týsdagur 23. juni 2020síða 4

Mikudagur 24. juni 2020 · Nr. 49 4 Sosialurin Hugskot og viðmerkingar – send sms til 225000 TÍÐINDI Tað er uttan lógarheimild, at tú verður kravdur eftir einari koronakanning, tá tú kemur til Føroya. Tað sigur Bjørn á Heygum, advokatur, sum sostatt tekur undir við Jógvani Páll Lassen, sum í farnu viku gjørdi greitt, at hann noktaði at lata seg kanna, fór hann at ferðast. Steinar Patursson Landsins myndugleikar hava ikki heimild til at krevja kor­ ona­kanning av øllum ferðandi, ið koma til Føroya. Tað sigur Bjørn á Heygum, advokatur, nú kravið um kor­ onakanning fer at umfata øll ferðandi til Føroya 27. juni. Hann tekur sostatt undir við Jógvani Páll Lassen, adv­ okati, sum farna fríggjadag gjørdi greitt, at heimildin at krevja koronakanningar var ikki til staðar, og at hann ætl­ aði ikki at lata seg kanna, fór hann at ferðast. Upprunaliga var ætlanin hjá landsstýrinum, at bert fólk bú­sitandi uttan fyri Føroyar skuldu lata seg kanna fyri kor­ ona­virus, tá tey komu inn í landið. Hevði tú bústað í Før­ oy­um, men hevði verið uttanlands og ferðast, slapst tú sostatt undan korona­kann­ ing. Tann ætlanin varð síðani broytt, og frá 27. juni skulu øll kannast, sama um tey búgva í Føroyum ella ei. Ætlar at marsjera beint ígjøgnum Í samrøðu við FM1 fríggjadagin gjørdi Jógvan Páll Lassen greitt, at hann hevði ikki í hyggj­uni at lata seg kanna, um hann ferðast um flogvøllin, tí hann metti ikki, at fyritøk­ur­ nar Amplexa og Thetis, sum eru settar at gera podingarnar á flogvøllinum, høvdu heimild til hetta. – Tað er eitt privat felag, sum tekur ímóti tær vesturi í Vágum, og so skalt tú avlevera títt spýtt til teir. So mást tú bara trúgva uppá, at teir duga at brúka tað og so framvegis. Men eg dugi ikki at síggja, at teir hava nakra sum helst heimild at krevja nakað sum helst í hesum sambandinum. Tí sambært epidemilógini kann ein lækni standa har, um tað er mistanki um eitt ella annað. Og ein lækni er ein, sum er undir almenna sjúkra­ hús­verkinum. Jógvan Páll Lassen gjørdi eisini greitt, at tú kanst bert krevja spýttroyndir, um talan er um møguligt brotsverk, ið hevur eina revsirammu á meira enn hálvtannað ár. – Og har er einki, ið kemur nær námind tí í hesum sam­ bandinum, segði Jógvan Páll Lassen, sum gjørdi greitt, at hann ætlaði sær at "marsjera" beint ígjøgnum á flogvøllinum. Týðiligt og klárt í lógini Løgfrøðiliga metingin hjá Jógv­ani Páll Lassen er púra bein, metir Bjørn á Heygum, tí EINGIN HEIMILD KORONAKANNI