hósdagur 4. juni 2020síða 42

FRÍGGJADAGUR 5. JUNI 2020 SOSIALURIN 44 14 Kappróður K oronatíðirnar seta sín­ ar avmarkingar – eisi­ ni í kappróðrinum. Men tað er eisi­ ni, tá ið tíðirnar eru trongar og óvan­ligar, at hugflogið av álvara vísir seg. Klaksvíkar Róðrarfelag hevur boðað frá – í samráð við landsins myndugleikar og Klaksvíkar kommunu – at tey mæla fólki frá at savnast á havnarlagnum vestaru megin, tá ið kappróðurin verður. Tað er har, at kapp­róðrar­ bátarnir verða settir, tá ið teir leygardagin koma til Klaksvíkar. Tað er har, teir verða flotaðir, og tað er har áskoðararnir plaga at standa og fylgja við, og tað er har enda­málið er. Endamálið er á sama stað, sum tað plagar at vera, bátarnir fara at standa á sama stað, sum teir plaga at standa, teir fara at verða flotaðir á sama stað, sum teir plaga at verða flotaðir, og teir verða drignir aftur í sama stað, sum teir plaga at verða drignir. Hetta er alt, sum tað plagar at vera. Men Klaksvíkar Róðrar­ felag boðar frá, at tað verður mælt áskoðarunum frá at koma á róðrarøkið, og at heiðursmerkja- og steypahandan verður ikki skipað soleiðis, sum tað plagar at vera. Áskoðaragjaldið er vanliga ein ikki so lítil partur av inn­tøku­ grundarlagnum hjá Klaksvíkar Róðrarfelag. Soleiðis verður tað ikki í ár, tí tað verður ikki skipað fyri innkrevjing. Tað verður ókeypis at hyggja, og tað ber væl til at fylgja við. Hóast tað ikki ber til at fara á vanliga staðið á vestara havnarlag í Klaksvík at hyggja, so eru møguleikarnir nógvir at fylgja við. Á hjáløgdu mynd vísa klaks­ vík­ingar á, hvar tað ber til at fylgja við í tí, sum gongur fyri seg á vánni. Tað ber eisini til at sita fyri vindeygunum í øllum hús­unum, sum bæði eystanfyri og vestanfyri hava so sera gott útsýni yvir vánna. Og so verður í vegleiðingini, sum er send út, lagt aftrat, at tað ber til at fylgja við í sjón­varpi­ num. Tað man vera ein møgu­ leiki, sum fleiri fara at taka av. Tí tað verður ikki boðað frá serliga góðum líkindum seinnapartin leygardagin. Meðan landið alt og Norð­ oyggjar og Klaksvík fyri hvítu­ sunnu, um høgtina og eisini í hesi vikuni hevur verið sign­ að við fínum veðri og góðum róðrarlíkindum, so siga veður­ ván­ir­nar, at tað nú verður høg­ætt við fitt av vindi. Tað ber kulda við sær norðanfyri, og møguleiki er fyri, at høgu fjøllini kring Klaksvík – í Kynoy og Borðoy – leygardagin fara at vera hvít. Klaksvíkar Róðrarfelag sigur, at tað er møguleiki at stuðla felag­num við at flyta eina upp­ hædd – kanska at­gongu­gjaldið ella meiri enn tað – á kontu hjá felagnum. Góðir at skipa fyri Veður og vind ber tað ikki til at gera nakað við. Men tær fyri­ reikingar, sum skulu gerast, eru í góðum hondum norðuri í Klaks­vík. Luturin hjá Róðrar­sam­ bandinum er at góðkenna róðr­ar­økið og at halda skil á sjálv­um róðrinum. Kommunan spæl­ir við, tá ið tað ræður um am­boð og tilfar, og tað gera vinnu­fyritøkurnar í býnum so sanniliga eisini. Eyðkent fyri alt hetta er, at tað eru fólk, ið ár um ár og hjá summum í heilt nógv ár, sum leggja til rættis og skipa fyri. ÁSKOÐARARNIR SKULU HALDA SEG BURTUR Hóast tað verður mælt frá at møta á vanliga áskoðaraøkinum, so eru nógvir møguleikar at fylgja við kappróðrinum í Klaksvík