hósdagur 4. juni 2020síða 34

FRÍGGJADAGUR 5. JUNI 2020 SOSIALURIN 44 6 Kappróður O ngastaðni í landinum er tað so tætt millum kapp­róðrarbátarnar, sum tað er á Havnarvág. Fólkagrundarlagið hjá teimum trimum róðrar­feløg­ unum er tað størsta, og tað sæst aftur í luttøkuni. Havnar Róðr­arfelag luttekur við 12 manni­ngum, Argja Róðrarfelag luttekur við átta manningum, og Róðrarfelagið Knørrur luttekur við sjey manningum. -Áhugin millum børnini og tey ungu at læra at rógva og so at bjóða seg fram at taka lut í kapping er vaksandi. Vit hava tríggjar ungar manningar, sum ikki hava meldað til FM kapp­ ingina í summar. Tær venja og læra at bera seg at í bátinum, og so kann tað væl vera, at hesar manningarnar taka eitt stig meiri um eitt ár. Tað sigur Bjarti Mohr, sum nú í fleiri ár hevur verið formaður í Havnar Róðrarfelag, sum er størsta felagið í landinum. Hví heldur tú, at áhugin er so stórur í ár? -Ivaleyst eru tað fleiri orsøkir til tað. Korona og óvissan um, um tað fór at bera til at fara av landinum at ferðast er ein partur av frágreiðingini. Ein annar er, at tað ikki eru Oyggja­ leikir í summar, og so spælir tað ivaleyst eisini inn, at eingir festivalar vera í juni og juli, sigur Bjarti Mohr. Hann vísir eisini á, at tað hevur stóran týdning, at tað er hugsað um at taka ímóti teim­ um, sum hava hug at royna at rógva: -Kappróðurin er í kapping við so nógv annað, sum børn og ungdómar kunnu fáast við. Tey velja og vraka. Hølini hjá okkum eru slitin, tí har er nógv ferðsla, men tað hevur týdning, at bátarnir eru nýggir og góðir, at tað eru umstøður at venja í maskinum og við amboðum, at vit hava fingið hita í gólvið og so víðari. Her yður við lívi. Umframt rógvararnar eru tað nógv onnur, sum venja her – ymsar tíðir á degnum – so her kennist vera rættligt venjingarumhvørvið, sigur Bjarti Mohr. Í Havnar Róðrarfelag flotaðu tey fyri nøkrum vikum síðani nýtt 5-mannafar – Títling – sum Sámal Hansen hevur smíðað. Hesin báturin er serliga ætlaður til barnaróðurin. -Vit eru fegin um, at 8-manna­ farið Ørvur er mannað og fer at kappast í summar. Talan er um rættiliga nýggjan bát, sum tað enn ikki hevur eydnast at manna, greiðir Bjarti Mohr frá. Hann fegnast um áhugan fyri kappróðri, sum tykist vera vaksandi, men hann heldur, at gongdin í 1990unum er ein av orsøkunum til, at tað ikki eru uppaftur fleiri, sum taka lut: -Tá ið kreppan var í 1990­ unum fluttu netto 5000 fólk úr Føroyum. Tað vil siga, at tað fluttu 7500 og 2500 fluttu heimaftur. Tað sæst aftur í, at tað í aldusbólkinum millum 15 og 30 ár eru 3000 færri nú, enn tað vóru í 1990. Ætla sær nýggjan Argjabát Á Argjum er luttøkan umleið, sum hon plagar at vera. 8-manna­ farið Argjabáturin er flaggskipið, meðan 10-mannafarið Drekin Reyði stendur í neystinum, tí tað eydnaðist ikki at manna hann í ár. -Vit vóna, at tað næsta ár fer at eydnast at manna 10-manna­farið. Áhugin fyri 8-manna­farinum hevur altíð verið stórur, og soleiðis er tað framvegis. Vit hava bílagt eitt nýtt 8-mannafar, sum vit fáa undan 2021 kappingarárinum. Tað sigur Jákup Joensen, sum síðani 2016 hevur verið for­ maður í Argja Róðrarfelag. -Gamlir og roynir rógvarar vegleiða børnunum og teimum ungu. Tað er styrki hjá felag, tá ið ikki øll tey, sum hava verið aktiv, sleppa endanum, men halda fram. Umleið helmingurin av 200 RÓGVA KAPP Í Áhugin millum tey ungu er vaksandi, og á Argjum fyrireika tey seg at fáa nýggjan Argjabát samstundis sum tey harmast um, at tey í ár ikki bjóða Havnarbátinum og Orminum Langa av