hósdagur 11. juni 2020síða 28

FRÍGGJADAGUR 12. JUNI 2020 SOSIALURIN 46 28 TRÓNDUR ARGE F lytingarvindeygað let­ ur í næstum og tað merk­ir leysasøgurnar kring fótbóltsføroyar. Ken Fager­berg og TB eru farin hvør til sítt, HB kann fáa spælara­loyvið hjá týska hjálparvenjaranum, fyrrverandi Bundes­liga­spælaranum, Kevin Schindler. Heini Vatnsdal til KÍ, finskur áleypari til TB og gamlir kenn­ ingar aftur í AB. Tað eru nakrar av leysasøgunum. Í hesi greinini hyggja spyrja vit feløgini, um tey hava ætlan um at styrkja um hópin, og hyggja nærri at leysa­ søgunum. AB: Á Argjum er ikki kreppu­stem­ ningur, hóast liðið bara hevur fingið tvey stig. Símun Samuel­ sen, venjari, sigur við Sosialin, at felagið ikki ætlar at gera stórar broytingar. -Vit ætla ikki at gera nakað stórt, men ein belgiskur spælari kemur í dag at royndarvenja. Hann skal so testast fyri korona og alt tað, áðrenn vit kunnu síggja um hann er góður nokk. Hann er verjukendur miðvallari, sigur Símun Samuelsen. AB hevur longu Eli S. Christians­son aftur í hópinum. Hann spældi á miðjuni í fjør, men er farin til Danmarkar at lesa. Hann verður heima í summar­steðginum. Hartil ljóð­ ar, at spælarar sum Karstin Høj­gaard, Beinir Ellefsen og Hørður M. Mohr taka ein tør á næstbesta liðnum í summar, so er spurningurin um tað gevur nakað avkast til besta liðið. -Vit eru nøgdir við hópin, men kemur rætti spælarin, so hyggja vit sjálvandi upp á tað, sigur Símun Samuelsen. B36: Árstalsfelagið fór um ætlaðu lønarætlanina, tá bæði Sonni Ragnar Nattestad og Meinhard E. Olsen komu afturat stutt fyri kappingarbyrjan. B36 hevur fólk á øllum plássum, men nógvir skað­ar hava gjørt at hópurin ikki kemur til sín rætt. B36 valdi at leiga Bjarna Peter­ sen út til EB/Streym, tá Sonni Ragnar Nattestad skrivaði undir. Hann verður aftur at síggja í B36, nú flytingarvindeygað letur upp. B36 hevur havt fleiri skaðar í miðverjuni. Ætlanin hjá Sonna Ragnar Natte­stad er at koma til útlandi aftur, men tað merkist at tað er langtsíðani, at miðvingurin hevur spælt regluligan fótbólt. Av­rikini eru misjøvn og í farna um­fari mátti hann lata seg skifta út við skaða. Tað kundi bent á, at hann spælir í hvørtfall hetta kappingarárið liðugt við B36, áðrenn hann kann hugsa um útlandið. Tað kemur illa við, at Símun Rógvi Hansen blívur við at fáa skaðar. Hann er stinnur málverji og avloysarnir eru ungir. EB/Streymur: Sundalagsmenn standa til at missa Bjarna Petersen aftur til B36, men fáa Gest Bogason Dam aftur­at í hópin. Hann spældi við EB/Streymi, áðrenn hann fór til Danmarkar í august fjør. EB/Streymur hevur ikki tær stóru fíggjarligu orkuna, og tí er ósannlíkt at talan verður um nakar stóra spælaraflyting. Tað ljóðar, at tað hevur verið eitt sindur rokaligt í hópinum hjá EB/Streymi eftir sigurin á Skála og allir spælarar ikki møttu til venjing mánadagin. Sum skilst, so er hetta komið í rætt­lag aftur og hópurin er in­ takt­ur. Heildin er størsta styrkin hjá EB/Streymi, sum bara hevur latið níggju mál inn í seks teim­ um fyrstu umførunum. Tað er minni enn hini botn-fimm feløg­ ini og B36. HB: HB leitar eftir styrki í Danmark. Sum skilst, so er talan um ein ella í mesta lagi tveir spælarar, sum skulu styrkja um framrættaða partin av spælinum. HB er í tí serligu støðu, at felagið hevur ein avbera góðan hóp, men at fimm spælarar, sum allir kunnu gera góðan mun, eru lang­tíðar­ skaddir. Talan er um Trónd Jensen, Hørð Askham, Teit Jacobsen, Jákup L. Thomsen og nú Adrian Justinus­sen, sum væntandi ikki verður á liðnum fyrr enn um 10 til 12 vikur. HB hevur danskan venjara í Jens Berthel Askou og tí er sann­líkt, at HB leitar í Danmark eftir spælarum. HB hevur longu tríggjar danskarar spælarar. ÍF: Í Fuglafirði fegnast tey um góðu gongdina hjá ÍF, sum nú hevur fingið nýggju stig og hevur slitið seg leyst av niður­flyt­ingar­ stríðnum. Tað verður ikki nøkur stór tilgongd í summar, men arbeitt verður við at fáa ein til tveir spælarar inn. -Vit royna at styrkja okkum, tað skal ikki verða nøkur loyna. Tað er serliga verjuparturin, sum er eitt sindur skirvisligur, og so okkurt til álopspartin ella vong­ in. Her er ætlanin at fáa fatur á onkrum við nógvari ferð. Tað er ein hóttin, sum vit mangla í hópinum í løtuni, men talan verður ikki um luksusspælarar. Vit leita í útikantinum av Betri hópum og toppinum av 1.deild, sigur Ólavur Larsen, sum saman við Hans Jørgeni Djurhuus, stendur á odda fyri ÍF. KÍ: Heini Vatnsdal verður helst at síggja í KÍ, tá hann í summar kemur aftur til føroyskan fót­ bólt. Sum skilst, so er avtala upp á pláss við KÍ, men enn vantar at fáa avgreitt viðurskiftini við Fremad Amager. - Sum nú er havi eg sáttmála til summar 2021 við Fremad Amager, men støðan er tann, at daman hevur fingið arbeiđi frá september. Tískil flyta hon og sonurin heim. Tí er tað ikki óhugsandi at eg fylgi við, men nær er enn óvist, segði Heini Vatns­dal síðst í farna mánað við in.fo. Sum skilst, so hava KÍ og NSÍ lagt nógv fyri at fáa lands­liðs­ spælaran, sum annars hevur eina fortíð í HB og FC Suðuroy. Bæði KÍ og NSÍ hava ávísar av­ bjóð­ingar á miðvøllinum, sum Heini Vatnsdal kann loysa. KÍ hevur spælt við millum annað Deni Pavlovic á mið­vølli­ num, meðan Mikkjal Thomas­sen, venjari hjá KÍ, ikki hevur verið so væl nøgdur við okkurt avrik hjá Alessio Hyseni, sum tó er nýggjur í KÍ og føroyskum fót­bólti. Fyri kortum skrivaði In.fo um Chidiebere Nwakali, ið var til royndarvenjing hjá KÍ í Klaks­ vík. Talan er um spælara, sum fyri kortum hevur gjørt um seg í norskum fótbólti, men hann er nú sendur heim, tí hann als ikki var í formi til at spæla fótbólt. - Hann kann verða tann besti í Føroyum, um hann er motiver­ aður, segði Henrik Malde Brei­ myr, sum spældi saman við Chidie­bere Nwakali í Start í 2016. - Eg spældi móti honum tvær ferðir í 2017. Hann var klasse. Góðan teknikk, rennisterkur og hevur eitt gott skot, segði Gilli Rólants­son, ið spælir við Brann Bergen. Tað er tí ikki undarligt, at KÍ hevur givið miðvallaranum úr Nigeria ein møguleika, nú hann er uttan felag. Liðið stríðist við at fáa miðvøllin at rigga, men tað verður ikki við Chidiebere Nwakali. Hann er farin av landi­ num aftur. KÍ gjørdi eisini sáttmála við nigerianska Abubakar Ibrahim Aliyu, sum kemur úr HamKam í Norra, men eitt nú pappírarbeiði og flúgvi-umstøðurnar í koronatíðini hava gjørt, at hann ikki er komin fram enn. NSÍ: Sambært keldum hjá Sosiali­ num, so hevur NSÍ verið eitt av feløg­unum, sum hevur víst Heina Vatnsdal stóran áhuga. NSÍ er í ár uttan Pól Jóhannus Justinussen og Peder Nersveen, ið báðir vóru kraftmiklir spæl­ ar­ar á miðvøllinum. Í ár hevur mið­vøllurin verið mannaður av yngri og lættari spælarum, sum eisini hava gjørt tað væl, men helst hevði ein Heini Vatnsdal gjørt góðan mun. -Tað kann ymiskt henda hesa tíðina á árinum, bæði til- og frá­ gongd, men at tosa um tað beint nú verður bara til gitingar, sigur Glenn Ståhl, venjari hjá NSÍ, tá hann verður spurdur um spælaraflytingar í summar. Skála: Skala er tað felagið við størst frá­gongd undan kapp­ingar­ byrjan, men enn bendir lítið á, at talan verður um tilgongd í summar. Felagið var hart rakt fíggjarliga og tað tók rúma tíð at fáa spælararnar at binda seg til hetta kappingarárið. Hartil hava skaðarnir hópað seg upp í hes­um tøttu fyrstu umførunum. Sein­astu tveir dystirnar eru bæði Hjalti Strømsten og Teitur R. Joensen blivnir skaddir. Ein møguleiki er at Petur Pauli Mikkelsen kemur aftur til felagið. Hann er sterkur mið­ verji, sum tað óiva hevði verið brúk fyri. Hann býr í løtuni niðri og verður møguliga við í summar, sigur Bill M. Jacobsen, venjari hjá Skála. Hóast Skála bara hevur fingið tað eina stigi, so er ongin ábending um at talan verður um styrk í summar, men Skála hevur fyrr leigað úr NSÍ. Har sita spælarar sum Haraldur Høj­ gaard og Jann Martin Morten­ sen á bonkinum. Teir hava báðir spælt við Skála fyrr. TB: Tað er líkt til, at tað verða nakrar broytingar í TB í summar. Mads Raben hevur ikki verið tann mál­revurin, sum tvey vónaðu í TB. Tað ljóðar, at hann ikki verður partur av hópinum í sein­ nu hálvu og at TB arbeiðir upp á at fáa styrk. -Ja, vit arbeiða upp á at fáa styrk, sigur Michael L. Winter, venjari hjá TB, við Sosialin. Tað ljóðar, at ein av spælar­ unum, sum TB vil hava er ein finskur áleypari við navninum Kalle Multanen. Hann er 31 ára gamal og hevur í fleiri um­ førum spælt við FC Haka í heim­ HB, KÍ, NSÍ, ÍF, TB og AB eru millum feløgini, sum eru úti um seg í hesum døgum, nú flytingarvindeygað letur upp 15. juni Flytingarvindeygað letur upp: FLEIRI FELØG FLEIRI FELØG LEITA LEITA EFTIR STYRKI EFTIR STYRKI