hósdagur 4. juni 2020síða 48

FRÍGGJADAGUR 5. JUNI 2020 SOSIALURIN 44 20 Kappróður VILMUND JACOBSEN F ormaður í Froðbiar sókn­ar Róðrarfelag er Linn M. Augustinussen. Hann kom í nevnd felag­ sins í 2015 og hevur nú sitið sum formaður í stívliga eitt ár. Hann sigur, at tað er stórur akti­vi­tetur í felagnum við stórari tilgongd av bæði børnum og til­komnum fólki, sum hava róð áður. - Taka vit børnini fyrst, fara vit á norðoyastevnu við 5-manna­farinum Firvaldi, mann­aður við gentum. Síðan hava vit tvær gentumanningar við í barnaróðri - onnur umborð á Firðildi og hin umborð á Huldu, og vit hava eisini eina barna­ manning við dreingjum. Hetta er fyrsta árið, sigur for­ maðurin, at genturnar á Firðildi og Huldu, sum manna hesar bátar í ár, fara at rógva barna­ róður. Nýggjur Firvaldur Linn M. Augustinussen vísir á, at Froðbiar sóknar Róðrarfelag fyri fáum vikum síðan flotaði ein nýggjan og snøggan Firvald, sum Sámal Hansen hevur smíðað. Hann sigur, at hetta er annað árið, at somu gentur manna Fir­ vald sum gentumanning, og frammanundan hava tær eisini róð saman í tvey ár í barnaróðri. - Í fjør endaðu tær á einum flottum 3. plássi í FM-róðrinum. Nú eru vit spent eftir at síggja, hvussu kappróðrarárið í ár fer at roynast hjá gentunum. Formaðurin heldur tað vera umráðandi, at hildið verður fram við barnaróðri - í øllum førum í nøkur ár aftrat. - Tvær ungar dreingja­mann­ ing­ar venja eisini í 5-manna­fari­ num Tistli. Ungu dreingirnir eru ikki klárir at fara til FM-róður enn, men vit vóna, at teir fara at luttaka seinni í ár. Tað er eisini vónin hjá Froð­ biar sóknar Róðrarfelag, at ein gentumanning kemur at rógva við Huldu seinni í róðrarárinum. Tilkomnir rógvarar Linn M. Augustinussen sigur, at tað gleðiliga eisini er hent í ár, at fleiri tilkomnir rógvarar hava vent aftur til felagið í ár. - Hetta eru fólk, sum hava róð áður - fólk, sum kanska eru millum 20 og 45 ára aldur. Menninir hava róð í Tvørá­ bátinum eina ferð um vikuna í eina tíð og kvinnunar, sum rógva í Tistli, hava higartil verið eina­ferð í bátinum. Formaðurin í Froðbiar sóknar Róðrarfelag sigur, at tað er ikki vist, at menn og kvinnur endi­ liga fara at luttaka í elitu-rógv­ ing í ár, tí í fyrsta lagi er hetta fyri at vera í gongd og hava tað stuttligt. - Men, líka mikið, hvussu verður, er tað stuttligt, at bæði børn, ung og tilkomin trívast og hava hug at vera virkin í felagnum, sigur hann. Venja eisini inni Umstøðurnar hjá Froðbiar sókn­ ar Róðrarfelag eru ikki serliga góðar í løtuni, tá ræður um at hava bátarnar undir taki. - Her eru shippingfeløg, sum hava víst felagnum vælvild, so­leiðis at bátarnir kunnu standa í bingjum við bátahylin í Trongisvági. Linn M. Augustinussen sigur, at kappróðrarbátarnir kunnu ikki standa inni í neystinum í løtuni, men í ovaru hæddini í neysti­num er maskinur til innan­duravenjing, sum róðr­ar­ fólk brúka. - Vit eru sera fegin um ta góðu til­gongd sum er av rógvarum í felagnum í løtuni, og vit síggja ljóst upp á framtíðina hjá Froð­ biar sóknar Róðrarfelag, leggur hann aftrat. GÓÐ TILGONGD AV BÆÐI BØRNUM OG VAKSNUM - Vit eru sera fegin um ta góðu tilgongd sum er av rógvarum í felagnum í løtuni, og vit síggja ljóst upp á framtíðina, sigur formaðurin í Froðbiar sóknar Róðrarfelag - Tað stuttligt, at bæði børn, ung og tilkomin trívast og hava hug at vera virkin í felagnum, sigur formaðurin í Froðbiar sóknar Róðrarfelag, Linn M. Augustinussen Í fjør endaði gentumanningin á Firvaldi á einum flottum triðja plássi í FM-róðrinum. Tað er vónin hjá Froðbiar sóknar Róðrarfelag, at ein gentumanning eisini kemur at rógva við Huldu seinni í róðrarárinum