hósdagur 30. apríl 2020síða 19

FRÍGGJADAGUR 1. MAI 2020 SOSIALURIN 39 19 HANDILSVINNA FRANTS JENSEN T að eru ikki allar fyri­ tøkur, ið uppliva kreppu­støður og mugu rópa eftir hjálp frá tí almenna, fyri at koma ígjøgn­um koronakreppuna. Nakr­ar fyritøkur uppliva bein­ leiðis vøkstur, og teirra millum eru matvøruhandlar – í øllum førum nakrir av teimum. – Vit upplivdu beinanvegin, at meira fór ígjøgnum kassa­ aparatini. Tað er stórur vøkstur, men eg vil ikki seta tal á, hvussu stórur vøksturin er, sigur Bassi Haraldsen. Handilsmaðurin í Fuglafirði eigur saman við fyritøkuni Poul Hansen helvtina av Á-handlunum kring landið. Teir eiga Á-handlarnar í Vestmanna, Fugla­firði, Glyvrum, Toftum, á Sunds­vegnum í Havn og á Landa­vegnum í Havn. – Vøkstur er í øllum handlun­ um, sigur Bassi Haraldsen. Eru heima – eta heima Um orsøkina, at teir selja meir nú, sigur handilsmaðurin: – Fólk eru meira heima, og tí eta tey eisini meira heima. Tær flestu matstovurnar hava latið aftur, og nógvar kantin­ ur á arbeiðsplássum eru eisini afturlatnar. Til dømis er kantin­ an á Glasi latin aftur, og øll hesi fleiri hundrað fólkini, ið ótu har, eta nú heima. Tað eru eisini fleiri ung, sum hava verið í Danmark ella aðrastaðni og lisið, sum nú eru komin heim til Føroya, og tey eta eisini heima, sigur Bassi Harald­sen. Hann heldur, at heilsølurnar síðstu vikurnar hava koyrt minni vøru út til kantinur, men ístaðin meira til matvøruhandlarnar. – Vit hava ikki merkt, at fleiri fólk koma til handils, men fólk keypa meir, tá ið tey fara til handils. Talan er um størri innkeyp, men ikki so títt inn­ keyp, sigur hann. Arbeitt um næturnar Tá ið koronakreppan rakti, máttu matvøruhandlarnir gera nakrar umleggingar. Tað gjørdu Á-handlarnir eisini. Mill­um annað við at seta skelti upp um at halda frástøðu, seta spritt­ dunk­ar upp, so starvsfólk og kund­ar kunnu spritta hendur, gera meir við reinføri og við at seta upp verndarglas við kass­ ar­nar. Men handlarrnir gjørdu eisini eina aðra týdningarmikla broyt­ ing. – Vit broyttu arbeiðstíðirnar bein­anv­egin, so at nøkur starvs­ fólk hava arbeitt um náttina við at seta vørur upp á hillarnar ístaðin fyri um dagin. Tað var millum annað fyri at hava møgu­ leikan at halda fjarstøðu um dagin í handlunum. Vit hava tí havt niðursetta manning um dagin og hesi hava tí bara tikið sær av kundarøkt, sigur Bassi Harald­sen. Hann vísir á, at tað hevur gingið skjótt hjá teimum, sum hava arbeitt um næturnar, tí tá eru tey ikki órógvað av øðrum. Men nú verður skjótt steðgað við at arbeiða um næturnar. – Nú letur samfelagið sum heild meira upp aftur. Onkur av handlunum er steðgaður at ar­beiða um næturnar og hinir fara helst at steðga skjótt, sigur hann. Vistir – sami eftirspurningur Bassi Haraldsen eigur eisini fyritøkuna Vistir, sum selur proviant til skip. Har hava tey hvørki upplivað vøkstur ella mink­ing. – Koronasmittan hevur ikki minkað um eftirspurningurin. Hann hevur verið tann sami, sum hann er vanur at vera, sigur Bassi Haraldsen. Smittan ikki gjørt nógv um seg Koronasmittan hevur ikki rakt Á-handlarnar meint. – Eg var sjálvur smittaður eins og fleiri í familjuni hjá mær. Vit hava tó bara verið tvey starvsfólk, ið hava verið smittað. Onkur hevur tó verið í sóttar­haldi, tí at tey hava verið uttan­lands, sigur hann. Keðiligt at økt søla er vegna korona Á-handlarnir eru nakrar av heilt fáum fyritøkum, ið tjena meir pening, nú í hesi koronatíðini, tá ið flestu fyritøkurnar tjena nógv minni og standa sera trupult í tí fíggjar­liga. – Tað er eitt sindur keðiligt, at okkara økta søla skal vera vega koronavirusið, tá ið nógvar fyri­ tøkur koyra sera tungt og hava tað sera trupult av hesum sama virusinum. Eg hevði ynskt, at tað eisini gekk væl hjá teimum, sigur Bassi Haraldsen. FRANTS@SOSIALURIN.FO SØLAN VAKSIN NÓGV UNDIR KORONATÍÐINI – Vit hava upplivað ein stóran vøkstur í søluni síðani 12. mars, tá ið koronasmittan gjørdi sína ávirkan á landið, sigur Bassi Haraldsen, handilsleiðari og ein av eigarunum í seks av Á-handlunum kring landið Bassi Haraldsen, handilsleiðari og eigari av fleiri Á-handlum kring landið Tað er eitt sindur keðiligt, at okkara økta søla skal vera vega koronavirusið, tá ið nógvar fyritøkur koyra sera tungt og hava tað sera trupult av hesum sama virusinum