týsdagur 10. mars 2020síða 8

Mikudagur 10. mars 2020 · Nr. 30 8 Sosialurin Hugskot og viðmerkingar – send sms til 225000 TÍÐINDI Bakkafrost misti eina milljón fiskar í Suðuroy, tá ið illveðrið herjaði í endanum av februar Árni Gregersen Ódnarveðrið í endanum av februar gjørdi stóran skaða nógva staðni, men dýrastur var skaðin í laksaalingini hjá Bakka­frost í Suðuroy. Tilsamans misti alifyri­tøk­an eina milljón fiskar í ill­veðr­in­um í Froðba og í Hvalba. - Í Hvalba er støðan tann, at fisk­ urin sá út til at tola veðrið væl. Onkur helt, at hetta helst var tað mest útsetta økið at ala í, sigur Regin Jacobsen, stjóri. Hann sigur, at tað kortini vísti seg, at tá ið ein liggur so langt úti, so vísir tað seg, at tað er róligari hjá fiskinum niðri í sjónum. - Men tað sum vísti seg í Hvalba var, at tveir ringar fingu skaða. Helst var tað konstruk­tiónsfeilur, tí sveis­ ing­ar hildu ikki. Ta ð hevði so við sær, at nótin skrædnaði og vit mistu nakað av fiski, sigur stjórin. Verri í Froðba Í Froðba var støðan ein onnur. Bakkafrost hevur alt har í eini 20 ár uttan at hava havt nakað óhapp av hesum slagn­um. Staðið er eisini sera gott, tí aliúrslitini hava verið ómeta­liga góð. Regin Jacobsen held­ ur, at teir hava fingið tey allar­bestu úrslitini nakrantíð á ali­øk­inum í Froðba. - Vit hava tikið tann allar­størsta fiksin har.Vøksturin hev­ur verið framúr og fóður­fakt­orurin hevur eisini verið fram­úr, so tað er eitt sindur løgið, at vit eftir 20 árum skulu fáa eitt óhapp, sum hetta her, sigur Regin Jacobsen. Hann sigur, at tað vísir seg,, at tað grunnbrýtur í økinum á einari ávísari ætt. Ættin er innanfyri nakrar heilt fáar gradir á kumpassini og tá ið stormurin herjar í einar fýra dag­ar og tað er ringt í sjónum fleiri dagar aftaná, so tolir fisk­urin tað ikki. Í júst hesum økinum vórui sjey- átta ringar, har so at siga allur fiskuri doyði. Innast lógu fýra aðrir ringar, har fiskurin so at siga er óskalaður. - Tað er eitt sindur løgið, tí tað er sum linja gongur millum ring­anar. Tað sum er inanfyri skalast ikki, meðan tað sum er uttanfyri doyr, sigur Regin Jacobsen. Regin Jacobsen heldur, at hevði ættin skift úr eystan til norðan ella sunnan ein part av tíðini, so hevði illveðrið ikki rakt fiskin so meint.. - Men hann lág millum 90 stig og niður í eini 87 stig í allar dag­arnar. Tað var so áhaldandi, at skaðin gjørdist so stórur sum hann bleiv, sigur Regin Jacob­sen. Veðrið ræður og viðhvørt