hósdagur 9. juli 2020síða 30

FRÍGGJADAGUR 10. JULI 2020 SOSIALURIN 54 30 TRÓNDUR ARGE S unnudagin verður fult umfar í Betri deildini hjá monnum. Talan er um 12. umfar, sum samstundis er seinasta umfarið fyri summarsteðgin, ið bara verður í tvær vikur hesaferð. Stóri dysturin er í Gundadali, har B36 tekur móti KÍ í eini endurtøku av FM-finaluni frá oktobur mánaði í fjør. Í Trongisvági tekur TB móti NSÍ, Víkingur fær vitjan av AB og ÍF fær vitjan av Skála. Hesir dystirnir byrja allir klokkan 15. Seinasti dysturin í 12. umfari verður klokkan 19 við Margáir, har EB/Streymur tekur móti HB. Sermerkt við dystinum er, at EB/Streymur letur allar áskoðarainntøkurnar til Team Rynkeby Føroyar. B36-KÍ (Beinleiðis á FM1) Sunnudagin klokkan 15 DÓMARI: JÓHAN HENDRIK ELLEFSEN Hetta er ein endurtøka av FM-finaluni frá í fjør. Liðini hittust eisini í fyrsta umfari í landskappingini í Klaksvík. Tá vann B36 2-0 við málum frá Sebastian Pingel og Meinhardi E. Olsen. Bæði B36 og KÍ hava vunnið fýra av sínum seinastu fimm dystum í landskappingini, so talan er um tvey lið í viðgongd. Heimaliðið hevur betri treytirnar til hendan dystin. B36 spældi í steypakappingini móti B71 á Sandi. B36 vann dystin 7-2 og liðið fekk skift eitt sindur runt við spælarum. Millum annað spældi Martin Agnarsson frá byrjan fyri fyrstu ferð, meðan Andreas Thomsen fekk afturval, eftir sín fyrsta dyst frá byrjan í ár í 4-0 sigrinum á Argjum. Hetta er betri treytir enn tær hjá gestunum úr Klaksvík, sum spældu í 120 minuttir móti HB. Tí er ein møguleiki fyri, at gestirnir eru nakað meiri slitnir til dystin sunnudagin. Afturat tí, so fór Odmar Færø út í hálvleikinum við skaða í rygginum, meðan Ísak Simonsen ikki fekk gjøgnumført dystin. Odmar Færø er ivasamur til dystin, meðan tað er greitt at Ísak Simonsen ikki spælir. Hjá heimaliðnum er Sonni Ragnar Nattestad tøkur aftur, eftir at hann hevur sitið yvir við einum snuddi seinastu vikuna. Eli F. Nielsen er tøkur aftur eftir leikbann, men fór av vøllinum fyri tíð í 7-2 sigrinum á B71. Eisini hevur Stefan Radosavljevic spælt seg í hitan aftur, eftir at hann bleiv avsettur móti AB. Hann skoraði hattrik á Sandi. Tað er lítil munur á liðunum. KÍ hevur eitt stig fleiri, meðan B36 hevur eitt mál betri málúrtøku. Nógv bendir á, at hetta verður ein javnur dystur, har bæði liðini tola at spæla javnleik. Spurningurin er so um teir 120 minuttirnir í Klaksvík koma at gera munin móti dystarenda. SOSIALURIN TIPPAR: 1-1 Víkingur-AB Sunnudagin klokkan 15 DÓMARI: BJARKI DANIELSEN Seinast hesi bæði liðini møttust endaði tað við málleysum javnleiki á Argjum. Hetta eru eisini dystirnir, sum Víkingur hevur havt trupulleikar av. Millum annað endaði tað eisini við málleysum javnleiki móti TB í Sarpugerði í 5. umfari. Víkingur er dottið niður í millum í stríðnum um Evropa- atgongumerkini. Skal Víkingur hava nakran kjans at nærkast heiðursmerkjunum aftur, so skal liðið vinna slíkar dystir. Víkingur hevur seinastu umførini vunnið sannførandi á EB/Streymi og Skála og tapti tepurt fyri KÍ. Andreas Lava Olsen og Sølvi Vatnhamar spæla møguliga, og tað er eitt stórt pluss. Gestirnir stríðast enn fyri at fóta sær. Símun Samuelsen leitar framvegis eftir einum frymli, ið skal geva fleiri stig av sær. Hópurin er breiðkaður, men enn mangla neyvu máldygdirnar í fremstu rekkju. Hetta kann blíva ein taktiskur og málfátækur dystur SOSIALURIN TIPPAR: 1-0 ÍF-Skála Sunnudagin klokkan 15 DÓMARI: KÁRI Á HØVDANUM Fuglfirðingar fóru til trongisvágs við tí fyri eyga, at fara allan vegin í steypakappingini. Teir komu aftur við ongum, og kunnu nú seta øll segl, fyri at elta grannarnar úr Víkingi, sum eru nummar fimm. ÍF verður uttan Karl Løkin, sum mátti lata seg skifta út mikukvøldið, og arbeitt verður við at fáa Sjúrður Paula Nielsen kláran. Hann fór somuleiðis av vøllinum við skaða. Her er talan um eitt trælær. ÍF er favorittur at vinna á Skála, og ÍF hevur eisini útmerkað seg sum tað liðið, ið hevur staðið stinnast av fimm teimum niðastu. Upptakt 12. umfar: Betri deildin menn: Fýra av liðunum, sum skulu á vøllin sunnudagin hava spælt 120 minuttir av steypafótbólti mikukvøldið. Dystarskráin hevur verið tøtt og tað sæst aftur á skaðum og broytingunum, sum fleiri av liðunum gera Ikki við: Filip í Liða (ryggurin, 2-4 mánaðir), Hans Jákup Anfinnsson (brot í fótinum, 2 mánaðir), Jón Krosslá Poulsen (knæið, 1 mánað/fyribils givin), Bjarni Skála (leikbann, 4 gul) Ivasamur: Rógvi Poulsen Ikki við: Erling Dávidsson (knæið, ógreitt hvussu leingi), Ragnar Samuelsen (fótlið, 1 vika) Ivasamir: Sonni Ragnar Nattestad, Hugin Samuelsen Við aftur: Eli Falkvard Nielsen (eftir leikbann) Skaddir: Poul G. Olsen (meniskur, vikur), Petur Zachariassen (knæ, vikur), Bjarki Zachariassen (knæ, vikur), Niklas Kruse (knæ, óvist), Fannhard A. Skoradal (fótur, 1-2 vikur) Ivasamir: Gestur B. Dam, Tóki H. Johannesen, Rói Zachariassen Ikki við: Tróndur Jensen (krossband, 3-4 vikur), Hørður Askham (krossband, 3-4 vikur), Adrian Justinussen (brotið fótin 4-6 vikur), Delphin Tshiembe (Lærkrikin, 2-3 vikur), Jákup L. Thomsen (knæið, langtíðarskaddur), Teit Jacobsen knæið, langtíðarskaddur), Mads Boe Mikkelsen (fibur, óvist), René Shaki Joensen, (lærkrikin, óvist) Ivasamir: Øssur Dalbúð og Pætur Petersen Við aftur: Heðin Hansen. Ikki við: Ísak Simonsen (vøddaskaði) Ivasamur: Odmar Færø (skaði í rygginum) LIÐ TÍÐINDI B36 HB AB EB/STREYMUR KÍ FLEIRI SLITIN BEIN FLEIRI SLITIN BEIN Á Á VØLLIN UM VIKUSKIFTIÐ VØLLIN UM VIKUSKIFTIÐ