hósdagur 25. juni 2020síða 32

8 krevja váttanir og tað er tað sum Thetis ger. – Okkarar størstu kundar koma tí frá fiskvinnuni og ali­vinnuni, sigur hon. Thetis er ein heilsufrøðilig kanningarstova, sum bjóðar heilsu­frøðiligar matvøru- og vatnkanningar í Føroyum. Tey halda til í hølunum hjá Granskarasetrinum iNOVA. Fremsta mál er góðska og skjótleiki, so kundin í minst møguligan mun kemur í bíðistøður, sum ávirka fram­ leiðsluna og dagliga virksemið. Kundin skal altíð kenna seg í tryggum hondum. Kanningarnar hjá Thetis fevna eitt nú um sjúkuelvandi bakteriur, sum kunnu tryggja brúkaran ímóti smittu­ elvandi bakterium í matinum. Aðrar kanningar snúgva seg til dømis um samlað tal av bakterium og rotbakteriur, ið geva ábending um hald­góðskuna í einari vøru. Partar av hesum kanningum kunnu brúkast at meta um, hvørt reingerðin á einum virki er nóg góð. Talan kann eisini verða um indikatorbakteriur, sum kunnu geva eina mynd av reinførinum undir sjálvari mat­ vøruframleiðsluni. Harumframt kann Thetis eitt nú veita kommunum regluligar mikrobiologiskar og kemiskar vatnkanningar, sum kunnu geva borgarunum trygd fyri reinum drekkivatni Spennandi avbjóðing Stjórin á Thetis, 45-ára gamla havnakvinnan, Marita Debess Magnussen, hevur upprunaliga eina útbúgving sum laborantur og eisini mikrobiologur, men hon hevur eisini tikið eina ph.d. í heilsuvísind. Útbúgvingarnar hevur hon tikið í Onglandi og í Íslandi. – Eg byrjaði á Thetis samstundis sum eg pendlaði til Ís­lands fyri at gera mína ritgerð lidna, sigur hon. Thetis hevur virkað í skjótt fimm ár og tað vísir seg at upp­gávur leggjast til. Tað vísir seg eisini, at royndir sum fyrr vóru sendar av landinum til greiningar nú kunnu gerast í Føroyum. Fyri­ munurin er fyrst og fremst at tað styttir ómealiga nógv um svartíðina. – Hetta við korona er nakað, sum er komið afturat og sum ger okkara virkisøki breiðari, sigur stjórin, sam­ stundis sum tedlefonin ringir alla tíðina og hon skal á ein annan fund um eina løtu. – Ja, tað er nógv ferð á í løtuni, men tað er tað, sum ger hetta spennandi, sigur Marita Debess Magnussen.