mikudagur 20. mai 2020síða 23

FRÍGGJADAGUR 22. MAI 2020 SOSIALURIN 42 23 HEIM & URTAGARÐAR Home Design 3D Outdoor - snildfon, teldil og teldu Hetta nýggja forritið er lætt at læra og brúka. Tú kanst tekna í 2D og hála alskyns lutir, eitt nú plantur, trø, runnar, havamøblar, hús og mangt annað fram og seta tey, har tær lystir. Tú kanst tekna títt grundstykkið upp við nágreiniligum fermetratølum. Eitt, sum ger tekningina enn meira veru­leika­kenda, er, at hon kann gerast til eina 3D tekn­ing. Á 3D tekningini hevur tú møguleika at síggja tín urtagarð ella títt útigólv úr ymiskum sjónarhornum. Home Design Outdoor hevur eina ókeypis útgávu og eina víðkaða útgávu við enn fleiri møguleikum, ið tú noyðist at gjalda fyri. Preið: Home Design hevur eisini eitt sera gott og lætt forrit til tann óroynda innanduraarkitektin. Sketchup: Ókeypis tekniforrit í 3D - teldu Sketchup er eitt forrit, sum google eigur og hevur útgivið. Hetta forritið hevur eina rúgvu av møguleikum, og góðskan er hin sama sum í nógvum av teimum yrkisforritum, sum eru at fáa til keyps. Hetta forrit hevur eitt hægri torleikastig enn Home Design, men harafturímóti eru møguleikarnir eisini nógv fleiri. SketchUp Free (fyrr nevnd my.SketchUp) er ein ókeypis útgáva av SketchUp. Forritið skal brúkast á einum teldu­ skíggja og kann einans brúkast á alnótini. Við einum ein­føld­ um markamóti, hevur tú møguleika at tekna ymisk 3D skap. Tú kanst fáa vegleiðing til SketchUp gjøgnum heima­ síðuna hjá SketchUP, har tey eitt nú hava eina tænastu­ mið­støð, sum veitir hjálp og sjónfíluundirvísing. Eisini eru sjónfílur á eitt nú Youtube, sum kunnu brúkast til vegleiðing. Hetta ókeypis forritið er einans til privata nýtslu og ikki til arbeiðsbrúk. Chief Architect Home Designer - teldu Tekniforrit til tann óroynda urtagarðsarkitektin, ið hevur stórar dreymar um ein framtíðar urtagarð. Tekniforritið frá Chief Architect Software vendir sær til roynd og óroynd ger-tað-sjálv-fólk, og forritið fevnir eisini um bygging av húsum, baðirúmum, køkum, sniðgeving av urtagørðum, køksgørðum og útigólvum ella terrassum. Tekniforritið til urtagarðssniðgeving kallast Home Designer Essentials og kann brúkast av óroyndum. Í forritinum kanst tú tekna í 2D og 3D í ymiskum stigum og hæddum í urtagarðinum - til bygging av útigólvi og plasering av eitt nú gosvatni, gosbaði og øðrum, sum tú ynskir verður partur av tínum umhvørvi. Tú kann velja millum 3.600 sløg av plantum, runnum og trøum. Tú hevur eisini møguleika at síggja, hvussu planturnar trívast og veksa, og hetta verður mett út frá tínari ásetan av, hvar tínar plantur eru í urtagarðinum, og hvat veðurlagið er í tínum landi. Haraftrat hevur tú møguleika at gera eitt úrdrag av mongd av tilfari, sum tú skalt brúka til tína sjálvteknaðu terrassu ella blómubeð í garðinum. Ert tú skrátsettur brúkari av forritinum, hevur tú eisini atgongd til ein enskttalandi depil, har tú kanst seta spurningar, um tær tørvar vegleiðing ella hjálp við forritinum. Á alnótini finnast alskyns forrit og appir, sum kunnu brúkast til at fáa íblástur til heimið og urtagarðin. Við hesum forritum kanst tú gerast tín egni urtagarðs arkitekur. Her fara vit at vísa á trý góð tekniforrit til urtagarðin á ymiskum torleikastigum.