hósdagur 2. juli 2020síða 30

FRÍGGJADAGUR 3. JULI 2020 SOSIALURIN 52 30 TRÓNDUR ARGE Leygardagin verður fult umfar í landskappingini í mansfótbólti. Spælt verður frá klokkan 15 til klokkan 21. Byrjað verður á varmakeldu í Fuglafirði, har HB er á vitjan. Klokkan 17 verða tveir dystir. Á Argjum er grannauppgerð millum AB og B36, og á Skála er Víkingur á vitjan. Klokkan 17.30 tekur KÍ ímóti TB í Klaksvík og seinasti dysturin verður í Runavík klokkan 19, har NSÍ fær vitjan av EB/Streymi. Sostatt verður fótbólturin spjaddur yvir seks tímar leygar­ dagin. Orsøkin til at spæla verð­ ur leygardagin er, at 1. umfar í kappingini um Løgmanssteypið verður mikudagin. ÍF-HB (Beinleiðis á FM1) Leygardagin klokkan 15 DÓMARI: JÓHAN HENDRIK ELLEFSEN Tað er stevnudystur í Fuglafirði. Seinast HB var á vitjan endaði tað við 3-0 sigri til gestirnar úr HB. HB var náðileyst og skoraði upp á tríggjar teir fyrstu møgu­ leikarnar. Síðani royndi ÍF at svara aftur, men tá hol kom á var tað í yvirtíðini. Síðani dystin í øðrum umfari hevur HB havt nógvar skaðar, sum nú eisini raka fremstu pláss­ ini. Farna umfar byrjaði hjálp­ar­ venj­arin, Kevin Schindler, inni í álopinum. Jákup L. Thom­sen og Teit Jacobsen eru langtíð­ar­skadd­ ir, meðan Adrian Just­inus­sen, Pætur Petersen og Øssur Dalbúð eisini sita uttanfyri nú. Síðani koronasteðgin hevur før­oyski landsliðsspælarin í hond­bólti, Hilmar Leon Jakobsen, spælt við 1. deild hjá HB. Hann spældi sum yngri fótbólt við HB og var mettur sum ein avbera evnaríkur fótbóltsspælari, men var samstundis mettur sum ein eins evnaríkur hondbóltsspælari. Hann valdi tá hondbóltsleiðina, men ein skaði í økslini ger, at hann ikki fær spælt hondbólt utt­an pinu. Hóast hann bara hevur spælt 192 minuttir í 1.deild, so hevur hann skorað fýra mál. Tí hevur Jens Berthel Askou, venjari hjá HB, nú sent boð eftir Hilmari Leon Jakobsen, ið er ein kraftmikil spæl­ari, sum bæði kann seta av og seta nógva ferð á – og so er hann áleypari. Tað hev­ur HB ongan av í løt­uni. Í Fuglafirði er enn fótbólts­ febur. Við sigrinum á TB í farna umfari er ÍF komið upp á 16 stig, og hevur yvirhálað Víking á stiga­talvuni. Heimaliðið v e r ð u r uttan Milos Budakovic restina av kappingarárinum, men higartil hevur ungi Jákup Nolsøe Olsen avloyst væl í málinum. Bogi Løkin verður heldur ikki tøkur fyri summarsteðgin, men annars hevur ÍF allar mans tøkar. ÍF hevur fýra spælarar, sum eru eitt gult kort frá leikbanni til dyst­in í komandi umfari móti Skála. Søgan hevur verið tann sama tá B36, HB og KÍ hava verið á vitjan í Fuglafirði. ÍF er við, men tað eru gestirnir, sum fara avstað við stigunum. Hóast gestirnir eru skerdir, so eru teir favorittar. SOSIALURIN TIPPAR: 1-2 AB-B36 (Beinleiðis á FM1) Leygardagin klokkan 17 DÓMARI: DAGFINN FORNÁ Á Argjum er grannauppgerð millum lítlabeiggja og stóra­ beiggja. Seinast liðini møttust var í 2. umfari, tá B36 vann lættan 3-0 sigur. Í Gundadali setti B36 tingini upp á pláss longu í fyrra hálvleiki. Eftir eitt stórt korter var B36 á odda 2-0, meðan staðfestingin kom í yvirtíðini til 3-0. Tað eru tekin í sól og mána um, at argjamenn nú eru meiri mótstøðuførir. Avrikið móti NSÍ farna sunnudagin var til tíðir gott, men tað eru framvegis av­bjóðingar í verjupartinum. Sjálvt tá AB hevði javnað til 2-2 móti dystarenda gekk ikki at verja fyri. Tað var ein tíð, har argjamenn argaðu B36 í fleiri dystum, men nú er longri ímillum at B36 snáv­ ar í grannauppgerðini. Í fjør vann B36 allar uppgerðirnar og vit skulu aftur til 19. umfar í 2018, fyri at finna eitt AB-stig í grannauppgerðini. Tað hava gjøgn­um tíðina verið fleiri javnleikir, men vit skulu heilt aftur til ein summardag í 2013, fyri at finna seinasta sigurin hjá AB á B36. Tá endaði Súni Olsen sum mál­verji, eftir at Tórður Thomsen bleiv útvístur. Síðani ósigarnar fyri HB og Víkingi hevur B36 fingið 10 av 12 stigum. Helst skuldi B36 eisini havt vunnið á NSÍ í 1-1 javnleikinum í Gundadali. Gestirnir eru favorittar at vinna á Argjum, men tað er tunt í verjupartinum nu Sonni Ragnar Nattestad og Eli F. Nielsen ikki eru við, men setur tú vandamiklu menn­irnar hjá B36 upp ímóti verjuni hjá AB, so er torført at koma til eina aðra niðurstøðu, Ikki við: Filip í Liða (ryggurin, 2-4 mánaðir), Hans Jákup Anfinnsson (brot í fótinum, 2 mánaðir), Rógvi Poulsen (leikbann, 1 dystur), Jón Krosslá Poulsen (knæið, 1 mánað) Við aftur: Asbjørn Heðinsson (leikbann) Ikki við: Erling Dávidsson (knæið, ógreitt hvussu leingi), Sonni Ragnar Nattestad (hælsinan, ógreitt hvussu leingi), Eli Falkvard Nielsen (leikbann) Ivasamur: Ragnar Samuelsen Við aftur: Hugin Samuelsen Ikki við: Poul G. Olsen (meniskur, vikur), Petur Zachariassen, Bjarki Zachariassen (knæ, vikur) Ivasamur: Fannhard A. Skoradal Við aftur: Tóki H. Johannesen (eftir heilaskjálvta) Ikki við: Delphin Tshiembe (lærkrikin, 3 vikur) Hørður Askham (krossbandið, 4 vikur), Tróndur Jensen (krossbandið, 4 vikur), Øssur Dalbúð (lærkrikin, 2 vikur), Teit Jacobsen (knæið, 2 mánaðar), Jákup L. Thomsen (knæið, 1-2 mánaðir), Adrian Justinussen (brot í fótinum, 6 vikur), Pætur Petersen (fóturin, 2 vikur) Ivasamir: Heðin Hansen (lærkrikin) Ikki við: Milos Budakovic (krossbandsskaði, óvist), Bogi Løkin (fibur, 3-4 vikur) LIÐ TÍÐINDI B36 HB AB EB/STREYMUR ÍTRÓTTUR Upptakt 11. umfar: Betri deildin menn: Oddaliðið hevur avbjóðingar í álopinum og nýggjasta kortið er ein av evnaríkastu hondbóltsspælarunum í Føroyum. Hilmar Leon Jakobsen velur fyribils fótbóltin framum hondbóltin NÝGGJUR NÝGGJUR MAÐUR Í MAÐUR Í HÓPINUM HJÁ HB HÓPINUM HJÁ HB ÍF