hósdagur 23. apríl 2020síða 5

FRÍGGJADAGUR 24. APRÍL 2020 SOSIALURIN 38 5 FRANTS JENSEN – Vit ráðgeva, men politikararnir avgera og stinga út í kortið, sigur Bjarni á Steig, depilsleiðari á medisinska deplinum og yvirlækni í hæmatologi. Hann er eisini ráðgevi hjá Heilsumálaráðnum. – Eg eri ikki limur í farsóttanevndini, men eg eri við sum heilsufakligur ráðgevi. Vit ráðgeva út frá heilsufakligum sjónarhorni og lata Heilsumálaráðið í fakliga, sigur hann. Næstan koronafrí Bjarni á Steig er ein av lækn­ unum, sum dugir væl at greiða frá tí læknafakliga í sambandi við koronasmittuna á ein ein­ faldan hátt, so at vanligi før­oy­ ingurin – eisini tann, sum ikki hevur drúgva útbúgving – skilir, hvat talan er um. – Vit kunnu gleðast um, at tað sær út til, at tað hevur eydnast at av­markað og avbyrgja smittuna. Strategiin hjá okkum hevur eydnast, sigur Bjarni á Steig. Hann undirstrikar tó, at tað má ganga nakað av tíð, áðrenn vit kunnu siga, at vit eru korona­ frí í Føroyum. – At eingin – ella næstan eingin – er funnin smittaður í Før­oy­um í drúgva tíð er gott tekin. Men vit mugu bíða eina tíð enn, tí vit vita ikki, um tað eru myrkatøl ella um sjúkan er onkustaðni í samfelagnum. Tað hevur víst seg, at nøkur hava sera mild sjúkueyðkenni, og tí kann onkur hava havt smittuna uttan at vita av tí og uttan at hava latið seg kanna, sigur hann. 14 dagar afturút Bjarni á Steig vísir á, at vit hava eina góða støðu í Føroyum. – Tað sokallaða R-talið nærk­ ast null, og tað er sera gott. Tað vísir, at smittan er við at doyggja út. Men vit mugu bíða eitt sindur enn, áðrenn vit kunnu siga tað við vissu. Tað ganga nevni­liga tvær vikur, áðrenn vit síggja úrslitið av tí, sum vit gera í dag. Tí síggja vit ikki fyrr enn nú úrslitini av tí, sum hendi á páskum, sigur hann. Hann vísir tí á, at úrslitini av, at dagstovnar hava latið upp aftur, og at yngstu skúla­næm­ ing­arnir eru farnir í skúla aftur, ikki síggjast enn. – Um eina góða viku vita vit nógv meir, enn vit vita í dag. Vit skulu tí vera varin og lata spaku­ liga upp aftur, sigur hann. Portrið til Føroyar Hann vísir á, at nú eru tað portrini til Føroya, sum eru tað týdningarmesta. Serliga flog­ vøllurin. – Øll, sum koma til landið, skulu í sóttarhald í 14 dagar. Tað er sera týðandi. Nú bjóða vit okkum at fylgja teimum, so at hesi kunnu hava regluligt sam­band við læknar ella onnur heilsu­starvsfólk í tíðini, tey eru í sóttarhaldi. Tað er eitt sindur ymiskt, hvat tørvurin er, hevur tað víst seg, tá ið talan er um tey, sum hava havt smittuna. Nøkur hava vit havt dagligt tele­fon­ sam­band við, meðan onnur bara ein­stakar ferðir, sigur hann. Læknin vísir á, at nú hava tey longu gjørt sær fleiri royndir, hvørji sjúkueyðkennini kunnu vera, og tí kann vera gott at hava regluligt sambandi við tey, sum eru í sóttarhaldi, so at tey kunnu vera skjótt kannað, um tey hava sjúkueyðkenni. Mugu ikki fáa bylgju nummar tvey Men sjálvt um vit eru næstan korona­frí í Føroyum og fara at halda eitt vakið eftirlit við øllum, sum koma til landið, held­ur yvirlæknin ikki, at vit kunnu lata alt landið upp aftur og liva avbyrgd koronafrí frá út­ heiminum. – Vit mugu fyrst síggja, hvus­ su tølini vera um eina viku. Løg­maður hevur boðað frá, at hann fer at siga meira 4. mai, hvussu landið verður latið upp aftur. Men tað er heilt greitt, at vit kunnu ikki lata alt landið upp í einum. Vit mugu gera tað varis­liga. Tí um vit fáa smittuna aftur, kann alt latast aftur upp á stutta tíð, sigur hann. Hann vísir á, at tað kann koma okkum aftur um brekku, um vit lata alt upp í einum. – Hong Kong og Singapor høvdu fingið nøkulunda bilbugt við smittuni, og tey lótu upp aftur. Men tá kom smittan aftur, og tað er nógv verri. Vit mugu læra av teimum, og mugu tí ansa sera væl eftir ikki at fáa bylgju numm­ar tvey, sigur Bjarni á Steig. Yvirlæknin vísir á, at hann sum heilsufakligur per­són­ur bara tilmælir út frá tí heilsu­fak­ liga, men at politik­ar­arnir taka avgerð. – Vit tilmæla eina varisliga upp­lating, har vit framvegis halda fast við okkara strategi og nýta tey modell, sum eru fyri at lata upp. Men vit vita, at politikararnir eisini hava onnur atlit at taka. Teir avgera hvat og hvussu, sigur Bjarni á Steig. Vil ikki siga ov nógv Í mun til aðrar læknar er Bjarni á Steig sera varin at úttala seg, um landið til dømis skal loyva, at stevnur og stór tiltøk skulu vera í summar. – Um tølini halda sær, so kann løgmaður møguliga siga meira. Vit hava eisini fingið eina korona­ráðgeving, sum ráðgevur í tílíkum viðurskiftum, er alt Bjarni á Steig vil svara til henda spurn­ingin. Í seinastuni hevur tað verið Bjarni á Steig, sum hevur úttalað seg á fleiri tíðindafundum, með­ an onkur lækni, sum áður hevur verið meira frammi, ikki er so nógv at síggja. – Eg veit ikki, hvussu tað verður í framtíðini, men nú havi eg verið nakrar ferðir og um­ boðað sjúkrahúsverkið, sigur Bjarni á Steig. FRANTS@SOSIALURIN.FO Tann fryntligi ráðgevandi læknin Í fleiri umførum hevur tann fryntligi Bjarni á Steig, yvirlækni, greitt frá á tíðindafundum um koronasmittuna. Hóast hann eisini kann koma við peikifingrinum, so er hann varin, og letur politikararnar um at stinga út í kortið Bjarni á Steig, depilsleiðari og yvirlækni í hæmatologi á Landssjúkrahúsinum hevur fleiri ferðir verið á tíðindafundi í seinastuni og greitt frá støðuni viðvíkjandi koronasmittuni