hósdagur 16. apríl 2020síða 28

FRÍGGJADAGUR 17. APRÍL 2020 SOSIALURIN 37 28 TEMA: Keyp Føroyskt VILMUND JACOBSEN R oyndin hjá Sjógæti á Eiði at keypa ókruvd­ an útróðrarfisk riggar væl, og tað eru út­ róðr­ar­menn, sum soleiðis selja fiskin til felagið, ið siga, at teir høvdu ikki tímað aftur til gomlu skipanina við kruvdum fiski. - Hetta eru serliga menn, sum eru einsamallir á báti. Tað tekur tíð at kryvja fiskin, og tað er ikki ókent, at fiskurin kann liggja ov leingi ókruvdur. Serliga er hetta ein trupulleiki, tá lýggja er í veðrinum. Tað sigur Hans Marius í Byrgi, stjóri í Sjógæti. Hann vísir á, at størsti fyri­ munurin við at keypa ókruvdan fisk, er, at fiskurin er nógv betri til dygdar, og har­aftrat kann alt úr fiskinum fáast til høldar. - Teir, sum selja ókruvdan fisk til Sjógæti, hava sínar reglur at ganga eftir, har fiskurin beinanvegin verður blóðgaður niður í ísvatn. Stjórin í Sjógæti sigur, at tað kann vera ein munur á, tá tveir ella tríggir mans eru á báti, tí tá eru náttúrliga fleiri, sum kunnu taka sær av fiskinum við at blóðga, kryvja og ísa, sigur stjórin. Bestu fiskavørur Sum øllum kunnungt, er Sjó­ gæti veitari av nógvum ymisk­ um fiskavørum til før­oyska marknaðin, og tað er dag­ gamli útróðrarfiskurin, sum er grundarlagið undir hvít­fiska­ framleiðsluni hjá virkinum. - Vit koyra eftir fiskinum, har bátarnir, sum eru við í avtaluni, koma at landi, leggur Hans Marius í Byrgi aftrat. Hann vísir á, at nú korona- krepp­an herjar, hava tey á virkjunum hjá Sjógæti - ávikavist við Norðskála og á Eiði - havt somu avbjóðingar sum onnur. - Men, vit royna sum best, og vit royna at bera høvdið høgt, sigur hann. Á virkinum við Norðskála fáast tey á Sjógæti við feskan og royktan laks, meðan øll hini tingini við hvítfiskaframleiðslu og nú eisini royking av pelg­ iskum fiski - makreli og sild - fara fram á Eiði. - Umframt laksin, hava vit eisini okkara sølubúð við Norð­ skála, sigur stjórin. Kalvasalat sum brand Umframt at vera veitari av alskyns fiskavørum til føroyska marknaðin, hevur Sjógæti eisini tveir fisk & kips bilar, sum koyra og selja kring landið, og hetta er eitt annað bein hjá fyritøkuni at standa á. - Vit selja væl av nógvum ymiskum vørusløgum á før­ oyska marknaðinum, men skal eg taka nakað burtur úr, sum gong­ur fantastiska væl, er tað kalva­salatin, ið er vorðin eitt veru­ligt brand hjá Sjógæti. Hans Marius í Byrgi sigur, at av nýggjum virksemi hjá fyri­ tøkuni eru lidnir døgurða­rættir á køl, har Sjógæti hevur tríggjar variantar, sum hann tekur til. - Hetta eru lutfalsliga bíligir - men eisini góðir - døgurðarættir, leggur stjórin aftrat. Kalvasalat gongur sum heitt breyð - Skal eg taka nakað burtur úr okkara konsepti, sum gongur fantastiska væl, er tað kalvasalatin, ið er vorðin eitt veruligt brand hjá Sjógæti, sigur Hans Marius í Byrgi, stjóri