týsdagur 7. juli 2020síða 28

Mikudagur 8. juli 2020 · Nr. 53 28 Sosialurin Hugskot og viðmerkingar – send sms til 225000 Jóannes Hansen/Tróndur Arge Allir fimm dystirnir í 11. umfari vóru leygardagin. Dystirnir blivu fluttir fram, tí 1. umfar í kappingin um Løgmanssteypið verður mikukvøldið. Tað bleiv sum vætað fimm sigrar til fimm tey stóru. HB, NSÍ, KÍ, B36 og Víkingur vunnu øll sínar dystir, men serliga HB og KÍ vóru í trongum skóm, umframt at tað var spenningur til tað seinasta í Runavík, har EB/ Streymur var á vitjan. HB stýrir millum skerini Fótbóltsfepurin í Fuglafirði er høgur, og tað er ikki sørt, at tey í ÍF leguni – serliga tey uttanfyri vøllin – aftur og aftur minna á, at nú er teirra lið millum tey í topp fimm. Í stevnudystinum leygar­dag­ in var møguleiki hjá ÍF at vinna úrtøku ímóti einum av teimum heilt stóru. Toppliðið HB var stevnugestur. Skaðalistin hjá HB er alinlangur, og tað verður leitað mest sum við lykt fyri at finna skikkaðar álopsspælarar. Heimamenninir bardust sum úlvar á skóg, og tað var spenn­ingur til síðsta bríksl, tí ÍF legði alt tað fyri, sum teir reyðu áttu í sær og næstan meiri enn tað. Í evstu løtu varð lagt innfyri úr høgru, og lið­ formaðurin Jan Ó. Ellings­gaard stútaði dygst framvið handara stólpa, og so var liðugt. HB vann 2-1 og verður eisini eftir 11. umfar topplið. ÍF legði seg á odda í 6. minutti. Langt útspark, Uros Stoja­nov snittaði víðari til Hans Jákup Lervig, sum varð leysur innanfyri verjuna, og av brots­teigarmarkinum fluktaði hann bóltin inn við stólpan. HB hevði risa møguleika at javna í 14. minutti. Daniel Johansen legði við horna innfyri úr vinstru, og Bartal Wardum stútaði dygst framvið handara stólpa. HB var greitt omaná, og lukkan var fleiri ferðir nógv betri enn forstandi hjá ÍF verju­ ni, sum ikki fekk mál ímóti sær fyrr enn ein lítil hálvur tími var farin. Mathias Nygaard stútaði til 1-1 í 29. minutti. Nógv av HB spælinum gekk fyri seg í vinstru, har Daniel Johan­ sen var framrættaður og sera eyðsýndur. Mads Boe Mikkel­ sen dró út frá í brotsteiginum og legði bóltin til handara stól­ pa, har Mathias Nygaard við høvdinum setti bóltin dygst inn við stólpanum. HB spældi seg til støður og møguleikar, men tað var ÍF, sum átti nógv tann størsta møgu­leikan. Eftir innlegg úr vinstru sneiddi Hans Jákup Lervig seg leysan av mið­ verjuni, og úr góðari støðu og seks metrar úr málinum smekk­aði hann til. Men Teitur Matras Gestsson í HB málinum stórbjargaði við beinparadu og umvegis tvørtræið. Ein minutt undan steðgi­ num spældi Mathias Ny­ gaard seg eftir eitt tvey sam­ an­spæl í høgru heilt leysan í málteiginum eitt vet til høgru. Hann royndi at lyfta bólt­in framvið málverjanum, men Jákup Nolsøe Olsen stór­bjarg­ aði. Og so var tað, at Teitur M. Gestsson í tíðini, sum dómarin legði aftrat fyrra hálvleiki, stór­ bjargaði so heilt framúr, tá ið Hans Jákup Lervig royndi seg úr fimm metrum. Eftir steðgin myndaðist tað fyri tað nógva, sum tað hevði gjørt í fyrra hálvleiki. Favorittarnir fluttu seg betri fyri hvørjum øðrum, og teir vóru tryggari á bóltinum og í samanspælinum, og leingi gekk tað væl meiri fyri seg á ÍF hálvu­ni. Í 66. minutti eydnaðist tað HB at leggja seg á odda 2-1 við málinum, sum vísti seg at vera sigursmálið. ÍF misti í uppspælinum, akkur­át innskifti Hilmar Leon Jakob­sen spældi fram í vinstru til René S. Joensen, sum sendi bóltin millum beinini á ÍF málverjanum, ið var noyddur at leypa úr málinum. Báðir málverjarnir høvdu fleiri góðar bjargingar, og heilt til síðsta bríksl vóru spentar støður, men tá ið alt kom til alt, var tað toppliðið, sum vann, og fram­ vegis bíða fuglfirðingar eftir, at teirra lið skal vinna á teimum í toppinum – øðrum enn Víkingi. B36 hevur stongt málið Fyri triðju ferð á rað fór B36 av útivølli, uttan at málverjin, Rói Mørk Hentze, noyddist at fara í meskarnar eftir bóltinum. Eftir 3-0 í Fuglafirði og 3-0 í Streymnesi endaði tað í leygardagin við 4-0 sigri á Argjum. Tá ið dómarin bríkslaði fyri hálleiki, var støðan 1-0 til B36. Hóast teir í árstalsfelagnum vóru omaná, so var tað framvegis spurningur um, hvussu tað fór at tørna út. Málið í fyrra hálleiki skoraði Michal Przybylski í 11. minutti. Uppleggið átti vongverjin í høgru Benjamin Heinesen. Beinanvegin eftir steðgin økti Árni Frederiksberg um leiðsluna til 2-0, og síðani var spurningurin heldur, hvussu stórur B36 sigurin fór at verða heldur enn møguleikin fyri, at tað skuldi eydnast AB at javna. Miðskeiðis í seinna hálvleiki økti Sebastian Pingel um munin til 3-0. Uppleggið átti Meinhard E. Olsen. Bestu málskjúttarnir hjá B36 eru Sebastian Pingel og Árni Frederiksberg við fimm málum, Michal Przybylski við seks málum og so Meinhard E. Olsen, sum fram ímóti dystarenda staðfesti rimmar B36 sigurin og við 4-0 málinum skoraði fyri sjeyndu ferð higartil í ár. Víkingur vann greitt á Skála Tað var als einki at rafla um, tá ið Skála hevði vitjan av Víkingi. Tá ið eitt stórt korter var farið, vísti máltalvan 3-0 til Víking, og so var spurningurin bara, hvussu stórur sigurin hjá Víkingi fór at verða. Tað endaði 4-0. Øll málini vórðu skorað í fyrra hálvleiki. Víkingur hevði millum teir fyrstu ellivu Géza Turi og Arnbjørn Svensson. Tveir fyrrverandi Skála spælarar syrgdu fyri fyrsta málinum, sum varð skorað, tá ið tíggju minuttir vóru farnir. Ari Olsen legði inn fyri úr høgru, og bólturin ferðaðist aftur um handara stólpa, har Jákup Johansen royndi at stýra bóltin í málið. Bárður á Reynatrøð – fyrrverandi Víkinga spælari – í Skála málinum tóktist hava tak á støðuni, men bólturin fór dygst inn við stólpanum og í málið. Málskjúttin og uppleggjarin fegnaðust ikki nakað serligt, men tað gjørdi við­spælar­ar­ar­ nir, og víking­ar­nir koyrdu á. Bæði í 14. og í 18. minutti bríkslaði dómarin Rana A. Skaalum fyri brotssparki til Víking. Veteranarnir Lukasz Ciesle­wicz og Atli Gregersen um­settu til 2-0 og 3-0, og so var spurningurin bara, hvussu stórur sigurin hjá gestunum fór at verða. Hetta var sum at hava steikina í mikroovni. Eitt korter og so var alt avgjørt. Í tíðini, sum var løgd aftrat fyrra hálvleiki, økti miðverjin Vu­kasin Tomic um munin til 4-0. Eftir steðgin varð einki mál skorað. Víkingur hevði tak á støðuni og fleiri hornaspørk og royndir ímóti málinum, enn heimaliðið hevði. Trivaligi sig­ urin ber við sær, at Víkingur er aftur millum fimm tey fremstu. Stóra tapið ber við sær, at støðan hjá Skála ikki er góð. Nógvir spælarar eru á skaðalistanum, og í kvøld varð Rói Olsen eisini settur á langa listan. Hann noyddist skaddur av vøllinum longu miðskeiðis í fyrra hálvleiki, tá ið Aksel B. Danielsen, ið hevur verið skaddur, loysti hann av. Eitt stig í ellivu dystum boðar frá, at støðan hjá Skála er ikki góð. Skaðar og aftur skað­ar ger tað lítið hugaligt hjá skálamonnum, sum royndu at vísa rætta hugburðin, hóast støðan var, sum hon longu eftir eitt korter vísti seg at vera – hvussu stórt tapið fór at verða. TB leyp kvøkk á KÍ Við 2-1 heimasigri ímóti TB syrgdi KÍ fyri, at fjarstøðan fram til HB og toppin framvegis er tvey stig. Fyrra partin av fyrra hálvleiki var tað einki á vøllinum, sum boðaði frá, at meistararnir í KÍ eru við í kappingini um oddasessin, og at TB er við í stríðnum fyri at sleppa undan plássunum, sum bera hóttan fyri niðurflyting við sær. Gestirnir vístu beinanvegin, at teir vóru ikki komnir til Klaksvíkar fyri í nógva regni­ num at royna at verja málleysa javn­leikin og so at dúva upp á møguleikan at fara í skjótt mótálop. KÍ kendist frá fyrsta bríksli at vera eitt sindur skeivt upp á bein, og TB spældi við góðum hugburði, stórum sjálvsáliti og við nógvum fólki frammi á vølli­num, tá ið møguleiki var fyri tí. Tað vóru fleiri spentar støður í og kring KÍ brotsteigin, og tá ið eitt stórt korter var farið, eydnaðist tað at fáa mál. Samudeen Musah var eyð­sýndur og raskur fremsti maður. Hann slapp leysur innan­fyri heimaverjuna, Kristian Joensen í KÍ málinum noyddist at leypa út og hálv­ bjarg­aði sera væl, men bólturin støkk til framrættaða og eyð­ sýnda miðvallaran John Villi Leo Wøldike, sum sendi bóltin upp í nettakið. 1-0 til TB og í nógva regni­ num kendist hetta var skelkur í heimaleguni. TB legði nógva orku í, at tað ikki skuldi verða soleiðis, at 11. umfar: Betri deildin menn: Bæði HB og KÍ vóru í avbjóðandi støðum, men fingu óvæntaða hjálp. HB sendi hondbóltslandsliðsspælaran Hilmar Leon Jakobsen á vøllin, meðan tvøramenn kenna seg órættvíst dømdar í Klaksvík, har Jóannes Bjartalíð takkaði fyri HONDBÓLTSSPÆLARI HONDBÓLTSSPÆLARI BJARGAÐI HB BJARGAÐI HB – BROTS­ – BROTS­ SPARK BJARGAÐI KÍ SPARK BJARGAÐI KÍ