hósdagur 2. apríl 2020síða 32

FRÍGGJADAGUR 3. APRÍL 2020 32 - Vit hava higartil verið heppin. Tey, sum hava verið á korona-deildini, hava eitt nú havt tørv á vætu og súrevni. Fólk hava verið her millum tveir dagar og eina viku, og hetta hava verið fólk í seinnu hálvu av 30-árunum og upp í endan av áttatiárunum. Eg føli, at deildin er væl fyri, og vit hava eftir mínum tykki eina góða tilbúgving, sigur deildarleiðarin, Jóna Sigmundardóttir VILMUND JACOBSEN S osialurin hevur vitjað á korona- deild­ini, sum er skipað á B7 á Lands­sjúkrahúsinum, og her hittu vit deildarleiðaran, Jónu Sigmund­ ar­dóttir og varaleiðaran, Randi Borðoy, ið annars er varaleiðari á P50, sum er ambul­ ant psykiatri. Vanliga er B7 ein neurologisk deild, sum eitt nú tekur sær av fólki við blóðtøppi í heil­anum ella heilabløðing, og tað er her, at Jóna Sigmundardóttir er leiðari. - Tá korona-trupulleikin eftir lítlari og ongari tíð eisini kom tætt upp á okkum her heima í Føroyum, tók sjúkrahúsleiðslan eisini spurningin upp, hvussu vit inn­an­ hýsis kundu skipa okkum best á Lands­ sjúkrahúsinum. Neyðugt varð at finna út av, hvar henda deild fysiskt skuldi verða, og hvussu ein korona-deild kundi skipast. Deildin umskipað Jóna Sigmundardóttir sigur, at tá tað gjørd­ ist greitt, at korona-deildin skuldi skipast á B7, stóð henni eisini í boði at gerast leiðari fyri deildini, og síðan skuldi finnast út av, hvussu deildin skuldi mannast, og hvør skuldi manna deildina. - Teir sjúklingar, sum annars høvdu komið á neurologisku deild, sum nú er kor­ ona-deild, fara nú á B6 ella B8, og soleiðis hev­ur B7 nú eina heilt aðra og øðrvísi funktión, enn deildin hevði áður. Deildarleiðarin vísir á, at tá korona- deildin varð staðsett, skuldi sjálvsagt eisini finnast út av, hvør skuldi arbeiða á deildini, og her vórðu nøkur starvsfólk soldað frá av ymiskum orsøkum. - Hjá onkrum, sum áður var á B7, bar ikki til at arbeiða, soleiðis sum vaktirnar nú eru skipað­ar, og hjá øðrum kundi talan vera um aldur, heilsu ella barnsburð. Vit vóru 22 sjúkrarøktarfrøðingar á neurologisku deild og tær, sum ikki eru her nú, eru partvís á B6 og B8. Vit eru nú níggju eftir av 22, og har­aftrat hava vit fingið fólk av øðrum deildum. Fimm toymi Jóna Sigmundardóttir sigur, at korona- deildin er skipað í fimm toymi við fimm sjúkrarøktarfrøðingum í hvørjum toymi, og hvørt toymi arbeiðir í 12 tímar tvær fylgj­andi vaktir, og síðan hevur toymið frí í nakr­ar dagar. Aftrat toyminum eru so leiðari og vara­ leiðari. - At arbeiða á nýggju korona-deildini er stórt inntriv í arbeiðslívið og privatlívið hjá starvsfólkunum. Vikan er kanska ikki vorðin longri hjá øllum, men tað veldst um, hvussu arbeiðstíðin var frammanundan. Umframt fylgjandi vaktirnar á 12 tímar, arbeiða toymini eisini tvær vaktir á 12 tímar annaðhvørt vikuskifti. Deildarleiðarin vísir á, at toymini eru skipað soleiðis fyri í best møguligan mun at byrgja upp fyri smittuspjaðing, um illa vildi til. - Eingin, sum arbeiðir á korona-deildini, kann býta um við aðra, og okkara fólk skulu ikki arbeiða nakra aðrastaðni. Eis­ini í privatlívinum eru tær skerdar, tí tær noyð­ ast at taka øll neyðug fyrivarni í samband við møguligan smittuvanda. Vit kunnu siga, at okkara starvsfólk eru meira útsett enn nakar annar við tað, at tey hava við korona- sjúklingar at gera. Tað merkir, at hesi fólk - umframt at vera til arbeiðis - eru heima við hús, har eingin annar enn húsfólkini koma á gátt, sigur hon. Átta seingjarpláss Jóna Sigmundardóttir vísir á, at á sjálvari korona-deildini, sum er ein viðgerðardeild, eru fýra stovur við plássi fyri tveimum sjúklingum á hvørji stovu. Soleiðis eru átta seingjarpláss á deildini. - Umframt hesi átta plássini, hava vit eisini trý pláss til fólk, sum koma, tí tey hava sjúkutekin, sum benda á, at tey kunnu hava korona-smittu. Hesi koma beint upp á deildina, har tey verða kannað og viðgjørd í mun til teirra tørv. Tey vera so á deildini, Onkur sjúklingur h Covid-19 er ikki áður staðfest í menniskjum. Hetta merkist eisini á korona-deildini, har starvsfólk hava upplivað, at sjúklingar eru óttafullir.