hósdagur 23. apríl 2020síða 4

FRÍGGJADAGUR 24. APRÍL 2020 SOSIALURIN 38 4 FRANTS JENSEN – Tað er eitt sindur sum við skipara­synunum. Teir fella aft­ur til tað, sum pápin hevur gjørt. Soleiðis var eisini við okk­ um brøðrunum, sigur Bjarni á Steig, depilsleiðari og yvir­lækni í hæmatologi á Lands­sjúkra­ húsinum. Pápi Bjarna og Torkil á Steig, Jón á Steig var í meir enn ein mansaldur yvirlækni á Landssjúkrahúsinum. Tá ið synir­nir vuksu til, og teir skuldu velja sær yrkisleið, var tað tó ikki lækna­vegurin, ið lá fremst hjá Bjarna á Steig. – Eg hevði ætlanir um at gerast verkfrøðingur, men tað broytt­ist, og eg fór læknavegin, sigur Bjarni á Steig. Bróðurin gjørdi tað sama, og systurin fór eisini heilsuvegin og nam sær útbúgving sum sjúkra­ røktarfrøðingur. Eina stutta tíð, áðrenn Jón á Steig fór frá fyri aldur, vóru tríggir yvirlæknar við eftir­ navni­num  á  Steig  á  Lands­ sjúkra­húsinum. Tað vóru teir trígg­ir feðgarnir. Torkil á Steig er yvirlækni í nefrologi, og Jón á Steig var leiðandi yvirlækni á medisinsku deild. Hildu jól á sjúkrahúsi – Tað hevur altíð verið nógv lækna­ligt og heilsufakligt prát í familjuni. Tað hevur helst verið við til at gjørt, at vit eru farin tann vegin, sigur Bjarni á Steig. Og fyri tey í familjuni var sjúkrahús, sjúkur og alt tað, ið har til hoyrir, ikki nakað undar­ ligt og ókent. – Tey flestu halda tað vera fremmant at vera á sjúkrahúsi, men ikki vit. Vit hava enntá hildið jól har, greiðir Bjarni á Steig frá. Hóast tað sum hevur við sjúk­ ur og heilsuna at gera, hevur fylt nógv, so hevur tað tó ikki fylt alt. – Tá ið onnur eru komin inn í familjuna, so hevur eisini verið annað prát, sigur Bjarni á Steig. Málmaður hjá B36 Sum ungur fylti ítrótturin nógv í lívinum hjá Bjarna. Og serliga var tað fótbóltur. – Eg nýtti nógva tíð í fótbólti. Eg var málmaður hjá B36 í nøkur ár. Tað dámdi mær stak væl, sig­ ur Bjarni á Steig. Nú hann er komin meira til árs, ger hann ikki nakað við ítrótt­in meira. Næsta ættarlið ger meira við svimjing. Tá ið tað ræður yrkisleið, hava tey eisini valt annað. – Nei, eingin av teimum í næsta ættarliði er farin lækna­ vegin. Tey hava valt annan lesnað, sigur Bjarni á Steig. Hann hevur eisini annað frí­ tíðarítriv, og tað er seyður. – Vit hava nakað av seyði í familjuni í Fámjin. Tað er huga­ ligt at fáast við, sigur hann. Ættarnavnið úr Sandavági Ættarnavnið á Steig er úr Sanda­ vági. Steigagarður var em­ bætisgarður hjá føroysku løg­ monnunum, sum vórðu út­nevnd­ir av konginum frá 1555-1816. Tað var abbi Bjarna, ið fekk sær hetta navnið. Navnið av­ dúkar eisini, at hann er í familju við sera kendan føroying, nevni­ liga Bárð á Steig Nielsen, løg­ mann. – Ja, vit eru systkinabørn, sigur Bjarni á Steig. FRANTS@SOSIALURIN.FO PERSÓNSØGA: Bjarni á Steig FÓR LÆKNA­VEGIN FÓR LÆKNAVEGIN EINS OG PÁPIN EINS OG PÁPIN Teir tríggir feðgarnir á Steig, sum allir hava verið yvirlæknar. Frá vinstru: Bjarni á Steig, Jón á Steig og Torkil á Steig. (Myndin er frá 2007) Bjarni á Steig ætlaði at lesa verkfrøði, men viðurskifti broyttust, og hann fór læknavegin. Pápin, Jón á Steig, var lækni, og í uppvøkstrinum varð nógv prát um sjúkur, heilsuverk og tílíkt. Bróðir Bjarna, Torkil, gjørdist eisini lækni, og eina tíð vóru teir allir tríggir yvirlæknar á Landssjúkrahúsinum