týsdagur 21. desember 2004síða 18

18 Nr. 244 - 21. desember 2004 JÓLAHUGNI Vilmund Jacobsen vilmund@sosialurin.fo Týsdagin 21. desember – í dag – fáa børn í Runavíkar kommunu vitjan av jóla- skipi. Skipið leggur at klokkan 18 í bátahylinum í Heiðun- um við gamla handilin hjá Olivari, har tiltakið "Gomul Jól í Heiðunum" er. Jólamaðurin og fleiri av hansara hjálparfólkum eru við umborð á jólaskipinum. Tey eru í jólahýri og hava óivað okkurt gott við til børnini. Møguliga verður eitthvørt spennandi at síggja eisini. Gomul jól… Tiltakið, "Gomul Jól í Heiðunum", verður eisini í kvøld, og øll eru hjartaliga vælkomin at vitja inn á gólvið í Gamla Handlinum hjá Olivari, har Orkis hevur jólasølu og á Gamla neysta- loftinum, har skótarnir hava hugnaliga kafé. Fólk kunnu eisini keypa sær eitt jólatræ heim við frá skótunum. Jólatrøini verða seld uttanfyri neystið. Jólavikan… Handlarnir, sum eru í Handilsmiðdeplinum í Runavíkar kommunu, hava opið til kl. 20.00 hvørt kvøld til jóla og til kl. 22.00 lítla jólaaftan. - Øll eru hjartaliga væl- komin at vitja okkum í Runavíkar kommunu, siga tey á Kunningarstovuni í Saltangará. Jólaskip vitjar í Runavíkar kommunu Í kvøld klokkan 18 kemur jólaskip á Runavík – við jólamanni og fleiri hjálparfólkum Tað er ongantíð ov seint at uppliva nak- að. Hetta er túrurin hjá Richardi Jacobsen til Danmarkar eitt prógv um. Sum 93 ára gamal er hann fyrstu ferð farin út um landoddarnar, og fyri fyrstu ferð í lívinum hevur hann sitið í einum toki ÚTFERÐARHUGUR Vilmund Jacobsen vilmund@sosialurin.fo - Mær dámdi ógvuliga væl at flúgva. Hetta var ein frálíkur túrur, og eg bleiv væl uppvartaður av frynt- ligu starvsfólkunum í flog- farinum, sigur 93 ára gamli, Richard Jacobsen. Sosialurin hevði sent fólk at taka ímóti bóndanum í Kongsstovu í Nólsoy, tá ið hann kom til Keypmanna- havnar. - Eg sat so væl í flogfar- inum, og eg føldi meg so væl. Tað var ógvuliga be- hagiligt, og tað var ein ser- støk kensla at sita í einum flogfari yvir skýggjunum og so høgt uppi yvir land- jørðini. Fyrstu ferð Hóast Richard er 93 ára gamalur, er hetta fyrstu ferð, at hann er farin út um landoddarnar. Herfyri var hann í Havn og fekk sær pass, sum er fyrsta passið, hann nakrantíð hevur átt. Richard valdi sær eitt ES- pass. Sosialurin tosaði við Richard stutt fyri middag í gjár, tá ið hann gott og væl var komin uppá pláss í Slagelse, har hann fer at halda jól saman við bygdar- manninum, Rúna, sum var við á ferðini niður. Tað var Rúni, sum saman við bróðrinum, Bárði, hev- ur hjálpt Richardi í Kongs- stovu á garðinum í mong ár, sum bjóðaði tí 93 ára gamla niður at halda jól saman við honum, konuni og børnun- um. Heidi, sum er konan, lesur í Danmark, meðan Rúni og bróðurin hava bát og rógva út í Nólsoy. Alt gekk væl Richard sigur, at alt hevur gingið væl á ferðini úr Føroyum til Slagelse – og fyri fyrstu ferð í lívinum slapp hann eisini at koyra í toki. - Vit koyrdi í toki úr Keypmannahavn til Slagel- se. Hetta tók umleið ein tíma, og mær dámdi væl at koyra í tokinum. Richard sigur, at tað er friðarligt í Slagelse, har tey verða um jólini. - Her hoyrist einki, og her er gott at vera, sigur hann. Spurdur, hvat tey annars fara at gera, nú hann fyri fyrstu ferð er uttanlands, sigur hann, at ætlanin er at fara ein túr til Keypmanna- havnar at síggja seg um. - Hetta verður eitt uppliv- ilsi, og eg eri fegin um, at eg tók av og fór hesa ferð- ina, sigur bóndin í Kongs- stovu í Nólsoy, sum kemur heimaftur úr Danmark við flogfari, 3. januar. 93 ára gamli, Richard Jacobsen: – Tað var so deiligt at flúgva Her er Richard Jacobsen komin til Keypmanna- havnar. – Alt hevur gingið væl, sigur 93 ára gamli nólsoyingurin. Mynd: Símun A. Hansen - Eg sat so væl í flogfarinum, og eg føldi meg so væl. Hetta var ógvuliga behagiligt, og tað var ein serstøk kensla at sita í einum flogfari yvir skýggjunum, sigur Richard Jacobsen Mynd: Símun A. Hansen