hósdagur 25. juni 2020síða 20

FRÍGGJADAGUR 26. JUNI 2020 SOSIALURIN 50 20 TRÓNDUR ARGE Í føroyskum fótbólti spæla vit tríggjar ferðir móti hvørjum í einum kapp­ingar­ári. Nú er ein trið­ingur farin og øll liðini hava spælt eina ferð móti hvørjum. Tí seta vit nú ársins lið higartil. Tað eru altíð nógvar meiningar um hvør skal á liðið, og hvussu liðið skal veljast út. Hvussu nógv hava liðavrikini at siga, tá talan er um einstaklingar, ið skulu á liðið? Í ár er tað sermerkt, at NSÍ hev­ ur fýra umboð á liðnum, meðan oddaliðið HB bara hevur tveir. Í høvðusheitum verður hugt eftir persónligu avrikunum, men tað er ein fyrimunur um ein spælari hevur spælt nógv minuttir. Eitt nú er Adrian Justinussen úr HB ikki á liðnum, sjálvt um hann hevur skorað sjey mál og er deildur toppskjútti, men hann hevur bara spælt fýra av níggju dystum. Í øðrum førum kann tað verða, at kappingin um eitt ávíst pláss er harðari enn til okkurt annað pláss. Millum annað hev­ ur Teit M. Gestsson spælt væl í málinum hjá HB, men Tórður Thomsen hevur bara verið upp aftur betri í málinum hjá NSÍ. Fleiri feløg hava skift nógv út, tí tey hava ein stóran hóp, ella tí spælarar hava snuddir. Hetta kann eisini ávirka heildar­ metingina, sjálvt um spælarin ikki kann lastast fyri tað. Aftur­ gangandi fyri liðið hesa ferð, at spælararnir hava luttikið í næstan øllum umførunum og hava verið næstan allar minuttirnr á vøllinum. Málverji: Tórður Thomsen (NSÍ) Her stóð valið millum Tórð Thom­sen úr NSÍ og Teit M. Gests­son úr HB. Teir hava verið teir mest sannførandi mál­ verjarnir í hesum fyrsta trið­ inginum. Serliga Tórður Thom­ sen hevur útmerkað seg við einari stórbjarging fyri, og aðrari eftir. Hann er høvðusorsøkin til, at NSÍ bara hevur latið fýra mál inn. Eisini luttekur hann væl, tá NSÍ skal rudda vekk eftir inn­ legg. Teitur M. Gestsson hevur somu­leiðis staðið avbera væl fyri HB. Hann hevur ein serligan eginleika at standa á rætt stað til røttu tíð. Hartil er hann avbera sterkur í avspælinum, sum HB fær stóran gang av. Vektin á vágskálini var dyst­ urin mánakvøldið, tá Tórður Thomsen og NSÍ vunnu 2-0 á HB og Teiti M. Gestssyni. Av øðrum kunnu nevnast Milos Budakovic, sum hevur vart málið hjá ÍF væl, Meinhardt Joen­sen, sum í vikarleiklutinum í málinum hjá TB hevur verið stórspælandi. Høgri bakk: Jóannes K. Danielsen (KÍ) Klaksvíkingurin vinnur harða tvídystin við Bárð J. Hansen úr NSÍ. Jóannes K. Danielsen hevur spælt allar minuttirnar fyrsta triðingin og hevur skorað tvey mál. Bæði týdningarmikil mál í topp-fimm uppgerðum. Hann hevur verið tryggur í verjustøðu og luttekur væl í vælvirkandi upp­spælinum hjá KÍ. Harðasta kappingin kom úr NSÍ, har Bárður J. Hansen hevur verið stinnur á høgra vong­ verjanum. Hann hevur eisini skotið tvey mál. Millum annað móti HB mánakvøldið. Av øðrum kunnu nevnast Ari Olsen hjá Víkingi, sum eisini hevur verið málfarligur í álops­ spælinum, og Benjamin Heine­ sen, sum hevur verið av­bera framrættaður í sínum spæli í B36. Eisini er vert at nevna Sjúrður Paula Nielsen, sum er útleigaður úr NSÍ til ÍF. Hann er ein týðandi spælari hjá fugl­ firðingum. Miðverji: Oddur Højgaard (NSÍ) Hann trívist væl miðverjin í miðju­ni av trimum. Hann er stórur og sterkur, og tað kemur mangan til sjóndar, tá NSÍ er í verju­støðu. Hann vinnur eina ør­grynnu av luftdystum og fleiri ferðir hevur hann vunnið av­ gerandi tvídystin, tá NSÍ verður kroyst aftur í egnan brotssteig. Hann hevur saman við Jákupi Jakobsen bara spælt seks dystir, men báðir hava verið avbera stinnir í sínum avrikum. Oddur hevur verið partur av seinastu dystunum og sigur á HB telur upp. Miðverji: Odmar Færø (KÍ) Tað er hørð kapping um hitt pláss í miðverjuni. Valið fellur á Odmar Færø, sum hevur verið stinnur í mann til mann spæli­ num í verjuni hjá KÍ. Lands­ liðsspælarin kom aftur úr norskum fótbólti til hetta kapp­ ingarárið. Hann hevur verið eitt sindur óheppin í onkrari støðu, men tykist spæla betri fyri hvørt umfar. Fleiri aðrir miðverjar vóru eisini upp á tal. Liðfelagin, Jesper Brinck, hevur eisini verið stinnur, men avrikini hava verið meiri óstøðug. Rógvi E. Nielsen úr NSÍ hevur eisini verið stinnur. HB er oddalið, men hevur verið nógv útskifting í miðverjuni og tí blíva Bartal Wardum, Heðin Hansen og Delphine Tshiembe ov stuttir. Nógv hevur verið væntað av Sonna Ragnar Nattestad í B36, men hann tað sæst at hann hevur verið skaddur í longri tíð. Eisini kann Jens Joensen út ÍF nevnast, hann er týdningarmikið fyri ÍF. Vinstri bakk: Jann Benjaminsen (NSÍ) Toftamaðurin á vinstra vong­ verja hevur av álvara fingið sítt gjøgnumbrot í føroyskum fót­bólti. Hóast hann er høgra­ beintur, so stórtrívist hann í vinstru á NSÍ-liðnum. Hann ar­ beiðir hart og luttekur í øllum pørtum av spælinum, men serliga er tað álopsspælið, ið er imponerandi. Hann hevur lagt upp til sjey mál, sum er fleiri enn nakar annar. Jann Benja­ min­sen er í holt við sítt stóra gjøgnumbrot í ár. Av øðrum kunnu nevnast Daniel Johansen úr HB og Ísak Simonsen úr KÍ. Daniel Johan­sen hevur verið neyvur í álopsspælinum, har hann bæði hevur lagt upp og skorað mál. Ísak Simonsen hevur eisini fingið eitt avbera flott mál, men er ikki líka neyvur í inn­ leggsspælinum. Høgri miðvøllur: Jóannes Bjartalíð (KÍ) Tað var ongantíð ein spurningur um Jóannes Bjartalíð skuldi við, men heldur hvar hann skal spæla. Hann er toppskjútti sjey málum og hevur lagt upp til seks mál sambært Faroesoccer.com. Sermerkt við teimum sjey mál­ unum er, at fimm av teimum eru komin upp á brotsspark. Hann hevur eisini lagt upp til mál við hornaspørkum og fríspørkum, so tað er upp á deyðbóltar, at hann útmerkar seg í hesum kappingarárinum. Tó er ringt at seta fingurin á vanliga spælið. Onnur boð eru Árni Frederiks­ berg úr B36 og Pætur Petersen úr HB. Árni Frederiksberg hevur verið góður í álopsspælinum, men fyrstu umførini restaði ov nógv í verjupartinum. Tað er um­vent hjá Pæturi Petersen, har verður runnið nokk, men hann er ikki eins dystaravgerandi og kappingarneytarnir. Miðvøllur: Mathias Nygaard (HB) Danski miðvallarin hjá HB hevur spælt allar dystirnar og av­rikar støðugt. Hann hevur nógvar eginleikar, uttan at skara framúr til nakað ávíst. Hann er rennistekur, kropssterkur og blandar seg upp í alt. Bæði í verjustøðu og álopsstøðu. Vinn­ ur tvídystir og bjoðar seg fram at fáa bóltin. Hann hevur spælt næstan allar minuttirnar og hevur verið drúgvur í flest øllum dystin, tó uttan at fara við yvirskriftunum. Onnur boð eru Eli F. Nielsen hjá B36 og Betuel Hansen hjá NSÍ. Teir hava báðir staðið væl í fleiri dystum. Miðvøllur: Michal Przybylski (B36) Pólski føroyingurin hevur verið ein støðug hóttan í álopsstøðu hjá B36. Tað er høvðusorsøkin, at skjóti miðvallarin er komin á ársins lið fyrsta triðingin. Aftur er talan um ein drúgvan spælarar, sum hevur verið á vøllinum næstan allar minutt­ ir­nar. Hann hevur skorað fimm mál, har talan hevur verið bæði um stútarar og skjótálop. Betri deildin menn: Ein triðingur er farin av kappingarárinum og tað er tíð at seta ársins lið higartil. Sermerkt við liðnum er, at NSÍ er best umboðað, meðan tað bara er pláss fyri tveimum spælarum úr HB, sum tó eisini hevur venjaran NSÍ ER BEST NSÍ ER BEST UMBOÐAÐ UMBOÐAÐ Á LIÐNUM Á LIÐNUM Ársins lið higartil: