hósdagur 4. juni 2020síða 38

FRÍGGJADAGUR 5. JUNI 2020 SOSIALURIN 44 10 Kappróður H vør vann henda róð­ ur­in, og hvussu ofta hevur hasin báturin vunnið eitt nú á norðoyastevnu. Hetta eru dømi upp á spurningar, sum tað síðstu tíðina hevur verið neyðugt at grava djúpt og leingi fyri at finna svarini á. Síðani heimasíðan drekin.fo og seinni stavnur.fo myndaliga talað løgdu árarnar inn, hevur tað verið ógvuliga torført hjá miðlun­um og øllum øðrum, sum hava áhuga fyri kappróðri at finna fram til og brúka kapp­ róðrarhagtøl. Róðrarsambandið hevur havt úrslitini í róðrunum síðani 2017 á heimasíðuni rsf.fo, men nú er steindeytt. Eingi hagtøl eru at síggja. Forkvinnan í Róðrar­sam­ bandinum, Annika Dalsgarð, sigur, at nú fer aftur at vera møgu­leiki fyri at síggja róðrar­ hagtøl. -Vit hava arbeitt við hes­um, og nú verður tað. Vit vóna, at úrslitaparturin verð­ur tøkur á heimasíðuna norð­oya­stevnu­ aftan, tá ið ársins fyrsti FM kappróður verður. Tá fer at bera til at leita upp á ymsar mátar. Eitt nú eftir vinnarum og tíðum á ymsu stevnunum og yvirlitum yvir FM vinnarar og so víðari. FM kappingar í 57 ár Tað var partur av gerandis­deg­ num hjá føroyingum at kapp­ rógva. Skipaður kappróður hevur verið á ólavsøku í meiri enn hundrað ár, og síðani fyrstu norð­oyastevnuna, sum var í 1936, hevur kappróður verið partur av stevnuskránni. Í fimmti árunum varð farið alt meiri til at kapprógva í bátum, sum serliga vórðu smíð­ aðir til hetta endamálið, og í 1964 var fyrsti FM kapp­róð­ urin. Frá 1964 og fram til 1972 var serligur kappróður ein sunnudag eftir ólavsøku. Vinn­ arin av tí róðrinum var føroya­ meistari. Tá varð kappast í 5-mannaførum við gentum og dreingjum, 8-mannaførum og 10-mannaførum. Undirtøkan var so sum so, og í 1973 varð lagt um til ta skipan­ina, sum síðani hevur verið. At tað verður kappast á stevn­um kring landið, og tann báturin, sum hevur flest stig, tá ið ólavsøkuróðurin er av, er føroya­meistari. Í blaðnum í dag er yvirlit yvir allar FM vinnararnar síðani 1964. Yvirlitið er grundað á bókina ÍSF 50 ár og á Sosialin og í onkrum førum Dimmalætting og Dagblaðið. RSF 40 ár Tey fyrstu árini var tað ÍSF, sum tók sær av at skipa fyri FM kapp­ róðrinum saman við lokalu fyri­ reikarunum. Í 1980 varð Róðrarsamband Føroya stovnað. Tað tók tá við ábyrgd­ini, sum róðrardeildin hjá ÍSF hevði havt. Í fyrstu nevndini í Róðrar­ sam­bandi Føroya vóru Ísak Mikla­dal, formaður, Bjarni Berg, næst­for­maður, Dánjal Joensen, skrivari, og Piddi Lamhauge, eyka­maður. Í nevndini fyri RSF eru nú Annika Dalsgarð, for­kvin­na, Elsa Magnussen, næst­for­ kvinna, Rúni Joensen, nevnd­ar­ limur, Irena Nolsøe, skrivari, og Hallgrím Hansen, kapp­ingar­ leiðari. Í góðveðrinum mikukvøldið vóru umboð fyri nevndina í RSF í Klaksvík og fundaðust við nevndina fyri Klaksvíkar Róðr­ ar­felag. Umstøðurnar at rógva kapp eru góðar. Hvussu tað verður við veðri­ num er ein onnur søga, sum tað einki fæst gjørt við uttan at lesa forsøgnirnar og so bíða eftir, hvussu tað fer at taka seg upp. Nú vera hagtølini aftur at síggja Forkvinnan í RSF sigur, at úrslitatænastan hjá Róðrarsambandinum verður almenn undan róðrinum á norðoyastevnu