týsdagur 16. juni 2020síða 22

MIKUDAGUR 17. JUNI 2020 · NR. 47 Sosialurin 22 JÓANSØKA 2020 Tey, sum melda seg til, fáa seg ordiliga roynd í kapping, sum verður í Vági fríggjakvøldið Áki Bertholdsen Sum vanligt verður ítróttur ein høvuðstáttur á jóansøku og í ár fara tey at undir eitt nýtttiltak í so máta. Seinnapartin fríggjadagin verður nevniliga FM í ½ Ironman á jóansøku í Vági, og fyrirreikararnir siga, at hetta er samstundis fyrsta kappingin av hesum slagi í Føroyum. Tey, sum melda seg til, fáa seg ordiliga roynd, tí tey skulu svimja 1.900 metrar, síðani skulu tey súkkla 90 kilometrar og at enda skulu tey senna eitt hálvt maraton, ella 21,1 kilometur. Kappingarnar eru á alfara­ vegi, so vanligar ferðslureglur eru galdandi, men fólk fara at vera til staðar at hjálpa til, har tey vænta, at nógv ferðsla verður. Tað verður á plássinum við Torg­ið í Vági, at ítróttarfólkini skifta frá at súkkla til at renna, og har verður eisini málið. Kappingin byrjar klokkan 17. Fríggjadagin og trý tey fremstu, bæði hjá kvinnum og monn­um, fáa heiðursmerki. Leygarmorgunin verður lagt hart út tí longu klokkan 11 verða kappingar í sprint og mini-triatlon og beint eftir kapp­róðurin, ella klokkan 18 leygar­dagin, fara tey á sjógv við Páls­høll, har tey svimja einar 500 metrar út á fjørðin, áðrenn tey venda við aftur. Og í fótbóltinum verður høvuðs­dyst­urin klokkan 19. Leyg­ard­agin, tá ið FC Suðuroy og Royn spæla steypadyst. Men fríggjakvøldið klokk­an 20 verður ein annar for­vitnis­ ligur dystur á Eiðunum, tá ið gamlir spælarar úr TB og FC Suður­oy fara at spæla ímóti hvørj­um øðrum. Á Rock Trawldoors í Vági arbeiða teir við orkusparandi projekti til partrolaraflotan, og teir arbeiða eisini við fjarstýrdum lemmum til flótitrol Vilmund Jacobsen - Einki kemur av ongum, sigur stjórin í Rock Trawldoors, Hans í Líðini, samstundis sum hann ásann­ar, at øll nýmenning kost­ar pengar. Rock Trawldoors í Vági varð stovnað hin 4. oktober í 2004, og á virkinum hava teir gjørt lemmar, rulluvektir, alidregg og ym­iskt annað. Uppgávurnar aftrat høvuðsframleiðsluni hava verið ymiskar, og eitt nú hava teir eisini klætt lastir á last­bil­um við hardox-stáli. Rock Trawldoors eigur stór­ an vinnubygning, og fyritøkan eigur eisini lutfalsliga nýggj og stásilig skrivstovuhøli við høvuðs­vegin mitt í býnum í Vági. Á Rock Trawldoors gera teir trol­lemmar til trolarar kring megin­partin av knøttinum. Eitt tað nýggjasta hjá slóð­ brót­andi fyritøkuni í Vági er, at teir nú eisini gera lemmar til reiðarí á Falklandsoyggjunum. Hans í Líðini vísir á, at Grøn­land hevur fingið nógvar nýggjar trolarar seinastu árini, og flestu teirra eru kundar hjá Rock Trawldoors í Vági. - Onkrir av trolarunum hava bara rulluvektir frá okkum, og aðrir hava bæði lemmar og rullu­vektir. Stjórin sigur, at síðan Rock Trawldoors byrjaði sítt virk­semi í 2004, hava russar keypt nógv í Vági, og Ísland og Grønland eru eisini stórir mark­naðir hjá fyritøkuni. - Taka vit føroyska mark­nað­ in, hava allir teir smáu trol­bát­ ar­nir lemmar úr Vági og onnur størri skip, sum eisini eru kundar hjá felagnum, eru eitt nú Gadus, Akraberg, Enni­berg, Arctic Viking og djúp­vatns­ trolarin, Steintór. Fyri hálvum triðja ári síðan koyrdi Rock Trawldoors eitt spildur­nýtt modell av lemmum til flótitrol - nevndir Sea-Eagle - um­borð á uppsjóvarskipið Finn Fríða, og har hevur gingist sera væl. - Hetta hevði við sær, at grøn­lendsku skipini, Svend C og Tuugaliq, fingu sær lemmar av hesum slag, og eisini hjá teim­um hava lemmarnir roynst sera væl. Í fjør heyst fór so eisini eitt sett av hesum Sea-Eagle lemm­ un­um umborð á Norð­borg, og stjórin sigur, at teir higar­til bara hava fingið góðar aftur­ meldingar frá teimum. NÝGGJ KAPPING Í VÁGI – FYRI FYRSTU FERÐ Í FØROYUM Selja lemmar kring knøttin