mikudagur 20. mai 2020síða 24

FRÍGGJADAGUR 22. MAI 2020 SOSIALURIN 42 24 HEIM & URTAGARÐAR VILMUND JACOBSEN P lantusølan hjá Hanne- Dot Lugvig við Landa­ vegin í Havn er nakað heilt serligt. Umframt sjálva søluna í hugnaliga um­hvørvinum, er her eisini urtagarðurin hjá henni og manninum, Hans Jákupi Ludvig, sum eisini tekur eina hond í, tá løtur­nar eru. Sosialurin var ein túr í um­ hvørvinum týsdagin, og her sást skjótt, at nógv viðskiftafólk vitjaðu søluna, ið lítið sæst til frá veg­num. Tað er ikki fyrr enn tú kemur inn á økið, at tú sært allan vakur­ leikan og vælskipaða urta­garðin og søluna hjá hjún­unum báðum. Um onkur lesari skuldi ivast, hvar Plantusølan hjá Hanne- Dot Ludvig er, so er adressan Landavegur 38. Opið til heystar Meðan vit standa og práta, sigur Hans Jákup Ludvig, at tey hava opið í summarhálvuni og stongt um veturin. - Vanliga lata vit upp aftur um hálvan apríl, men í ár lótu vit upp nakrar dagar longri út í apríl. Orsøkin var korona- smittan, og í byrjanini vistu vit ikki ordiliga, hvussu vit skuldu skipa okkum. Hans Jákup Ludvig sigur, at van­liga er pantusølan opin til um­leið hálvan august. - Sum heystið líður, seta vit leykir niður, eitt nú páskaliljur og seinni eisini tulipanir, sum vit seta niður í spannum. Hann vísir á, at eitt, sum hev­ ur selt væl, síðan tey lótu upp aftur, er rabardur, og hetta hev­ ur líka sum verið hin stóra sølan teir seinastu dagarnar. Byrjaðu í 1981 Hanne-Dot Ludvig sigur, at hon og maðurin byrjaðu at skipa urta­garðin við Landavegin longu í 1981. - Eg havi altíð havt áhuga fyri plant­um og vøkstri - ja, helst havi eg fingið henda áhuga í vøggu­gávu, sigur hon. Tað var tó ikki fyrr enn í 2003, at hjúnini lótu upp plantusølu, og síðan hevur virksemið bara ment seg, og umstøðurnar eru vorðnar betri og betri. - Alt virksemi er her inni í hava­num hjá okkum. Hanne-Dot Ludvig vísir á, at tað, sum plantusølan leggur nógv tann størsta dentin á, er tað, sum rópt verður staudi - ella urtagarðs- og prýðisplantur, sum veksa ár um ár. - Staudi fevnir rættiliga breitt, og hetta fevnir um tað mesta, sum veksur aftur. Staudi fevn­ir soleiðis eisini um eitt nú jarð­ berja­plantur og kryddurtir, sum vit eisini selja, sigur hon. Hyggja vit í sprotan.fo merkir ”staude” fleirára urtagarðsplanta ella prýðisplanta. - Vit høvdu ongantíð megnað at planta alt sjálvi, sum vit selja, og tíski hava vit góðar veitarar í útlandinum, leggur hon aftrat. Rabarbur veksa væl Hanne-Dot Ludvig vísir á, at tað finnast nógv ymisk sløg av rabarbum, har summar eru súrar - og aðrar eru søtar. - Rabarbur veksa sum heild væl í Føroyum, og tær verða nógv brúktar til eitt nú rabarbu­ súltu­toy, greyt, desertir og køkur. Hon heldur tað kanska vera Plantusølan hjá Hanne-Dot er nakað serstakt - Eg havi altíð havt áhuga fyri plantum og vøkstri - ja, helst havi eg fingið henda áhuga í vøggugávu, sigur Hanne-Dot Ludvig. Tað var tó ikki fyrr enn í 2003, at hjúnini lótu upp plantusølu, og síðan hevur virksemið bara ment seg, og umstøðurnar eru vorðnar betri og betri