hósdagur 23. apríl 2020síða 6

FRÍGGJADAGUR 24. APRÍL 2020 SOSIALURIN 38 6 ÁRNI GREGERSEN F leiri føroyskar fyritøkur hava longu brúkt tilboðið um fíggjarliga trygd, sum danski Vækstfonden bjóðar føroyskum vinnulívi. Báðir teir størru føroysku bankarnir siga, at fleiri fyritøkur – um enn ikki nógvar – hava fingið trygd fyri lánum úr danska hjálparpakkanum. Tilboðið til føroysku fyri­tøk­ urnar er, at danskii Vækstfonden veitir trygd fyri 70 prosentum av nýggjum lánum, sum fyritøkur taka í samband við, at tær hava havt afturgongd í søluni nú koronakreppan herjar. Grunnurin veitir trygd fyri møguligum nýggjum lánum, men eisini fyri rakstrarkredittum, sum peningastovnar veita fyritøkum. Ómakasleyst Hjá føroysku fyritøkunum er tað rættuliga ómakasleyst at fáa eina slíka trygd. Fyritøkurnar skulu søkja um lán frá teirra peningastovni. Treytin er, at peningastovnurin játtar lánið ella rakstrarkredittin, men tá ið tað er gjørt, so eru tað peningastovnarnir sum senda umsóknina til Vækstfonden. Fyritøkurnar sjálvar kunnu ikki søkja um trygdina – tað er nakað, sum peningastovnarnir skulu gera og Vækstfonden sigur, at svar verður givið uppá um­sóknirnar innan 48 tímar eru farnir. Trygd Hjálpin úr danska hjálpar­pakka­ num kemur væl við. Hon ger, at trygdin sum peningastovnin fær, er frá statinum, men tað ger eisini, at einstøku kundarnir hjá pen­ingastovnunum heldur ikki viga so tungt. -Tað eru greiðar reglur fyri hvussu nógv vit kunnu læna út til ein­stakar kundar. Í samband við lán av hesum slag, er tað soleiðis, at hesi lán ikki telja við í samlaðu útlánunum til hendan kund­an, sigur Olav Guttesen, stjóri í Betri banka. Peningastovnarnir mugu tó vera við um fyritøkur skulu hava lut í danska hjálparpakkanum. -Ja, vit gera eina vanliga kreditmeting – tað vil siga, at vit meta um fyritøkan koyrdi hampiliga væl undan kreppuni og um útlitini eru hampulig áðrenn vit siga ja. -Men er tað játtað í peningstovni­num, so tekur tað so at siga onga tíð at fáa svar frá Vækstfonden, sigur Olav Guttesen. Kostnaðurin Fyri at fáa trygdina, so skal gjaldast 2500 krónir í stovn­ ingar­gjaldi til Vækst­fonden og har­afturat skal gjaldast eitt pro­ sent í provisión av upp­hæddini. Vækstfonden veitir trygd fyri 70 prosentum av láninum ella rakstrarkredittinum, meðan bankin so skal standa inni fyri teim­um 30 prosentunum. Peningstovnarnir siga, at teir ikki kunnu brúka aðrar trygdir, sum kundin annars hevur sett, til tey 30 prosentini, sum Vækstfonden ikki veitir trygd fyri. Ein av treytunum, sum skulu uppfyllast er, at fyritøkan, sum vil hava hesa trygdina, hevur mist minst 30 prosent av umsetninginum orsaka av Covid-19. Trygdin frá Vækstfonden er galdandi í sjey ár og verður niðurlagað yvir hesi sjey árini. Vækstfonden sigur, at danskar, føroyskar og grøn­ lendsk­ar fyritøkur allar kunnu fáa lut í hesi trygd uttan mun til hvørjari vinnugrein arbeitt verður í. Hesin hjálparpakkin er ætlaður smáum og millum­ stórum fyritøkum. Ein annar pakki er gjørdur, sum er ætlaður stórum donskum fyritøkum. Danskur hjálparpakki er eisini ætlaður føroyskum fyritøkum Vækstfonden veitir trygd til peningastovnarnar, so teir kunna læna meira til fyritøkur, sum hava mist umsetning í sambandi við korona-kreppuna Olav Guttesen, stjóri í Betri Betri Banki Bank Nordik Føroyskar fyritøkur kunnu fáa trygd frá Vækstfonden TILVILDARLIG MYND