hósdagur 4. juni 2020síða 52

FRÍGGJADAGUR 5. JUNI 2020 SOSIALURIN 44 24 Kappróður VILMUND JACOBSEN E va Vilhelm er forkvinna í Hós­víkar Róðrarfelag. Hon er ættað úr Froðba, men býr í Hósvík. Í Hósvíkar Róðrarfelag hava tey eina barnamanning umborð á 5-mannafarinum, Falkinum. Tað eru dreingir sum rógva, men eingin barnamanning er við gentum í ár. - Gentumanningin á 5-manna­ farinum Falkinum eru ung. Her eru fleiri, sum enn hava aldur til barnaróður, meðan aðrar eru vorðnar ov gamlar. So, tað verður spennandi, hvussu tað fer at gangast hesi manning, nú hon fyrstu ferð luttekur í FM- kapping í ár. Óførir við Heyki Eva Vilhelm vísir á, at dreingja­ manningin umborð á 5-manna­ farinum Heyki kappaðist ímóti Royndini Fríðu úr Vági í fjør, og her var um reppið, at teir endaðu sum FM-vinnarar. - Tað stóð á jøvnum í stigum millum bátarnar undan ólav­ søkuni, sum soleiðis gjørdist av­gera­ndi. Á ólavsøku eydnaðist tað akkurát ikki. Royndin Fríða fór fyrst um málstrikuna við einari knappari rong á muni. Men, okkara dreingir við Heyki fingu kortini eitt fantastiska gott kappingarár. Formaðurin í Hósvíkar Róðrar­felag vísir á, at dreingja­ mann­ingin á Heyki ætlaði annars ikki at luttaka í FM- kapp­ingini í fjør, tí teir vóru júst fluttir upp úr barnaróðrinum, har teir høvdu róð saman í nøkur ár. - Men, teir fóru so á norð­ oyastevnu at royna seg - og vunnu róðurin. Hetta gav teim­ um blóð á tonna. Teir vóru so við alt kappingarárið og endaðu á einum flottum øðrum plássi, beint aftan fyri Royndina Fríðu. Eva Vilhelm sigur, at dreingirnir umborð á Heyki eru júst teir somu sum í fjør, og tí verður ógvuliga spennandi at fylgja við, hvussu tað fer at gangast teimum. Tvær kvinnumanningar Í ár hevur Hósvíkar Róðr­ar­felag eisini teknað tvær kvinnu­mann­ ingar við til FM-róðurin. - Onnur manningin rør við Falki og hin við Heyki. Í fjør høvdu vit onga kvinnumanning. Tær, sum rógva í ár, eru í flestu før­um royndir rógvarar. Forkvinnan í Hósvíkar Róðrarfelag vísir á, at kvinnu­ manningarnar umborð á Falki og Heyki eru rímiliga væl bland­ aðar í mun til royndir, men kvinn­ur­nar á Falki eru í miðal eitt sindur yngri enn kvinnurnar á Heyki. 6-mannafarið Hósvíkingur er eisini tilmeldaður FM- kappingina í ár, men bátur fer ikki at rógva á norðoyastevnu. - Tað eru serliga royndir menn úr Havn, sum manna bátin, ið rør fyri felagið hjá okkum, og sum eg havi skilt, ætla teir at luttaka á onkrum stevnum í summar, sigur Eva Vilhelm. Hon er væl nøgd Forkvinnan í Hósvíkar Róðrar­ felag er væl nøgd við ta undir­ tøku, sum kappróðurin hevur í løtuni. - Jú, eg eri væl nøgd, og hetta er stuttligt. Fyri fáum árum síðan høvdu vit fyrst tríggjar ella fýra manningar, og nú hava vit fleiri. Vit eru ógvuliga spent til norðoyastevnu. Eva Vilhelm heldur, at hetta kapp­róðrarárið verður eitt sindur serstakt á tann hátt, at flest allar manningar eru byrjaðar at rógva í senn, nú Før­oyar hava verið raktar av korona. - Tað er trupult at meta um, hvat hetta merkir. Hinvegin hava rógvarar vant fyri seg sjálv­ar, og vit hava eitt nú deilt rógvi­maskinur út til okkara lut­takarar, umframt at summi sjálvi eiga rógvimaskinur. Hon vísir á, at Hósvíkar Róðrar­felag eigur sjey rógvi­ maskinur, og tá kanska eini 2-4 børn, sum rógva, eru í onkrum húsi, kunnu fleiri gera brúk av hesum maskinum. - Her hjá okkum í Hósvík vóru børn og ung ógvuliga spent til at sleppa í gongd aftur, tá tilmælini komu um, at nú kundu venj­ ingarnar í bátinum takast upp­ aftur við neyðugum atliti og fyri­varni. Tey hava eisini verið ófør at vant, síðan møguleikin beyðst aftur, leggur forkvinnan í Hósvíkar Róðrarfelag, Eva Vilhelm, aftrat. DREINGIRNIR UMBORÐ HEYKI GJØRDU EIN ORDILIGAN VØRR - Eg eri væl nøgd, og hetta er stuttligt. Fyri fáum árum síðan høvdu vit fyrst tríggjar ella fýra manningar, og nú hava vit fleiri. Vit eru ógvuliga spent til norðoyastevnu, sigur forkvinnan í Hósvíkar Róðrarfelag, Eva Vilhelm