mikudagur 6. mai 2020síða 5

HÓSDAGUR 7. MAI 2020 SOSIALURIN 40 5 – Tað er umráðandi, at tey ungu fáa hjálp til at nágreina, hvat tað er, sum tey tíma, duga og síggja seg sjálvi gera. Ofta er tørvur á hjálp at skapa ein veg gjøgnum allar møguleikarnar, sum tey hava, sigur er 26 ára gamla Erika Niclasen úr Klaksvík, sum er nýggi leiðarin á eftirskúlanum »Brúgvin« í Skálavík ANNIKA KUNOY IM ANNIKA@SOSIALURIN.FO E ftir summarfrítíðina byrjar eitt nýggjur kapittul fyri bæði Depilin í Skálavík og føroyskan ungdóm, tá kristni eft­irskúlin »Brúgvin« setur sjøt­ul á all­ar fyrsta eftirskúlaárið og harvið eis­ini fyrsta føroyska eftir­skúla nakr­an­tíð. Brúgvin lovar eitt spenn­andi og mennandi ár við upp­liv­ingum í Før­oyum og úti í heimi. Og kvinnan, ið skal standa á odda fyri nýggja til­boðn­um í Sand­oy til føroyskar 10. floks næm­ing­ar er 26 ára gamla Erika Nicla­sen úr Klaksvík. Tá Erika Niclasen var 18 ára gomul, flutti hon niður til Danmarkar og fór á há­skúla í Jútlandi í tvey ár – fyrsta árið sum næmingur og annað árið sum sjálv­boðið hjálparfólk. Eftir tað fór hon und­ir eina professiónsbachelor sum sos­ial­ráðgevi í Keypmannahavn, og hon hev­ur síðani arbeitt á Fredriksberg job­ cent­er sum málsviðgeri, umframt at hon hev­ur verið verkætlanarleiðari sein­astu fimm mánaðirnar. Hon hevur eisini arbeitt sum tann­ár­ ing­a­ráðgevi í kirkjuligum høpi, har hon hev­ur samskipað tiltøk og skapað karm­ ar fyri hugnaligari sosialari sam­veru og virk­semi. Kirkjusamfelagið Apostolsk Kirke í Danmark hevur fýra eftirskúlar, og har hevur Erika Niclasen eisini arbeitt sein­ atu seks árini sum ungdómsleiðari, veg­ leiðari og við at samskipa tiltøk. – Tað hevur verið eitt ynski um at upp­raðfesta tannáringar í sam­kom­um, og eg havi so samskipað við sam­størv­ um. Hetta er eisini serliga tað, sum eg taki við mær í nýggja stavið sum skúla­leið­ari á eftirskúlanum Brúnni, sigur hon. – Hetta við at tey ungu hava ein ment­ or ella vegleiðara er umráðandi, tí vit uppliva, at tey ungu stríðast við ym­isk ting. Ofta seta foreldur seg í sam­band við samkomur, hóast tey ikki eru von at ganga til átrúnaðarlig tiltøk, tí grund­ áskoð­anin er, at vit ynskja, at fólk eydn­ ast á lívsleiðini, og at tað er vón fyri okk­ um øllum, sigur Erika Niclasen. Eisini er hon skeiðsleiðari fyri sjálv­ boðin ung, sum leiða onnur sjálvboðin. – Tað hevur lært meg nógv um, hvussu man leiðir eitt toymi og leggur skema til rættis og skipar læring bæði aka­dem­ iskt og praktiskt. Tað taki eg heilt víst við mær í mítt nýggja starv, leggur hon aftr­at. Brenni fyri hesum – Eg valdi at taka við hesum starvinum, tí eg brenni fyri at síggja tey ungu eydn­ast á lívsleið teirra. Eg havi arbeitt nógv við ungum, sum stríðast við lágt sjálvsvirði og lágt sjálvsálit, strongd, ang­ist og tunglyndi. Niðurstøðan er ofta, eftir at eg havi tosað við hesi ungu, at tey ynskja at eydnast og at eydn­ast væl, men pressið, sum tey upp­liva á sosialu miðlunum har allur heim­urin liggur opin fyri teimum, verð­ur ofta ræðandi, sigur hon. – Har er tað umráðandi, at um­støð­ ur­n­ar verða skipaðar og at tey fáa hjálp til at nágreina, hvat tað er, sum tey tíma, duga og síggja seg sjálvi gera. Tað er ofta tørv­ur á hjálp at skapa ein veg gjøgn­um all­ar møguleikarnar, sum tey hava, legg­ ur hon aftrat og greiðir frá, at um­framt hetta, so eru grundvirðini, sum eftir­skúl­ in Brúgvin byggir á í tráð við henn­ara egnu persónligu virði. – Skúlin stendur fyri at geva teimum ungu eina holistiska uppfatan av, hvørji vit eru sum mennisku við anda, sál og lik­ami, og at tryggja, at tey ungu verða sosi­alt tilvitað um seg sjálvi men eisini um samfelagið, sum vit liva í, og hvussu vit gerast góðir borgarar. Hetta gevur mein­ing fyri meg, sigur hon umhugsin og avgjørd. Hon greiðir frá, at danskar kann­ing­ar vísa á, at ung, sum hava verið á eftirskúla í stór­an mun gerast við­virkn­ir­ borgarar, sum taka lut í samfelagnum og eru aktiv í sjálvbodnum og pol­it­iskum virksemi. Eisini fáa tey ein týð­andi felagsskap hvør við annan, með­an tey eru á eftirskúla um­framt, at tey læra um persónlig mørk og mørk­ini hjá øðrum, sum ikki altíð eru tey somu, sum eins egnu. Síðani ber til at samskifta um tað. – Tann búningin, sum hendir hetta árið ein er á eftirskúla er ómetaliga stór og góð, sigur hon. Tryggir karmar Eftirskúlin Brúgvin hevur ein aktivan áhugabólk, sum hevur definerað hug­ sjón­ina og endamálið við Brúnni. Sjálv held­ur Erika Nicla­sen, at hetta hev­ur sett ein góðan og sterkan karm fyri seg sum leiðara. Hug­sjónin er at geva kom­ andi ættarliðum eitt kristi hol­istiskt lívs­grundarlag, og enda­málið er við støði í kristn­ ari heims- og menn­iskja­ áskoð­an at menna sam­fel­ ags­ligt og sosialt til­vit hjá ein­staka næm­inginum. Skúl­in tekur støðið í tí einstaka næm­inginum, bæði hvat við­víkur aka­demiskum før­leik­um, anda­lig­ um, sosialum og ment­an­ar­lig­um við­ urskiftum. – Hetta hevur givið mær nakað at tillaga meg til. Tað er umráðandi, at karmarnir fyri tey eru tryggir, so vit skapa eitt stað, har tey trívast og útvikla seg, sigur hon. – Hóast hetta, fer man eisini at merkja meg, sum leiðara á skúlanum. Sum menniskja eri eg fjølbroytt og fevnandi, og tað trúgvi eg fer at koma til sjóndar á skúlanum. Eg leggi dent á opið orðaskifti og sosiala tilvitan. Tað er eisini mín profilur sum sosialráðgevi, sigur nýggi leiðarin á Brúnni. – Eg fari at leggja stóran dent á trivnað og at skapa virksemi, sum økir um trivnaðin. Sum sosialráðgevi havi eg nakað av royndum og vitan um rættarligar tilgongdir og ráðgeving, sigur nýggi eftirskúlaleiðarin. Skúladagurin á Brúnni Skúladagurin á eftirskúlanum Brúnni verður – sum á flest øðrum skúlum - skip­aður við einum skema við kravd­ um breytum og valbreytum. Har er alt frá støddfrøði og føroyskum til dans, útilív, innovatión og motorlæru. Læru­ greinarnar skulu síðani veljast og set­ast Framhald á síðu 8 Nýggjur eftirskúlaleiðari: – Brenni fyri at síggja tey ungu eydnast Føroyska løgtingslógin fyri eftirskúlar varð samtykt fyri 20 árum síðani, og ikki fyrr enn nú lata fyrstu eftirskúlarnir í landinum dyrnar upp. Talan er um eftirskúlan Brúnna í Skálavík og Føroya Eftirskúla á Tvøroyri. Eg valdi at taka við hesum starvinum, tí eg brenni fyri at síggja tey ungu eydnast á lívsleið teirra. Eg havi arbeitt nógv við ungum, sum stríðast við lágt sjálvsvirði og álit, strongd, angist og tunglyndi. Niðurstøðan er ofta, eftir at eg havi tosað við hesi ungu, at tey ynskja at eydnast og at eydnast væl, men pressið, sum tey uppliva á sosialu miðlunum har allur heimurin liggur opin fyri teimum, verður ofta ræðandi