóri á Bústøðum, sigur seg taka frástøðu frá frágreiðingini Frants Jensen frants@sosialurin.fo – Vit hava ikki fingið okkara viðmerkingar við í endaligu frágreiðingina, og eg kann ikki taka undir við henni. Vit á Bústøðum fara at koma við okkara egnu frágreiðing í næstu viku, har vit rætta tey ringastu mistøkini, sigur Andras Róin, stjóri á Bú­støð­ um, og ein av nevndarlimunum í arbeiðsbólkinum. Lurta eftir grundgevingum Fríggjamorgunin varð frágreið­ ingin um bústaðarpolitisk átøk løgd fram. Tey, sum hildu, at nú fóru vit at fáa eina røð av tilmælum frá eini samdari nevnd um átøk at seta í verk fyri at bøta um bústað­ar­neyð­ ina í Føroyum, eru farin skeiv. Tí tað var alt annað enn semja um átøkini. – Tað er ikki rætt, at stjórin á Bústøðum ikki er hoyrdur. Hann hevur verið við á øllum fundum, ið nevndin hevur havt. At hann sigur í dag, at teir ikki vilja taka undir við frágreiðingini, tað kann eg ikki fyrihalda meg til. Eg eri ikki so áhugaður í tí. Vit hava gjørt eitt arbeiði fyri landsstýrið, og so mugu tey brúka tað, sum tey hava hug til. Og eg meti, tað er týðandi, at tey brúka tað út frá teimum grund­gev­ing­un­ um, ið eru, og ikki út frá, um fólk eru fornermað ella ikki, sig­ur Regin Hammer, sum hev­ ur verið formaður í arbeiðs­ bólk­inum. Hava roynt at gjørt vart við støðuna Andras Róin er ikki samdur. – Vit hava viðgjørt hetta í stýrinum fyri Bústaðir. Eg má siga, at vit kenna okkum ikki aftur í frágreiðingini. Vit hava verið ónøgd allatíðina. Vit halda ikki, at frágreiðingin fylg­ir arbeiðssetninginum, sum eru gjørdir. Arbeiðs­setn­ing­ urin nevnir millum annað, hvussu vit kunnu økja útboði, og at vit skulu gera nøkur til­ mæli um tað. Spurnartekin er sett við, um tað í heila tikið er ein tørvur. Vit vita, at tað er, men frágreiðingin sigur bara kanska, sigur Andras Róin. Spurdur um, hví hesar ósemj­urnar ikki eru avgreiddar innanhýsis, sigur Andras Róin. – Vit hava roynt ferð eftir ferð. Eg havi sent skrivlig boð til formann, skrivara og til allar nevndarlimirnar, hvat vit vilja hava við. Okkara ynski eru ongantíð gingin á møti. Man hevur valt út, hvat er tikið við. Vit síggja eisini, at tað, sum var lagt fyri nevndina mána­dagin, og sum bara skuldi rætt­lesast, ikki er tað sama, sum nú liggur á borðinum. Ein nýggjur kapittul er tikin inn, sum gongur út uppá at tøma Húsalandsgrunnin, sigur Andr­as Róin. Álitisbrot Men formaðurin afturvísti hetta á fundinum, og segði, at tit høvdu havt høvi á fund­ inum mánadagin at gera við­ merk­ingar, men at tað ikki varð gjørt. Hvat sigur tú til tað? – Tað eru orð móti orð. Vit gjørdu vart við longu frá byrj­ an av, at um ein partur av dags­skránni var at niðurleggja Húsa­landsgrunnin og harvið Føroya Bústaðarfelag, so fóru vit úr bólkinum. Tá varð sagt ok, so varð tað tikið burturúr. Nú er tað koyrt inn aftur uttan at vit vita tað, uttan at vit hava fingið gjørt viðmerkingar til tað, og tað halda vit er so álv­ arsamt, at tað er eitt álitisbrot og tí mugu vit taka frástøðu frá frágreiðingini, sigur Andras Róin. Lesa grundgevingarnar Formaðurin hevur eina aðra fat­an av støðuni. – Tað er ein strukturell ósemja í bólkinum. Nøkur halda, at javnseting er eitt vána­ligt hugskot yvirhøvur, og tey halda, at tað eigur ikki at verða javnsett, og so eru tað onn­ur, ið halda, at tað er hetta, sum skal til fyri at loysa trupul­ leikarnar við bústað­ar­markn­ að­inum, tí at vit mugu fáa kapitalin í landinum at lyfta við, sigur Regin Hammer. Hevur frágreiðingin nakað virði tá ið ósemjan er so stór? – Tað má vera upp til les­ aran, hvat virði hann leggur í hetta. Lesarin í hesum føri er landsstýrið. Tey hava fingið nøkur hugskot frá okkum. Hugskotini eru á hvør sínum bógvi, og vit royna at lýsa tey ymisku sjónarmiðini, sigur Regin Hammer. Regin Hammer, sum starvast í Almannamálaráðnum, hevur verið formaður í arbeiðsbólkinum Mynd: Álvur Haraldsen Andras Róin, stjóri á Bústøðum, hevur verið partur av arbeiðsbólkinum, men tekur tó frástøðuni endaligu frágreiðingini Mynd: Álvur Haraldsen