hósdagur 16. apríl 2020síða 12

FRÍGGJADAGUR 17. APRÍL 2020 SOSIALURIN 37 12 ÁRNI GREGERSEN -Eg veit ikki hvønn týdning hetta heur fyri Sprotan, men eg haldi, at hetta hevur stóran týdning fyri føroyskt mál. Hetta at føroyskt er farið út um eingjagarðarnar og millum onnur fólk – tað haldi eg er stórt. Soleiðis sigur Jonhard Mikkel­sen, frá Sprotanum, sum mikukvøldið fekk ser­ligu Vigdísarvirðislønina á heiðurs­ løtu fyri Vígdis Finn­bogar­dóttir í Reykjavík . Tað var í sambandi við 90 ára føðingardag hennara mikudagin, at hendan serliga málheiðursløn varð latin á fyrsta sinni –  og hon fór til Jonhard Mikkelsen, stjóra á Sprotanum, fyri tað málarbeiðið, sum Jonhard Mikkelsen og Sprotin hava staðið fyri. Vígdis Finnbogadóttir var for­ seti Íslands frá 1980 til 1996, tá hon valdi ikki at stilla uppaftur. Jonhard Mikkelsen sigur, at tað sum helst hevur ført til, at orðabøkurnar eru farnar út um landoddarnar er tann veruleiki, at land og kommunur teknaðu hald, soleiðis, at orðabøkurnar eru atkomiligar hjá øllum. -Hetta er eitt kvantilop, sum vit als ikki fyrr hava sæð á hesum øki, sigur Jonhard Mikkelsen. Fekk boðini herfyri Hóast Jonhard Mikkelsen er ovafarin yvir at hava fingið hendan stóra heiðurin, so kom tað heilt óvænta, tá ið hann í byrjarnini av hesum mán­ aðinum, fekk ein teldupost um, hvat var í væntu. -Tað var sjálvan 1.apríl at eg fekk teldupostin, so eg helt tað var onkur, sum spældi hund, men so var ikki, fortelur Jonhard Mikkelsen. -Tað var ein ógvuliga álvars­ ligur professari av lærda há­ skulanum í Reykjavík, sum ringdi til mín og seinni var sam­ band gjøgnum aðalkonsulin í Før­oyum, so har var ikki spart uppá nakað, sigur hann. Nógvar útgávur Sprotin er eitt føroyskt forlag, sum higartil hevur givið einar 400 bøkur út. Tað sum forlagið helst er best kent fyri, eru tær ,ongu orða­ bøkurnar, sum liggja á netinum og sum forlagið gevur út. -Tað munu liggja einar 20 orða­bøkur á netinum í løtuni og tær verða nógv brúktar. Eini 60.000 brúkarar eru inni og leitað hvønn mánaða, so vit hava fleiri milljónir leitingar um mánaðin. Lítillátni vestmenningurin heldur ikki, at hann hevur hetta uppi­borið. -Eg haldi hetta er ov stórt. Tú trýrt mær neyvan, tá ið eg sigi tær, hvussu bilsin eg var, leggur hann aftuat. Jonhard Mikkelsen hevur einar tvær ferðir verið saman við fyrrverandi íslendska for­ setanum á fundum. -Eg kenni hana ikki, men eg havi heilsað uppá hana einar tvær ferðir tá ið vit hava verið á fundi saman, so eg veit væl hvør hon er, sigur málmaðurin í Vest­ manna. Umframt heiðurin so fylgdu seks milljónir íslendskar krónur við. Tað svarar til góðar 280.000 danskar krónur. -Eg bleiv heilt tikin á bóli Jonhard Mikkelsen fekk heiðursgávu úr Íslandi fyri málarbeiðið og útgávuvirksemi hjá Sprotanum Vígdis Finnbogadóttir var íslendskur forseti til 1996 og hevur mangan vitjað í Føroyum Jonhard Mikkelsen er ovurfegin fyri íslendska heiðurin