mánadagur 9. mars 2020síða 18

Mánadagur 9. mars 2020 · Nr. 29 18 Sosialurin Hugskot og viðmerkingar – send sms til 225000 Tróndur Arge Sjálvt um tað ongin dystur bleiv spældur í Betri deildini um vikuskiftið, so er hevur tað verið rokaligt. Fríggjadagin vóru boðini, at spælast skuldi uttan áskoðarar. Leygarkvøldið vóru boðini at ongin dystur skuldi spælast. Feløg sum HB, B36 og seinast eisini KÍ komu við hvassum atfinningum av hand­far­ingini av málinum. Tað byrjaði fríggjakvøldið, tá Heilsumálaráðið komu við einum tilmæli um, at ikki hava tiltøk, sum savna fleiri enn 500 fólk. Útmeldingin hjá heilsu­ mála­ráð­harranum, Kaj Leo H. Johanne­sen, var eitt sindur ógreið. Tá hann bleiv spurdur um hvønn týdning hevði fyri fót­bóltsvikuskiftið, var svarið at tað var upp til fyriskiparnar at fylgja tilmælinum, sum tó undir ongum umstøðum var eitt krav. Hetta leggur alla ábyrgdina yvir á ítróttarsambondini at taka avgerð. Fríggjakvøldið boð­ar Fótbóltssambandið frá, at dyst­ir­nir í 1. umfari verða spæld­ir uttan áskoðarar. - Eftir at heilsu­myndug­ leik­ar­nir fyrr í kvøld komu við áheita um, at øll almenn til­tøk, har fleiri enn 500 borg­ arar væntast at savnast, annað­ hvørt verða útsett ella fyri­ skipað uttan áskoðarar, hevur Fótbóltssamband Føroya gjørt av, at allir dystirnir í Betri deildini hjá monnum komandi tvær vikurnar verða leiktir uttan áskoðar­ar. Umframt áskoðara­for­boðið verða eisini onnur fyribyrgjandi til­tøk sett í verk til dystirnar í lands­kapp­ ingini sum avleiðing av Corona­ virussinum. Millum annað verður siðbundna lógvatakið áðrenn dystarbyrjar, har leikar­ar og dómarar heilsast, ikki nýtt fyribils, skrivaði FSF í tíðinda­skrivi. Alt avlýst leygarkvøldið Leygarkvøldið veldur Starvs­ nevndin hjá Fótbólts­sam­ bandinum at útseta 1. um­far til 15. mars. -Starvsnevndin í FSF hevur efturmett avgerðina at spæla 1. umfar í Betri Deildini hjá monnum uttan áskoðarar, og hevur í staðin avgjørt, at allir dystirnir í 1. umfari verða útsettir til 15. mars Boðini koma ikki fram fyrr enn á kvøldi og nú tala feløgini at. Eftir útmeldingina koma HB og B36 við hvøssum atfinningum móti avgerðini hjá Fót­bóltssambandinum. -Vit í Havnar Bóltfelag standa spyrjandi aftaná at fáa ein teldupost frá FSF, um at fyrsta umfar í Betri deildini er út­sett, og ikki verður spælt sum ætlað. At eingin grundgeving er fyri hesi avgerð, er sera undrunarvert. Felagið, venjarar og fólk rundan um felagið hava ar­beitt hart fyri at verða til reið­ar til dystirnar í morgin, undir teimum fortreytum sum heilsumynduleikarnir hava mælt til. Tað eru ongar heilsu­ fak­ligar grundgevingar fyri at útseta umfarið. Tí mugu vit seta spurningar til hvussu av­ gerðin kann verða tikin, uttan so mikið sum at seta seg í samband við tey feløg, sum hava góðtikið fyrru avgerðina, skriv­ar HB í almennum skrivi. Grannarnir í B36 eru av somu áskoðan. -Vit sendu tykkum fyrr í kvøld eina undran um, hvussu tilgongdin í samband við avlýsing av Betri umfarinum í morgin sýntist at fara fram. Nú eftirfylgjandi undrast vit ikki minni, og vit í B36 eru als ikki nøgd við, hvussu hetta er farið fram. Vit góðtóku og virdu fyrru avgerðina, og hava lagt okkara dystarfyrireiking til rættis útfrá hesum. At taka eina so týðandi broyting sum at avlýsa umfarið í morgin, uttan at vit sum felag eru við í tilgongdini, uttan at fáa grund­gevingar, uttan at fáa svar uppá, hvat verður gjørt við áskoðaratrupulleikan og seinast, men ikki minst, ikki at verða kunnaði áðrenn tíðindini frætt­ast frá øðrum enn FSF. Tað má staðfestast at vera á ein­um støðið, ið ikki sømir seg einum fótbóltssambandi, skriv­ aði B36. Í gjár kom KÍ eisini við síni undran um avgerðina, ið ongin ordi­l­iga vil kennast við. - FSF tók eina avgerð um at for­bjóða áskoðarum at koma til dystin ímillum KÍ og B36. Hesa avgerð tók nevndin hjá KÍ ikki undir við, av tí at vit ikki mettu at tað var besti mátin at fylgja tilmælinum frá heilsu­ mynduleikunum uppá, skiv­ ar nevndin hjá KÍ, sum eisini vísur á aðrar avbjóðingar við at steingja portrini. - Um vit valdu at stongja portrini vóru vit vís í, at fólk fóru at samlast kring hegnið uttan at vit kundu stýra fólkamongdini. Vit skiltu at sporleikin á smittuni er mest umráðandi, fyri at mynduleikarnir kunnu finna fram til møgulig smittaði. Vit sendu FSF hesa ætlan men hoyrdu einki aftur uttan at um­ farið var útsett, sigur nevndin hjá KÍ. Hoydu einki aftur Nevndin hjá KÍ sigur eisini, at tey settu seg í samband við Fótbóltssambandið, men hoyrdu ongantíð nakað aftur. Ein kritikkur av manna­gongd­ ini hjá Kapp­ingar­nevndini hjá Fótbóltssambandinum er, at feløgini ikki eru hoyrd. - Vit undrast á hvussu FSF hevur valt at handfara hesa støðuna, uttan at tosa við feløg­ini, har vit saman kundu funnið eina loysn. Eingin ivi skal vera um, at KÍ tekur korona­smittuna í stórsta álvara og vil til eina og hvørja tíð fylgja tilmælunum frá heilsu­myndileikanum, skrivar nevndin hjá KÍ. Nú mugu allar fótbóltsglaðir før­oyingar og onnur, ið hava áhuga fyri føroyskum fótbólti bíða í eina viku eftir at fáa bólt­ in á rull í ár. trondur@sosialurin.fo Tað komu tvær ymiskar meldingar úr Fótbóltssambandinum um vikuskiftið, sum seta spurnartekin við mannagongdirnar í samband við coronavirusið og vandarnar, sum fylgja við FÓTBÓLTUR Fótbóltur: ONGIR ÁSKOÐARAR ONGIR ÁSKOÐARAR BLEIV TIL ONGAR DYSTIR BLEIV TIL ONGAR DYSTIR