hósdagur 4. juni 2020síða 37

FRÍGGJADAGUR 5. JUNI 2020 SOSIALURIN 44 9 lut­takaratalinum, so tykist tað sum um, at kappróðurin nú í nógv størri mun snýr seg um kapp­ingina millum børn og tannáringar. -Barnaróðurin er vorðin eitt plettskot, og tað smittar aftur av á tann hátt, at tað eru fleiri manningar, sum taka lut í kapp­ingini millum 5-mannafør við gentum og hjá okkum her norðuri serliga dreingjum. Í ár hava vit tríggjar manningar, sum luttaka í dreingjaróðrinum. Tað er fyrstu ferð í søgu felagsins at tríggjar dreingjamanningar umboða Klaksvíkar Róðrarfelag. – Vit plaga at luttaka við einari manning - okkurt hendinga ár við tveimum. So her er okkurt við at broytast. At ung leggjast aftrat hevur sjálvandi sera stóran týdning fyri felagið. Tey ungu eru ein av hornasteinunum í felagnum, og vit merkja væl, at tað er lívligt kring felagið, tá ið tey eru við. Ein tilgongd av ungum rógvarum skapar eisini grundarlag fyri at manna størru bátastøddirnar í framtíðini. Tað vóna vit í øllum førum. Klaksvíkar Róðrarfelag hev­ ur hildið til á Biskupstøð í 40 ár. Klaksvíkar Kommuna eigur neystið á Biskupstøð, og fyri nøkrum árum síðani fekk róðr­ ar­felagið at vita, at kom­mun­an skuldi brúka økið á Biskupstøð til annað virksemi. Ætlanin er, at Klaksvíkar Róðrarfelag skal flyta í nýtt neyst um ikki so langa tíð. Men meðan tað verður bíðað eftir tí, heldur virksemið á Biskupstøð fram. -Vit royna at skipa so fyri, at rógvararnir kenna hetta sum teirra felagshús. Hóast neystið á Biskupstøð er gamalt og slitið, so trívast rógvararnir sera væl í neysti­num. Tað er opið at koma og fara, og vit plaga at taka til, at tann síðsti læsir. Tað skal vera læst um náttina. Hvussu gongur við at fáa fólk at hjálpa til? - Magnus Norðberg, sum hevur nógvar royndir í kapp­ róðri, er høvuðsvenjari. Hann leggur venjingarnar til rættis og hevur manningarnar um hendi. Í barna­róðrinum er tað eitt krav, at tann, sum stýrir skal vera yvir 18 ár. Tað er altíð ein avbjóðing at fáa fólk at stýra kappróðrarbáti, men tíbetur eru tað eldsálir her norðuri sum hjálpa væl til - hesi eru gull verd. Tað er eitt stórt tiltak, sum vit skipa fyri um árið. Tað er kappróðurin á Norðoyastevnu. Hendan dagin munnu tað verða eini 50 fólk og fleiri fyritøkur sum taka eina hond í við ymiskum upp­gávum. Tað eru vit ófatiliga takk­som fyri. Felagið hevur góðan fíggjarligan stuðul í Norð­oya Sparikassa, sum er okkara høvuðsstuðul. Men tá ið tøk skulu takast, eitt nú at fáa nýggjan bát, so mugu vit fáa annan stuðul við. Sum heild vísa fyritøkurnar her norðuri okkum stóra vælvild, og tað hevur so ómetaliga nógv at siga fyri okkum, greiðir forkvinnan frá. Nýtt 5-mannafar Tað eru alsamt fleiri ung sum vísa áhuga fyri kappróðri, og tí verður eitt nýtt 5-mannafar smíðað til felagið í løtuni. RSF broytti lógina um aldurs­ mark í kappróðri í fjør, so nú ber til at rógva kapp longu sum 11 ár. Ein skilagóð avgerð, tá tað ræður um tilgongd av ungum rógvarum. Men hetta merkir eisini, at 5-mannaførini er tann bátastøddin, sum verður nógv mest brúkt, og bátarnir slítast eisini mest. Í fjør varð ein nýggj Fípa Fagra smíðað til felagið, og í ár kemur so næsta 5-mannafarið til felag­ið. At hava góð 5-mannafør til ungu rógvararnar hevur nógv at siga. Tað er kostnaðarmikið at út­ vega nýggjan kappróðrarbát. Christian í Grótinum, JFK og Norð­oya Sparikassi hava rindað nýggja bátin. Harumframt hevur felagið fingið stuðul frá Róðrar­grunninum. Nýggja 5-mannafarið verður tann níggjundi báturin í flota­ num hjá KRF. Sámal Hansen hevur smíðað teir allar, uttan Snípuna, sum Niclas í Koltri smíðaði fyri 40 árum síðani. Snípan verður ikki brúkt longur. SÆVARMOY Nýggja 5-mannafarið hjá KRF fer at eita SÆVARMOY. Í vár heitti nevndin í Klaks­ víkar Róðrarfelag á Per Jacob­sen í Klaksvík um at finna eitt hóski­ ligt navn til nýggja 5-manna­ farið. Per kom við trim­um góðum uppskotum. Eitt av teimum var serstaka navnið SÆVARMOY. Grundgevingin at velja SÆVARMOY er henda: Fleiri nøvn á bátum hjá Klaksvíkar Róðrarfelag eru at finna millum føroyskan skald­ skap av manna munni – kvæði og sagnir, sum eru kvøðin og fortald manna millum. SÆVARMOY er úr kvæðamáli, og merkir havfrúgv (sævar > hav) og (moy > frúgv). Í “Høgna tátti”, sum er triði tátt­ur av Sjúrðarkvæðunum, eru bæði sævarkvinna (havfrúgv) og sævarmaður (havmaður). SÆVARMOY er samanrenning av hesum forskoytinum, og so orðinum “Sjóvarmoy”, sum er at finna í ævintýrakendu yrk­ ingini eftir fugloyinginum S.M. Zachariassen - yrkt í 1894. Í Klaksvík eitur ein gøta við sjóvar­málan Sævargøta, og Hanus G. Johansen syngur eina vakra yrking eftir Poul F. sum eitur SÆVARMOY. Enn er SÆVARMOY ikki kom­ in til Klaksvíkar, men tað verður roknað við, at báturin verður flotaður í summar. Kappróður NEVNDIN Í KLAKSVÍKAR RÓÐRARFELAG ER: Sonja Kjølbro, forkvinna Per Venned, næstformaður Elsa Maria í Beiti, kassameistari Magnus Norðberg, skrivari Jan Venned, nevndarlimur Torfinn Viðoy, varalimur Jóhan Mikkjalsson, varalimur